點解無2號/4號至7號風球？！停用原因公開！三大颱風冷知識

By Jennifer on 31 Aug 2023

Digital Editor

今晚食乜餸：小二，嚟一碟花生！

颱風季每年都備受打工仔期待，因為打風有機會獲得一日假期，所以唔少人都好想天文台盡快掛8號風球。不過「熱帶氣旋警告信號」只有一號風球、三號風球、八號風球、九號風球、十號風球，到底點解無二號風球、四至七風球？10號風球點解無分風向？即睇熱帶氣旋警告信號演變！

Photo from TVB

1917年首次使用數字熱帶氣旋警告信號

1917年7月1日開始，天文台首次使用數字熱帶氣旋警告信號（俗稱「風球」）系統。當時只有一號至七號信號，1號同依家一樣係戒備信號；2號至5號則類似現今嘅八號信號，代表烈風將會由四個不同方向吹襲本港；6號類似現時嘅九號信號，表示烈風風力增強；7號風球則係最高嘅信號（同現時嘅十號風球相似），達到颶風程度。

Photo from 天文台

原來曾經有二號、四至七號風球！

到1931年，喺遠東區嘅台長統一咗熱帶氣旋警告信號系統後，香港正式採用咗由一號至十號風球嘅系統。1號風球不變，係戒備信號；2號風球及3號風球則同現時嘅三號風球相似，代表強風由兩個不同嘅方向吹襲；4號風球就指構成威脅，但對本地暫無影響；5號至8號風球代表有烈風，但由唔同嘅方向吹襲；9號代表烈風風力增強；10號風球則表示颶風吹襲。

Photo from 天文台

五至八號風球易被誤解

不過呢套帶氣旋警告信號系統，5號至8號風球容易引起市民誤解，例如由7號風球改為5號風球，雖然係代表風向嘅改變，但可能會有市民誤會風力有所下降，但實際上風力係一樣嘅。2號風球及3號風球嘅情況都係一樣。

Photo from 天文台

1973年至今用上大眾熟悉嘅風球系統

所以天文台經過諮詢同研究，到1973年，就換成一號風球、三號風球、八號烈風訊號、九號烈風或暴風風力增強信號、十號颶風信號，一直沿用至今。而10號風球代表颱風風眼相當接近香港，所以唔會好似八號風球咁分風向嘅。

Photo from 天文台

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【鬼節禁忌2023】農曆七月8大飲食禁忌！5種生果唔食得？魚生燒烤、冰塊易招陰！

29 Aug 2023

【鬼節禁忌2023】農曆七月相傳鬼門關大開，尤其今日七月十四陰氣特別重！鬼節禁忌特別多，相傳避免出夜街、不要夜晚不晾衫、不亂拍膊頭等，就連飲食禁忌都有？！鬼節食魚生、烤肉易招惹好兄弟？五種生果都唔食得！？鬼月要小心謹慎～即睇8大鬼節飲食禁忌！

Photo from 《她和她的她》劇照

·鬼節飲食禁忌｜❌食魚生、烤生肉/海鮮

鬼月最好避免食未熟或帶血的食物！很多人香港人都特別喜歡食日本菜，尤其係魚生，但農曆七月儘量要少食！相傳靈異嗜血，特別喜歡血腥食物，魚生的味道分分鐘會吸引它們一起來「享用」～另外，同樣亦要避免喜在戶外燒烤，因為海鮮及生肉亦屬於未熟的食物，極有可能吸引靈界朋友！

Photo from Pinterest

Photo from Pexels

·鬼節飲食禁忌｜❌食鴨蛋

有一個民俗說法，將鴨蛋放在碗裡面，並插上一對筷子，就會變成「腳尾飯」。「腳尾飯」係指在往生者的脚跟边擺放的菜肴，有希望往生者食飽後，有力氣前往地府報到之意。另外，相傳古人在墳前祭拜後，會將鴨蛋殼放在墳墓上，而有句俗諺「到蘇州賣鴨蛋」，在粵語中有「死亡」的婉轉意思。因此，有傳鬼月期間食鴨蛋，容易招惹「好兄弟」～