download HolidaySmart 假期日常 app
Do姐被問港姐司儀表現，回應超得體！林家謙都甘拜下風

Do姐被問港姐司儀表現，回應超得體！林家謙都甘拜下風

娛樂新聞
By Jennifer on 29 Aug 2023
Digital Editor
今晚食乜餸：小二，嚟一碟花生！

《香港小姐2023》搵咗4位「愛妻男星」做司儀，但佢哋表現卻備受批評。擁有豐富主持經驗嘅Do姐（鄭裕玲）出席活動時就被問及港姐嘅問題，已離巢嘅Do姐面對有關娘家嘅問題，回答滴水不漏，連林家謙都話學到好多嘢。

《香港小姐2023》搵咗4位「愛妻男星」做司儀Photo from TVB

《香港小姐競選2023》陳豪、陳山聰、陳展鵬、蕭正楠做司儀

《香港小姐競選》今年係51週年，以往咁大型嘅直播節目都一定會由Do姐擔大旗做司儀。不過Do姐離巢、總經理曾志偉又因為身體原因需要休養，港姐司儀難有合適人選出任。

Do姐離巢、總經理曾志偉又因為身體原因需要休養，港姐司儀難有合適人選出任。Photo from TVB

為配合今年主題，TVB首設「AI司儀」，又搵咗TVB公認嘅4大「愛妻男星」陳豪、陳山聰、陳展鵬、蕭正楠做司儀。可惜幾位視帝做戲就出色，做司儀尚欠經驗，不但講錯歷屆港姐嘅姓名，更有「食螺絲」嘅情況出現。

幾位視帝做戲就出色，做司儀尚欠經驗，不但講錯歷屆港姐嘅姓名，更有「食螺絲」嘅情況出現。Photo from TVB

Do姐被問港姐司儀表現，得體回應令林家謙佩服

由於司儀表現不佳，令唔少網友懷念Do姐嘅主持。而Do姐出席活動時亦有傳媒提起今屆港姐選舉，被問到覺得陳豪、陳山聰、陳展鵬、蕭正楠嘅表現如何，Do姐就話自己無睇今年港姐，唔可以作評論：「我睇咗先可以品評嘛！」

唔少網友懷念Do姐嘅主持Photo from TVB

Do姐出席活動時亦有傳媒提起今屆港姐選舉Photo from HOY TV

之後記者又表示陳山聰佢哋受訪都話以前係睇Do姐做司儀，Do姐即表示：「真係抬舉！好可惜我無睇到，我補返睇！」隔離嘅林家謙聞言亦十分佩服：「呢個方法答嘢ok，可以學習！」

陳山聰佢哋受訪都話以前係睇Do姐做司儀，Do姐即表示：「真係抬舉！好可惜我無睇到，我補返睇！」Photo from TVB

隔離嘅林家謙聞言亦十分佩服Do姐：「呢個方法答嘢ok，可以學習！」Photo from HOY TV

Do姐自認無對唔住娘家

經驗豐富嘅Do姐面對敏感話題亦應對自如，有人問佢嘅新節目會唔會令人覺得係同娘家TVB成對手，Do就指：「我又無對唔住娘家！我都話離開咗娘家想試下啲新嘅嘢，我都係做緊自己想做嘅嘢。」佢表示自己同TVB有合約時都係「Do My Best」。

經驗豐富嘅Do姐面對敏感話題亦應對自如Photo from HOY TV

Do姐對話完全挑不出任個差錯，對舊公司嘅回應亦十分得體，唔少網友都感歎Do姐嘅IQ同EQ都超高！

唔少網友都感歎Do姐嘅IQ同EQ都超高Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

佐藤健訪港，Do姐超快反應執生神救場！主持功力深厚獲讚賞

21 Jul 2023

日本男神佐藤健首度來港出席活動，吸引咗好多fans到場支持。活動亦邀請咗Do姐（鄭裕玲）、193（郭嘉駿），其中當主持人Do姐請佐藤健出場時，對方卻遲遲未現身，Do姐即發揮佢嘅急智，完美執生救場！

日本男神佐藤健首度來港出席活動，吸引咗好多fans到場支持。Photo from ViuTV

日本男星佐藤健首度訪港！

日本男演員佐藤健拍攝嘅Netflix影集《First Love 初戀》，喺亞洲多地都大受歡迎，最近佢就嚟咗香港，出席首飾限定店活動。由於佐藤健係第一次來港，因此都有大批fans到場支持偶像。

日本男演員佐藤健拍攝嘅Netflix影集《First Love 初戀》，喺亞洲多地都大受歡迎Photo from Netflix

同場嘅仲有ERROR成員193，大會更邀請咗Do姐擔任活動主持人，而Do姐亦不愧係擁有多年經驗嘅主持人，佢喺活動上完美救場獲激讚！

同場嘅仲有ERROR成員193，大會更邀請咗Do姐擔任活動主持人Photo from ViuTV

佐藤健遲遲未出場，Do姐即執生救場

原來喺佢請佐藤健登場時，對方卻一直都無現身，眼見fans歡呼過後偶像仲未現身，場面逐漸變得尷尬，Do姐即執生先介紹自己身上價值$400萬元嘅珍珠鑽石首飾，之後又請193上台同佢傾下品牌首飾嘅話題。

Do姐請佐藤健登場時，對方卻一直都無現身Photo from ViuTV

Do姐即執生先介紹自己身上價值$400萬元嘅珍珠鑽石首飾，之後又請193上台同佢傾下品牌首飾嘅話題。Photo from ViuTV

當嘉賓都準備好後，Do姐再請佐藤健，今次佢終於出場！佢一登場即掀起fans熱情歡呼，佐藤健亦好有心咁用廣東話同大家打招呼：「大家好，我係佐藤健。」活動後Do姐接受訪問時提到即時執生，佢笑言：「唔係點會咁貴請我！」

佐藤健好有心咁用廣東話同大家打招呼：「大家好，我係佐藤健。」Photo from ViuTV

佐藤健亦同Do姐握手Photo from ViuTV

Do姐主持經驗豐富，控場能力超強

Do姐擔任過不少大型綜藝節目司儀，佢豐富嘅主持經驗曾經喺港姐決賽上為一班司儀同佳麗打圓場，令場面唔尷尬之餘，又唔會搞到成個環節超時，控場能力超強！

Do姐擔任過不少大型綜藝節目司儀，佢豐富嘅主持經驗曾經喺港姐決賽上為一班司儀同佳麗打圓場Photo from TVB

早前另一位日本男星山P（山下智久）訪港，Do姐亦有份訪問對方，佢哋以全英文交流，網民都大讚Do姐同山P英文十分流利，現時Do姐開咗個人youtube channel，唔少人都期待佢會搵一啲巨星做嘉賓。

山P（山下智久）訪港，Do姐亦有份訪問對方，佢哋以全英文交流，Photo from The Do Show

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

鄭裕玲娛樂新聞香港小姐2023