download HolidaySmart 假期日常 app
細細粒北上狂吸金成富婆！孭HERMÈS袋、傳擁至少3物業

細細粒北上狂吸金成富婆！孭HERMÈS袋、傳擁至少3物業

娛樂新聞
By Jennifer on 21 Sep 2023
Digital Editor
今晚食乜餸：小二，嚟一碟花生！

陳嘉佳（細細粒）北上帶貨吸金力驚人，更榮升海味店老闆娘，早前佢就大晒新西蘭大宅，擠身富婆行列。有個人物業之餘，富婆行頭都唔執輸，佢孭HERMÈS袋，連首飾都大升級！

陳嘉佳（細細粒）北上帶貨吸金力驚人Photo from 細細粒IG

#細細粒北上帶貨，吸金力驚人

細細粒自從北上後事業發展十分順利，先係用「吃播」吸引觀眾，累積到一定知名度後佢又開始帶貨，王祖藍曾大爆細細粒試過賣大閘蟹一場大賣350萬，牛扒仲勁，大賣500萬，可見細細粒直播帶貨有幾咁成功！

王祖藍曾大爆細細粒試過賣大閘蟹一場大賣350萬Photo from 細細粒IG

開直播賺得盤滿缽滿，細細粒乘勝追擊，喺廣州開海味舖，榮升做老闆娘！佢直播帶貨大賣幾百萬，幫自己間海味舖更加落力，一晚銷售量總額突破522萬人民幣（約$575萬港元），吸金力十分驚人。

開直播賺得盤滿缽滿，細細粒乘勝追擊，喺廣州開海味舖，榮升做老闆娘Photo from 細細粒IG

#新西蘭買別墅

喺內地發展得風生水起嘅細細粒更於新西蘭置業，公開逾10萬呎獨棟別墅。別墅有多間客房，主人房仲設有按摩池，細細粒就指自己會喺度做spa。

喺內地發展得風生水起嘅細細粒更於新西蘭置業，公開逾10萬呎獨棟別墅Photo from 細細粒抖音

別墅有多間客房，主人房仲設有按摩池Photo from 細細粒抖音

有桌球枱Photo from 細細粒抖音

#孭HERMÈS袋、戴Cartier

細細粒自認係富婆，近年佢行頭亦越嚟越貴婦，之前去日本旅行時就拎住價值8萬的HERMÈS Birkin手袋，Birkin作為HERMÈS經典款之一，一般而言都要「配貨」先買到，因此手袋最少要花超過$10萬。

細細粒自認係富婆，近年佢行頭亦越嚟越貴婦Photo from 細細粒IG

細細粒之前去日本旅行時就拎住價值8萬的HERMÈS Birkin手袋Photo from 細細粒抖音

仲有ChanelPhoto from 細細粒IG

除咗用HERMÈS手袋之外，細細粒嘅首飾都唔普通，外出工作時佢手上戴有Catier嘅JUSTE UN CLOU戒指同Tiffany嘅金戒指、拖鞋都係HERMÈS。

外出工作時佢手上戴有Catier嘅JUSTE UN CLOU戒指同Tiffany & Co.嘅方形戒指Photo from 細細粒IG

拖鞋都係HERMÈSPhoto from 細細粒抖音

細細粒戴咗Cartier手鈪Photo from 細細粒IG

有傳細細粒喺上海擁有3幢物業，佢最近又拍片公開杭州嘅屋企內部裝修，絕對係圈中富婆！

細細粒最近又拍片公開杭州嘅屋企內部裝修Photo from 細細粒小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

「細細粒」陳嘉佳有意參加戀愛節目？呻因為身形無市場，網民語重心長：健康最重要

14 Nov 2022

「細細粒」陳嘉佳長駐內地，佢最常用抖音，最近細細粒就拍咗條片分享佢嘅戀愛觀同婚姻觀，佢表示有興趣參加內地嘅「相親節目」，仲指自己嘅外型令80%嘅男生唔想同佢發展落去，但佢坦言自己無減肥嘅諗法。

