JPEX相關KOL名單曝光！2大美女掀關注，常晒名牌袋、名錶

時事熱話

By Jennifer on 19 Sep 2023

Digital Editor

今晚食乜餸：小二，嚟一碟花生！

JPEX案暫時拘捕咗4男2女，當中包括林作同網紅陳怡。有網民整理咗一系列相關KOL名單，其中2位Priscilla（太太）、湘湘掀起網民關注，原因係兩位都係靚女、身材好，Priscilla更常晒名牌、名錶。

Photo from NOW TV

網友整理JPEX相關KOL名單

加密貨幣近年喺香港興起，唔少名人都有投資，更有好多藝人KOL都會公開宣傳，今次林作被捕引起大眾關注。警方指JPEX案涉款超過10億港元，有逾1,400人報案，唔排除會有更多人被捕。

Photo from 陳怡YouTube

Photo from Now TV

有網友就喺討論區整理咗與JPEX相關嘅KOL名單，當中不乏年輕女性，當中一位Priscilla，佢IG有超過5萬fans，更不時會分享性感泳裝照，引起網民注意。

Photo from Priscilla IG

Priscilla（太太）創辦虛擬貨幣場外交易平台Coiner

Priscilla創辦咗虛擬貨幣場外交易平台Coiner，喺香港擁有3間分店，馬來西亞亦設有分店。佢曾接受好多傳媒專訪，分享加入幣圈嘅心路歷程，更開設「太太教室」課程，免費教授相關知識。

Photo from Priscilla IG

分享上流生活！大晒各種名牌

Priscilla創辦嘅虛擬貨幣場外交易平台分店開幕時更邀請咗BOB同劉佩玥做嘉賓，Priscilla個人IG經常分享佢買嘅名牌手袋，包括Hermès、CHANEL、GUCCI等，好多都係限量版。佢晒過超多Hermès橙色盒，更擁有拼色Kelly、鱷魚皮Birkin，絕對係身份嘅象徵！

Photo from Priscilla IG

除咗名牌手袋，佢亦買咗好多珠寶首飾，一次過戴3隻鑽石手鐲，另外佢亦大晒名錶Rolex、Patek Philippe，分享自己嘅上流生活。不過JPEX案爆出後，佢創辦嘅虛擬貨幣場外交易平台分店卻被警方破門搜查。

Photo from Priscilla IG

Photo from LIHKG

湘湘開加密貨幣入門教室

另一位美女「湘湘」同樣有開加密貨幣入門教室，佢嘅YouTube Channel有好多相關影片，相比起Priscilla，湘湘較為低調，但因為經常著緊身T裇都備受網民關注！

Photo from 湘湘 IG

Photo from 湘湘YouTube

Photo from 湘湘IG

娜美被指為加密貨幣設資課程作推廣？！

除咗KOL之外，娜美亦被指曾為加密貨幣設資課程作推廣，佢嘅YouTube Channel有拍片介紹加密貨幣設資課程，同時亦有喺群組分享邀請碼，指可以喺登記JPEX wallet時使用。不過娜美表示已將影片下架。

Photo from 娜美IG

Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

莊思敏自稱係JPEX苦主，急刪相關影片！張智霖任代言人劃清界線

18 Sep 2023

證監會指JPEX未獲發牌，而林作更疑因涉案而被捕！其他與加密貨幣平台JPEX有關嘅藝人都備受關注，其中曾拍片介紹嘅莊思敏就自稱都係苦主，另外曾係JPEX代言人嘅張智霖亦劃清界線。

Photo from Now TV

加密貨幣交易平台「JPEX」被證監會踢爆係無牌經營，隨即喺娛樂圈內掀起風波，原因係唔少藝人、KOL都曾為JPEX宣傳，其中最「踴躍」嘅不得不提「抽水王」林作。

Photo from TVB

林作早前高調宣佈加入幣圈，更喺中環開設加密貨幣兌換店，佢又公開表示申請成為JPEX嘅合伙人，喺證監會公佈JPEX無牌經營後林作即時割席，指唔會再推廣及提及未有申請牌照嘅交易所：「本人及本店無意觸犯任何證監會規定，尊重證監會的要求。」

Photo from 林作IG

但佢卻涉JPEX案而被警方拘捕，令唔少網友關注其他曾宣傳JPEX嘅藝人近況。其中莊思敏就曾經拍片介紹JPEX，喺JPEX被證監會點名後佢已將影片刪除。近日莊思敏出席活動時就表示自己都係JPEX苦主。

Photo from Now TV

Photo from 莊思敏 YouTube

佢指自己同JPEX無合作，不過之前去找換店推介咗JPEX，佢亦用咗呢個平台交易過，佢自稱投資咗六位數字，現階段都係等消息，未知可以採取咩行動。

Photo from 莊思敏IG

而喺JPEX宣傳廣告中出現嘅香港區代言人張智霖，佢嘅經理人就透過公關公司回應指之前已經講咗JPEX於香港取得牌照之前都唔可以用張智霖嘅肖像作宣傳用途，因此會保留追究權利。

Photo from JPEX

Text: HolidaySmart Editorial

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

JPEX相關KOL名單曝光！2大美女掀關注，常晒名牌袋、名錶

網友整理JPEX相關KOL名單

Priscilla（太太）創辦虛擬貨幣場外交易平台Coiner

分享上流生活！大晒各種名牌

湘湘開加密貨幣入門教室

娜美被指為加密貨幣設資課程作推廣？！

更多相關文章

莊思敏自稱係JPEX苦主，急刪相關影片！張智霖任代言人劃清界線