吳若希被封「老婆反面教材」！網民難頂3大行為：燒老公ex頸巾
蝦頭、連詩雅主持嘅《絲打圍爐》邀請咗吳若希分享同老公相處嘅點滴。佢指自己曾抱女兒一聲不響離家出走，又試過燒咗老公前女友送嘅頸巾。網民指佢「唔識尊重老公」！
Photo from 《絲打圍爐》
吳若希憶老公曾有一神秘女閨密
吳若希2017年同澳門才俊何兆鴻（Alex Ho）結婚，婚後兩人育有一女一子，吳若希亦經常公開鬧老公，「惡妻」形象深入民心。蝦頭、連詩雅主持嘅《絲打圍爐》就請佢做嘉賓，分享佢男女關係嘅睇法。
Photo from 吳若希IG
吳若希指佢不能接受「男人同前度或其他女人不避嫌，或太親密」，佢回憶老公喺同佢拍拖前曾有一位異性「閨密」，兩人會一齊食飯、出街，甚至連女兒百日宴老公都有邀請呢位閨密出席，但吳若希指對方就「龜縮」咗，一直未有現身，佢亦從來無見過老公呢個閨密，直言對方好神秘。
Photo from 《絲打圍爐》
不滿老公打機，吳若希曾掟爛電腦/燒老公前度頸巾
不過吳若希指結咗婚之後，老公身邊就無咩異性出現了。節目中吳若希對老公打機頗有微言，佢指無論第二朝幾點起身，老公都會打機打到凌晨兩、三點。佢更一度懷疑老公有小三！吳若希指老公特登買咗一個有mic嘅耳機，每日打機同人交流，但指對方叫「阿彪」，應該係自己識嘅人。
Photo from 《絲打圍爐》
Photo from 《絲打圍爐》
對於老公「沉迷」打機，吳若希直言十分不滿，更為此掟爛晒老公啲電腦，連詩雅忍唔住叫佢「睇開啲」，安慰吳若希指佢老公都無咩不良嗜好，打下機好平常。吳若希又分享佢試過燒咗老公前度送嘅頸巾，令兩位主持都嚇一跳。
Photo from 《絲打圍爐》
Photo from 吳若希IG
Photo from 《絲打圍爐》
吳若希曾2次抱住個女離家出走
吳若希表示：「我好鍾意抱住個女離家出走。」佢指如果老公因為啲小事激嬲佢最多都係會鬧對方一餐，但真係好嬲嘅話就會粒聲唔出離家出走，佢表示婚後試過2次抱女離家出走。喺節目中吳若希勸觀眾唔好結婚，佢指結咗婚就無晒愛，所以為組織家庭可以結婚，但因為愛另一半嘅就唔好結婚。吳若希表示依家自己嘅愛都畀晒仔女。
Photo from 《絲打圍爐》
Photo from 吳若希IG
Photo from 《絲打圍爐》
指老公好鍾意畀佢鬧，吳若希被封「老婆反面教材」
雖然佢講到唔愛老公，不過佢都有大讚老公一直好體諒佢。而近一兩年老公經常「駁嘴」，吳若希就稱：「我老公好鍾意畀我鬧嘅！」佢指對方經常做啲嘢博鬧引佢注意。唔少網友睇完節目後都指吳若希根本係「老婆反面教材」，直言：「公主病」、「又無質素又霸道又唔識尊重老公」
Photo from 吳若希IG
Photo from 《絲打圍爐》
Photo from 《絲打圍爐》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
莊鍶敏坦承係新抱界反面教材？！分享與台灣奶奶相處有2大摩擦！吳若希：嫁得出係奇蹟！
13 May 2022
Photo from 莊鍶敏IG
2020年與台灣籍男友結婚！
大馬拿督千金莊鍶敏憑優越身高，於2000年開始入行做模特兒，後來加入大台成為藝人，有份參與多部電視劇拍攝。2019年，佢與台灣珍珠奶茶店老闆楊秉逸（Brian）公開戀愛，拍拖僅僅半年就有結婚念頭，並於2020年3月於豪宅內進行簡單嘅簽紙儀式，正式成為夫婦！
Photo from 莊鍶敏IG
Photo from 莊鍶敏IG
與吳若希大談成為人妻的改變！
日前，莊鍶敏接受好姐妹吳若希嘅YouTube頻道訪問，二人大談成為人妻後嘅分別。莊鍶敏坦承婚後身邊嘅人對佢嘅態度180度大變「一方面應該係因為覺得我比較多口啦」；而在旁嘅吳若希就表示認同「真心我覺得你以前mean啲嘅！」，對外人比較有戒心；不過就認為好大機會係楊先生（莊鍶敏丈夫）改變咗佢！
Photo from 吳若希YouTube
Photo from 吳若希YouTube
Photo from 吳若希YouTube
認為與丈夫認識時間剛剛好！
吳若希詢問莊鍶敏「幾時認定丈夫就係終生伴侶？」，而佢就表示自己非常相信緣分以及時機「如果我早啲識佢，就應該唔會一齊。」因為知道過往丈夫鍾意去蒲，而佢就唔太接受到；加上早幾年佢比較著重工作，就唔會願意花時間來回兩地見面。
Photo from 吳若希YouTube
Photo from 吳若希YouTube
4大契機決定結婚！
現時二人似乎都係保持住遠距離戀愛，而莊鍶敏就談及結婚嘅4個契機：想穩定下來、二人相處自在、大讚丈夫孝順、而且丈夫亦已經「玩夠喇」，綜合以上理由就決定與對方結婚！
Photo from 吳若希YouTube
Photo from 吳若希YouTube
Photo from 吳若希YouTube
夫婦二人從未長期相處？！
莊鍶敏話未來唔排除丈夫會來港居住，但就已經排除佢去台灣嘅可能性「我喺嗰度（台灣）有咩做啊」。而佢似乎非常適應異地戀嘅生活，認為兩人無法日見夜見，所以都好少有爭執；但坦承其實兩夫婦未試過長期相處！
Photo from 吳若希YouTube
Photo from 吳若希YouTube
奶奶曾經有微言？！
結婚後婆媳關係大多係常見嘅問題之一，而吳若希詢問莊鍶敏有關同台灣奶奶相處嘅經歷。佢表示只有喺結婚前見過奶奶，二人相處都冇大問題，但奶奶唯獨對佢「太遲起身」有微言；而當時佢就回答「因為我好鍾意瞓覺！」
Photo from 吳若希YouTube
Photo from 吳若希YouTube
而莊鍶敏覺得台灣嘅家庭可能比較傳統，奶奶亦曾問過「點解只係用短訊同佢哋聯絡」，而丈夫就同佢講返「奶奶會話家人係要講電話㗎！」，令吳若希都忍唔住話「你都真係反面教材！」仲不禁驚嘆莊鍶敏居然嫁得出；而佢亦搞笑回覆「千祈唔好學啊！唔係個個好似我咁嫁得出！」
Photo from 吳若希YouTube
Photo from 吳若希YouTube
不願意與丈夫FaceTime？！
雖然莊鍶敏同丈夫正在遠距離戀愛，但佢就表示唔鍾意FaceTime。對此丈夫曾不滿表示「點解你肯開Live但唔肯FaceTime」，就連吳若希非常不解，而佢就回應「因為做Live係搵錢」。
Photo from 吳若希YouTube
Photo from 吳若希YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
