莊子璇成港姐冠軍內地親友狂賀？！放煙花慶祝，獲封「福建之光」

娛樂新聞

By Jennifer on 29 Aug 2023

Digital Editor

今晚食乜餸：小二，嚟一碟花生！

香港小姐2023｜莊子璇奪得港姐冠軍後回家，一眾家人為佢慶祝，TVB亦有上門採訪。莊子璇嘅家人亦有出鏡，原來佢2018年已被媽媽叫選港姐，哥哥仲大爆佢多人追！除咗香港家人，莊子璇內地親友亦大肆慶祝？！

Photo from TVB

莊子璇媽媽2018年已叫佢參選！

《香港小姐競選2023》莊子璇憑問答環節出色表現成功奪得冠軍，賽後TVB即跟佢回家，家人亦安排好為莊子璇慶祝，早就準備咗生果、鮮花，令莊子璇十分驚喜。莊子璇哥哥指妹妹平時比較淡定，喺決賽上正常發揮。

Photo from TVB

莊子璇媽媽表示佢嘅朋友成日讚佢個女靚，喺2018年時佢已叫女兒參選港姐！雖然當時叫佢參選佢都無去到，但今年媽媽再呼籲：「你再唔去年紀好大！」莊子璇哥哥又幫佢填好晒資料，終於正式報名參選港姐。

Photo from TVB

哥哥大爆莊子璇好多人追

莊子璇同哥哥關係超好，佢指自己參選以嚟都係由哥哥車出車入，感謝佢同媽媽一路嘅支持。當主持人問到莊子璇哥哥知唔知妹妹有無拍拖，哥哥坦言唔清楚，但佢表示：「據我所知，佢應該有好多追求者。」

Photo from TVB

內地鄉親見證莊子璇奪冠，放煙花狂賀？！

莊子璇奪冠，除咗家人好開心之外，佢嘅一班親友亦興奮不已！抖音上有網民拍攝短片「恭喜我們村—晉江永和後埔村出咗位香港小姐莊子旋」，片中有唔少疑似係莊子璇嘅鄉親父老，睇住香港小姐決賽直播，見證住莊子璇奪冠一刻。

Photo from 抖音

有一位中年婦女更激動到衝上前用手觸摸電視機，其他人都十分開心，紛紛拎出手機拍攝莊子璇奪冠嘅時刻，又振臂高呼。影片引起唔少內地網友關注，有人留言：「氣質特別好，耐看型，冠軍實至名歸」、「原來是福建老鄉怪不得我從剛開的就喜歡她」，有「同鄉」紛紛讚佢為晉江人爭光。

Photo from 抖音

更有網友晒出煙花影片，表示莊子璇奪冠後佢嘅鄉親喺內地放煙花慶祝：「熱烈祝賀：晉江市永和鎮錦鋪村人莊子璇榮獲本屆香港小姐冠軍」，又大爆：「這房子是她們家的應該才蓋不久，都是新新的，就在我們村裡。」

Photo from 抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

莊子璇奪冠軍惹落選佳麗不滿？樂易玲聞賽果忍唔住扁嘴？！

28 Aug 2023

香港小姐2023賽果出爐！莊子璇大熱奪冠，王怡然、王敏慈亦入選三甲。不過賽後有落選佳麗喺社交網站表明不滿賽果，更疑似將矛頭指向冠軍莊子璇？！喺宣佈結果一刻，樂易玲喺鏡頭前亦難掩真實心情，忍唔住扁嘴？！

Photo from TVB

香港小姐2023賽果出爐！莊子璇奪得冠軍，王怡然、王敏慈分別獲亞軍季軍

今年港姐喺決賽前已有2位佳麗退選，最終打入五強嘅有郭珮文、王敏慈、莊子璇、王怡然、陳霈錤。其中4號王怡然獲得「最上鏡小姐」及亞軍、就讀中央戲劇學院嘅王敏慈獲得季軍，冠軍則由大熱門莊子璇奪得。

Photo from TVB

五強之一嘅10號陳霈錤大方得體，問答環節表現亦唔錯，可惜最終三甲不入，賽後唔少人戥佢唔抵。同以往幾屆一樣，賽果引起網民關注，不過今次竟然連一班落選港姐都加入其中！

Photo from TVB

落選佳麗胡睿涵暗示「好能裝」，獲其他佳麗讚好

幾位落選佳麗都喺自己嘅社交網站表達不滿，其中6號胡睿涵更喺IG分享一張「好能裝像你一樣」嘅圖片，似有暗示！唔少人留言，其中包括7號毛志琛，佢留言3個小丑emoji，而13號陳曉彤同14號陳怡名亦分別like咗相關帖文。

Photo from 胡睿涵IG

Photo from TVB

Photo from 小紅書

留言嘅更有由一眾佳麗選出嘅「友誼小姐」8號姜依宁，除咗喺「好能裝」帖文下留言外，佢亦於IG Story分享得獎感受，多謝一班佳麗之餘，更留下一句「友誼小姐會成為你們的嘴替」，耐人尋味。

Photo from TVB

Photo from 姜依宁IG

落選港姐陳怡名直言黑臉係因為不滿比賽結果，矛頭直指冠軍莊子璇？！

而賽前就同網民對罵嘅14號陳怡名喺賽後亦喺IG Story直言：「我黑臉不是因為自己沒進十強。我早知道自己不會進哦，再給我一次機會，我的臉會更黑。」喺小紅書佢回覆網友時仲直言：「因為我不滿意比賽結果。」又like咗網民質疑15號莊子璇喺問題環節前早就知道答案嘅留言，將矛頭直指冠軍莊子璇！

Photo from TVB

Photo from 陳怡名IG

Photo from 小紅書

決賽之前莊子璇雖然係大熱人馬之一，但卻傳出佢對幕後工作人員大獻殷勤，卻對其他佳麗「擺款」，人前人後態度不一，慘被一眾佳麗「杯葛」，被封「是非港姐」，而賽後一班佳麗都喺社交網站分享參選合照，並tag返其他佳麗，但莊子璇出現嘅次數的確較低，唔少網友見到咁多落選佳麗公開表達不滿，直言根本係現實版《美麗戰場》。