「史上最差CD唱片封套」掀網民熱議！衛蘭做瑜伽、薛凱琪變盆裁

By Jennifer on 28 Sep 2023

Digital Editor

今晚食乜餸：小二，嚟一碟花生！

雖然近年已甚少有人會買實體CD，但唱片封面往往會引起大眾討論。近日連登討論區有網民熱議「史上最差CD唱片封套」，唔少提名都十分深入民心，其中衛蘭（Janice）、薛凱琪（Fiona）、糖兄妹等CD封面都被提及。

#衛蘭瑜伽動作被改圖

衛蘭2009年底推出嘅唱片《Wish》封面Janice做出超難度嘅瑜伽動作，當時喺網上掀起改圖熱潮。事隔14年，講到「最差CD唱片封套」仍令網民提起呢隻專輯。樓主表示當年佢曾被呢張相嚇親：「明明呢隻碟衛蘭D歌都好好聽」，有超過3,700個正評，同意係史上最差。

#糖兄妹人氣落差超大，糖兄變邊緣人

由糖兄同糖妹組成嘅創作組合糖兄妹於2010年推出大碟《我最愛糖兄妹》，糖兄主要負責幕後工作，但《我最愛糖兄妹》CD封套中佢企喺糖妹後面，仲有啲失焦，變咗「攝鏡人」，網民都忍唔住直言「0尊」。更有唱片店將價錢貼紙黐喺糖兄頭上，引起網友同情。

#薛凱琪奇特造型被指似如廁

Fiona於2011年推出嘅專輯《August Girl》，封面造型十分獨特，當年同樣掀起改圖熱潮。有網民笑言Fiona踎底嘅動作好似如廁，加上「August」諧音「屙緊屎」，有網民直譯碟名為「屙緊屎女孩」。帖子中網民都認為呢隻碟可以同Janice嘅瑜伽一較高下：「雙冠軍啦！」

#裕美拖狗

裕美2007年嘅出道專輯《雪映移城》中佢拖住隻狗又拎住毛公仔，由於場面詭異，有網友將唱片封面改圖將裕美同狗仔嘅頭互換。網民指呢個唱片封套「九唔搭八」。

#方力申唱片封套似翻版？！

方力申2007年推出嘅《在你遙遠的附近》封面設計被網友指似老翻：「個design concept好80年代feel」，不過亦有人認為只係設計老土，但「史上最差」有排都未輪到呢隻碟。

#「亞洲神童」張如城

2001年「亞洲神童」張如城推出唱片，主打曲係《真愛是真》同《愛意》，封面設計令人諗起「長輩圖」，唔少網友都表示：「一黎就打大佬」、「仲有無真蹟收藏家?」、「有力一戰！」

圖片來源：LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

連登網民評選全港最少人用地鐵站兩大新建車站上榜首位通車19年竟冇人識?

12 Sep 2023

港鐵可說是港人最熟悉的公共交通工具，其交通網絡覆蓋全港18區，車站數量多達99個，相信不少常搭港鐵出門的人都對車站路綫圖瞭如指掌，不過部分車站位置偏僻，人流極少，甚至慘被遺忘。近日有網民開po盤點從未用過的港鐵站，貼文即引熱論，當中某新界車站大比數得票成為冠軍，很多人直言完全不知該站存在，以下小編為大家綜合網民留言，整理出全港5大「隱形車站」

Photo from MTR港鐵 FB

5.大窩口

大窩口是港鐵荃灣綫尾二車站，相信很多人都見過但從未用過，它於1982年已啟用，位置在青山公路與國瑞路之間的國瑞路公園地底，鄰近大窩口邨，該站設有兩個出口，兩條電梯，一個升降機及13間商店，基本上除了大窩口邨居民，甚少人會使用該站出入。有網民表示：「大窩口呢個站真係未去過，果頭有d咩嘢㗎？」以往有網民指出大窩口站荒涼空礦，站內的廣告都比人多，說話幾乎聽到回音，感覺神秘又恐怖

Photo from 香港鐵路大典

Photo from MTR港鐵 FB

4.海怡半島

海怡半島是港鐵南港島綫的尾站，位於南區鴨脷洲海怡半島，建於怡南路近利南道交界地底，於2016年啟用，與同綫的利東站及黃竹坑站同為首批不設客服中心的車站，乘客若有票務疑難，須透過自助客務機向職員通話。海怡半島站有3個出口，6間商店，由於該站主要服務群為鴨脷洲西部海怡半島和鴨脷洲邨的居民，加上附近商場及餐廳不多，一般人都甚少前往。

Photo from MTR港鐵 FB

3.宋皇臺

宋王臺站是港鐵屯馬綫的中途站，位於九龍九龍城區啟德發展區西南角與馬頭涌接壤的地帶，前年6月才正式啟用，車站設有3層，設三大出入口，可連接啟德發展區、九龍城、真善美村及宋王臺花園一帶，不過據指由該站出口走到民居距離頗遠，至少13-15分鐘，位置根本不方便，所以不少當地居民寧願選擇搭巴士回家，有網民直指「九龍城其實搭車太方便，我都係坐過一次（宋王臺站），就都係坐返巴士/小巴」、「宋皇臺站，有大量巴士小巴線，直到好多人屋企，搭鐵未必係最好選擇」。

Photo from 香港鐵路大典

Photo from 宋皇臺站 FB

2.顯徑

顯徑站同為港鐵屯馬綫的中途站，2020年啟用，共斥資12億打造，它位於新界沙田區大圍車公廟路顯徑邨對面，全站出口只有一個，連接車公廟路，主要服務顯徑邨居民，有報道興建該站時，指顯徑一帶人口約3萬多，低於建設車站所需的5萬人，計劃一度閣置，後來有組織指出興建顯徑站可紓緩大圍站的壓力，最後落實工程。許多網民直言顯徑站的存在感極低，只有搭錯方向或瞓過龍的情況才會路經此站，有網民更發現港鐵官方在某次發佈綫路受阻的資訊圖時，唯獨缺少了顯徑站。

Photo from 香港鐵路大典

Photo from 連登討論區

1.大水坑

當中獲最多網民推選的「隱形車站」冠軍為大水坑站，它是屯馬綫中途站，位於石門站與恒安站之間，2004年已開始通車，位置在新界沙田區馬鞍山新市鎮南部，該站設有兩個出口，共11間商店，連接錦泰苑及富安花園，附近亦設有不少學校及屋苑。不過有許多網民都對該站一無所知，更問：「有依個站?」、「個站係邊度」不少人更坦言看了路線圖才發現它的存在，有當地居民坦言：「同人講住大水坑，十個有九個都問返我喺邊度」不過亦有人表示以前不時會到該站附近的單車公園遊玩，亦有人指馬鞍山居民會熟悉該地，皆因附近有不少住宅。