「細細粒」陳嘉佳長駐內地，佢最常用抖音Photo from 陳嘉佳抖音

「細細粒」陳嘉佳分享戀愛觀同婚姻觀

現年37歲嘅「細細粒」北上賺人民幣賺到盤滿缽滿，更做埋海味舖老闆娘！雖然榮升老闆娘，但細細粒仍然無忘記內地網友，一直都keep住更新抖音，同網民交流。

現年37歲嘅「細細粒」北上賺人民幣賺到盤滿缽滿，更做埋海味舖老闆娘Photo from 陳嘉佳抖音

近日佢就拍片同網友分享佢嘅戀愛觀同婚姻觀。細細粒同媽媽感情要好，近年因為疫情而令佢不得不同家人分居兩地，長駐內地工作嘅細細粒曾經喺一次帶貨直播中因為掛念媽媽忍唔住落淚。佢表示媽媽曾懷疑過佢嘅性取向，全因佢多年嚟都未曾同男生交往。

長駐內地工作嘅細細粒曾經喺一次帶貨直播中因為掛念媽媽忍唔住落淚Photo from 陳嘉佳抖音

陳嘉佳表示媽媽曾懷疑過佢嘅性取向，全因佢多年嚟都未曾同男生交往。Photo from 陳嘉佳抖音

細細粒呻因為身形難搵男朋友，不願減肥

但細細粒稱佢想拍拖，只係礙於身型所限，無咩男生接近佢。細細粒指人同人交往，喺唔熟悉對方嘅情況下第一時間會睇外型先，細細粒坦言：「那是正常的。我第一眼看到你難道能看到你的內心、修養嗎？」佢表示自己嘅外型已經令百分之八十嘅男生唔想同進一步了解佢嘅內心。

細細粒稱佢想拍拖，只係礙於身型所限，無咩男生接近佢。Photo from 陳嘉佳抖音

細細粒坦言：「那是正常的。我第一眼看到你難道能看到你的內心、修養嗎？」Photo from 陳嘉佳抖音

細細粒表示自己嘅外型已經令百分之八十嘅男生唔想同進一步了解佢嘅內心。Photo from 陳嘉佳抖音

雖然細細粒稱外型影響佢搵唔到男朋友，不過佢直言無減肥嘅想法，佢指「食」係佢嘅愛好，如果連呢方面都要放棄，即使有愛情，但佢嘅工作、人生、生活動力都會無埋。

雖然細細粒稱外型影響佢搵唔到男朋友，不過佢直言無減肥嘅想法Photo from 陳嘉佳抖音

陳嘉佳指「食」係佢嘅愛好Photo from 陳嘉佳抖音

有意參加內地嘅相睇節目

細細粒自言想結婚，又指公司有安排佢今年會參加內地嘅相睇節目，佢都想了解下佢呢個身型係咪真係咁無市場，佢表示想知道男生對佢呢種身型女生嘅想法係點。細細粒喺抖音留言：「被愛的前提一定是漂亮嗎？一定是瘦嗎？我覺得不是，每一個人都可以發出自己獨特的光～」

細細粒自言想結婚，又指公司有安排佢今年會參加內地嘅相睇節目Photo from 陳嘉佳抖音

細細粒表示想知道男生對佢呢種身型女生嘅想法係點。Photo from 陳嘉佳抖音

有唔少內地網友大讚佢其實好靚，但亦有網民語重心長表示減肥未必係為咗靚，其實都係為佢身體健康著想：「減肥吧，不為了別的，為自己，畢竟什麼都沒健康來的重要。」

有唔少內地網友大讚佢其實好靚，但亦有網民語重心長表示減肥未必係為咗靚Photo from 陳嘉佳抖音

抖音網民留言指係為佢身體健康著想Photo from 陳嘉佳抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

豪宅名牌娛樂新聞Hermès陳嘉佳