82歲蔡瀾近況曝光！輪椅代步精神不振，網民擔心健康

美食推介

By Jennifer on 01 Sep 2023

Digital Editor

今晚食乜餸：小二，嚟一碟花生！

現年82歲嘅蔡瀾喺4月就透露跌親，「手尾很長」，之後佢就一直無再更新社交網站，近日有網民喺馬來西亞遇到蔡生，但蔡生坐住輪椅，睇落蒼老咗好多，唔少網民擔心佢嘅健康狀態。

蔡瀾同金庸、倪匡、黃霑獲譽為「香港四大才子」，其餘幾位才子已於近年陸續離世，蔡生成為唯一一位仍然在世嘅才子。年屆八旬嘅蔡生依然無停止寫作，喺2022年書展仍有推出作品，平時又經常喺Facebook寫下文章同網友交流。

不過今年4月，蔡生就喺Facebook透露自己跌親：「我跌了一跤，把股頸骨摔碎了。醫生即刻為我換了一塊金屬的，當今在醫院休養。這一病，手尾很長。我心情也不佳，不想做任何事，請大家原諒。」

佢又表示暫時唔再寫日記：「請大家給我一個空間。日後再談。」之後蔡生就未有再更新近況，事隔4個月，最近有網友就喺國外偶遇蔡生。

網民喺網上分享，指喺馬來西亞見到一位「老先生」，唔少人都認出「老先生」真身係蔡瀾。4月跌親嘅蔡生需以輪椅代步，而且面容蒼老唔少。除此之外喺8月嘅馬來西亞，蔡生都要戴頸巾，身體狀況令網民擔心。

有網友指：「老人家最怕跌親」、「老左咁多」、「佢跌倒之前都好精神」、「年紀大就係咁」，有網民回顧蔡生半年前嘅影片，慨嘆：「精神狀態完全唔同，依家似100歲多啲」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

72歲食神韜韜變大灣區美食KOL 身形暴瘦令網民擔心 1原因下定決心減肥

2 Jun 2023

現年72歲的梁文韜(韜韜)是著名廚師、食家兼飲食節目主持，早年因主持TVB節目《日日有食神》而打開知名度，其龐大身形及巨腩令觀眾難忘，對美食有一份執着的他更被媒體封為「食神」。近年韜韜為健康減肥，身形瘦了不少，同時開始進軍內地市場，轉型做飲食KOL，久未露面的韜韜再拍片介紹美食，成功引起網民熱議。

Photo from 日日有食神 FB

化身KOL介紹內地美食及教煮餸

韜韜近年甚少出現在電視節目，反而主攻社交平台，在YouTube、小紅書及抖音拍片講飲講食，主力介紹大灣區的美食以及教人煮餸。近日他拍片品評了廣州兩間食肆，分別是一間酒樓及一間老字號雞鴨美食店，他品嚐了鳳爪、小籠包、叉燒、白切雞、大腸及蒸魚等佳餚，吃得津津有味，亦不忘認真點評美食，許多網民都大讚韜韜講解夠專業，希望他多拍片介紹美食，不過亦有網民把焦點放在韜韜的外形上，直指他身形瘦了而且蒼老不少，韜韜亦大方回應：「歲月不饒人」，他坦言自己早前减肥成功，但最近經常拍片到處吃喝，身體又胖了不少。片中可見，韜韜精神不錯，身形比起以前確實瘦了不少。

Photo from 韜滔有食神小紅書

1原因下定決心減肥兩年減130磅

韜韜曾表示過去從事飲食業，自己又精通煮食，因此食得好又食得多，加上工作繁忙，休息時間不多，多年來極少運動導致肥胖，他曾自爆高峰時期體重達325磅，腰圍有48吋，更患有「三高」問題。前年韜韜亮相好友蔡瀾的網台節目《蔡瀾花花世界》，可見他整個人瘦了很多，韜韜坦言自己用27個月做運動，由325磅減到195磅。韜韜曾透露過下定決心減肥的原因，韜韜有一位與他同樣肥胖的弟弟，2017年，59歲的弟弟某日吃飯後突然離世，完全沒有任何先兆，此事令韜韜關注自身健康，決心減磅，改善飲食習慣，並堅持早上5時半起床做運動，當時蔡瀾亦不禁大讚他意志力好強！

Photo from 日日有食神 FB

Photo from 蔡瀾花花世界 YouTube

去年執掌的灣仔酒樓不敵疫情結業

韜韜是大榮華酒樓的主理人，掌管元朗、九龍灣、灣仔三間大榮華酒樓，他曾豪花千萬裝修酒樓，當中以元朗及九龍灣兩間最賺錢，而灣仔只能做到收支平衡，惟2020年起飲食業受疫情影響步入寒冬，三間店生意均在蝕本狀況，更直言灣仔店「蝕到暈」，最後灣仔店於2022年8月忍痛結業。店舖最後一晚營業時，韜韜亦有落店鋪向光顧多年的熟客道別。