陳嘉慧宣布懷孕！結婚近2個月，曾否認雙喜臨門！圈外人老公身家豐厚

娛樂新聞

By Jennifer on 29 Nov 2023

Digital Editor

今晚食乜餸：小二，嚟一碟花生！

TVB女星陳嘉慧10月1號喺深圳出嫁，老公係圈外人但財力不錯，兩人於五星級酒店舉行豪華婚宴。當時佢否認雙喜臨門，估唔到佢結婚一個多月就喺IG分享超聲波相宣布懷孕！

Photo from 陳嘉慧IG

陳嘉慧近年極速上位，於《愛上我的衰神》首度擔任女主角，早前播出嘅《你好，我的大夫》佢飾演中醫師學徒亦備受關注。9月時有傳佢將同男朋友閃婚，佢指唔會閃婚，但就大方承認有圈外男友，又拒回應男友有無求婚。

Photo from TVB

Photo from 陳嘉慧IG

直到9月底陳嘉慧終於承認婚訊，10月1號喺深圳舉行婚禮成婚，原來佢同圈外人男友早已喺香港註冊結婚，10月1日係補辦嘅婚禮。陳嘉慧喺婚禮當日接受訪問，佢表示同男友唔止認識半年，亦唔係閃婚，但被問到佢哋識咗幾耐，陳嘉慧就指想留返小秘密畀佢哋自己。

TVB陳嘉慧之前從未公開圈外男友身份，婚後曾喺IG公開與老公Calvin嘅自拍照。一直有指Calvin背景顯赫，而且甚有女人緣。據指Calvin曾與入選今屆港姐22強但最終落選嘅高伊聤（Venus）拍拖。

Photo from 陳嘉慧 IG

有報道稱陳嘉慧同未婚夫拍拖半年即拉埋天窗，加上一直對婚禮封口不談，低調處理婚事，當時有網民猜測佢可能雙喜臨門！陳嘉慧婚禮當日亦一一回應傳聞，除咗否認同老公係閃婚外，亦否認自己雙喜臨門。

Photo from 陳嘉慧IG

Photo from TVB

當時佢表示佢同老公都中意小朋友，但暫未有生育計劃，一切順其自然。估唔到結咗婚近2個月，陳嘉慧就喺IG Story分享超聲波照，宣布懷孕喜訊：「Hello BB」，又hashtag「我們仨」。

Photo from TVB

Photo from 陳嘉慧 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

與泥鯭入紙結婚黃心穎最新回應認愛一年火速同居盛傳雙喜臨門奉子成婚?

16 Aug 2023

34歲黃心穎2019年被出轟動全港的「安心事件」後形象插水，演藝事業徹底玩完，更因此與「娛樂圈荀盤」馬國明分手。後來馬明與另一小花湯洛雯相戀，今年元旦更宣布求婚成功，獲外界一致祝福。而黃心穎不甘輸蝕，去年與RubberBand鼓手泥鯭公開認愛，近日有媒體大爆二人已入紙註冊結婚，有指心穎急於做人妻，想搶先舊愛一步結婚，更有人猜測她是「雙喜臨門」!

Photo from 黃心穎 IG

黃心穎泥鯭拍拖1年即結婚低潮期獲男友同居陪伴

4年前，黃心穎背著男友馬明，與天后老公許志安在的士偷食斷正，引起軒然大波，她即時停工避走美國，幕前工作通通叫停，星途毁於一旦。陷入低潮的黃心穎獲泥鯭在旁陪伴，泥鯭比黃心穎大14歲，他們於2020年曾被拍到相約放狗，但當時兩人異口同聲否認拍拖，去年再有傳媒爆出兩人已發展成同居關係，黃心穎亦公開認愛。今年黃心穎突然宣布復出，由演員轉型為唱作歌手重新出發，推出了兩首個人單曲，更獲男友泥鯭幫手編曲及監製一圓歌手夢。

Photo from 黃心穎 FB

Photo from RubberBand FB

被爆已入紙排期結婚泥鯭被揭曾離婚

去年黃心穎接受傳媒訪問時表示想專注事業，未有結婚打算，日前卻有傳媒爆料指黃心穎與泥鯭於本月13日已入紙申請排期結婚，據兩人的擬結婚通知書顯示，泥鯭婚姻狀態為「離婚」，黃心穎則是「未婚」，據指泥鯭以前有一個圈外女友阿欣，2017年頭更在社交平台宣布求婚成功，晒戒指放閃，不過後來結婚不成，2019年更分手。據指兩人報住同一油塘地址，估計是黃心穎於2013年與其姊黃心美斥1200萬購入的私樓高層單位，而心穎職業則報稱為「Song Writer唱作人」。

Photo from 網上圖片

黃心穎疑「雙喜臨門」獲舊愛馬明送祝福

黃心穎入紙結婚的消息公開後，即有傳媒訪問其舊愛馬國明，他大方祝福前女友，而作為黃心穎昔日好友兼馬國明未婚妻的湯洛雯都有送上祝賀，心穎新婚。事後有記者再向黃心穎詢問結婚一事，問她是否「雙喜臨門」及何時辦婚禮，黃心穎則感謝大家祝福，其他卻避而不談，疑似默認「雙喜臨門」而準新郎泥鯭表示多謝大家，沒有任何補充。