颱風膠紙黐玻璃真係有用？！天文台拆解最有效貼法並非「X」

時事熱話

By Jennifer on 01 Sep 2023

Digital Editor

今晚食乜餸：小二，嚟一碟花生！

超強颱風「蘇拉」襲港，商戶早就做好防風措施，紛紛喺玻璃黐上膠紙。到底咁做係咪真係有效防風？！其實天文台曾經做過實驗，又指常見嘅「X」貼法唔係最好！

Photo from 天文台

美國國家颶風中心稱「膠紙黐玻璃」無法防風

颱風來勢洶洶，政府一早宣佈停課一日，並預告掛8號風球嘅時間。而市民亦早作準備，除咗搶購食物外，亦做好防風措施，商戶紛紛喺玻璃黐上膠紙。呢個方法都非常常見，但實際作用卻存疑。

Photo from TVB

Photo from 天文台

美國國家颶風中心（National Hurricane Center）曾指黐膠紙完全無用，因為根本無法抵擋強風吹起嘅雜物撞擊，更會令玻璃破碎時裂成較大嘅碎片，容易對人造成嚴重傷害。

Photo from TVB

天文台實驗證明破璃黐膠紙後承受力更強？！

其實天文台早喺2016年已拍片回應過，喺節目《氣象冷知識》中邀請咗香港理工大學前機械工程學系工程師盧覺強教授分享防風法，佢指打風爆玻璃，主要有3大原因：1)打風風力過大吹起雜物亂飛，打碎玻璃；2)風速令玻璃震盪產生共鳴效應；3)玻璃受到外力因素導致變形、扭曲，就會碎裂。

Photo from 天文台

Photo from TVB

對此，盧教授就指黐咗膠紙玻璃就無咁容易破壞，又親自做實驗，證明黐咗膠紙嘅破璃承受力的確更強，即使碎裂都唔會散到周圍亂飛。

Photo from 天文台

「米」字形效果最好？！

盧教授又表示佢建議將膠紙黐成「米」字形，一來比較節省膠紙，二嚟亦更透光，適合香港嘅做法，而且「米」字形比「X」覆蓋嘅面積更大，當玻璃碎裂後無咁易飛到周圍都係。

Photo from 天文台

經常受颱風吹襲嘅台灣亦表示黐「米」字形嘅效果最好，新聞中向市民推薦黐「米」字形防風。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

點解無2號/4號至7號風球？！停用原因公開！三大颱風冷知識

31 Aug 2023

颱風季每年都備受打工仔期待，因為打風有機會獲得一日假期，所以唔少人都好想天文台盡快掛8號風球。不過「熱帶氣旋警告信號」只有一號風球、三號風球、八號風球、九號風球、十號風球，到底點解無二號風球、四至七風球？10號風球點解無分風向？即睇熱帶氣旋警告信號演變！

Photo from TVB

1917年首次使用數字熱帶氣旋警告信號

1917年7月1日開始，天文台首次使用數字熱帶氣旋警告信號（俗稱「風球」）系統。當時只有一號至七號信號，1號同依家一樣係戒備信號；2號至5號則類似現今嘅八號信號，代表烈風將會由四個不同方向吹襲本港；6號類似現時嘅九號信號，表示烈風風力增強；7號風球則係最高嘅信號（同現時嘅十號風球相似），達到颶風程度。

Photo from 天文台

原來曾經有二號、四至七號風球！

到1931年，喺遠東區嘅台長統一咗熱帶氣旋警告信號系統後，香港正式採用咗由一號至十號風球嘅系統。1號風球不變，係戒備信號；2號風球及3號風球則同現時嘅三號風球相似，代表強風由兩個不同嘅方向吹襲；4號風球就指構成威脅，但對本地暫無影響；5號至8號風球代表有烈風，但由唔同嘅方向吹襲；9號代表烈風風力增強；10號風球則表示颶風吹襲。