蔡潔為愛貓慶生意外曝光豪宅！近年上位進駐千萬星級屋苑

娛樂新聞

By Jennifer on 29 Sep 2023

Digital Editor

今晚食乜餸：小二，嚟一碟花生！

現年34歲嘅蔡潔近年極速上位擔正做女主角，佢最近為愛貓於家中舉行生日party，意外曝光所住嘅千萬豪宅內部裝修，大露台景觀開揚，屋苑更曾有多位明星業主！

Photo from 蔡潔IG

蔡潔2021年出演TVB劇集《拳王》，當時佢飾演女配角「江家晴」，到2022年佢即出演台慶劇之一嘅《法證先鋒V》，並擔正做女主角。2023年喺話題之作《一舞傾城》蔡潔飾演頭牌「Monica」，備受關注。

Photo from 蔡潔IG

蔡潔近年極速上位，獲安排出演多部重頭劇，更不乏重要角色，擠身一級小花。而佢收入應該亦增加不少，近年佢被爆進駐價值千萬嘅星級屋苑郝德傑山。郝德傑山曾有多位明星業主，包括周潤發！

Photo from 蔡潔IG

蔡潔最近就為愛貓慶祝4歲生日，意外曝光屋企內部裝修。蔡潔屋企以木系裝修為主，雜物擺放好有生活氣息，客廳有好大個貓籠。廁所則以大理石為主，亦有浴缸。

Photo from 蔡潔IG

Photo from 蔡潔愛貓IG

最搶眼嘅就係大露台，景觀十分開揚，落地大玻璃即使唔出去都望到窗外景色，連蔡潔嘅愛貓都好鍾意曬太陽。

Photo from 蔡潔IG

Photo from 蔡潔愛貓IG

蔡潔喺2012年參加《墨爾本華裔小姐競選》奪得冠等七大獎項，2013年佢代表墨爾本參加《國際中華小姐競選》，不過三甲不入，隨後就返回澳洲完成學位。

Photo from 蔡潔IG

畢業後佢喺香港發展，之前主力拍電影，2018年簽約邵氏兄弟後就開始出演電視劇，憑《法證先鋒V》、《一舞傾城》成功入屋！

Photo from 蔡潔IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

黃宗澤蔡潔北上拍綜藝狂吸CP粉不惜扮狗博紅顏一笑帶挈女方進軍內地

17 Jul 2023

黃宗澤(Bosco)與蔡潔曾六度合作，私下感情也很好，更一度傳出緋聞。近年Bosco在內地劇接劇演出，人氣高企，最近他亮相江蘇衛視真人騷《野挺有趣》，更化身策劃團隊邀請蔡潔任嘉賓，節目中Bosco對蔡潔照顧有加，更不惜扮狗搏女方一笑，玩遊戲時更展現超強默契，更獲內地網民封為「Bo蔡CP」！

Photo from 蔡潔微博

微博貼合照宣傳帶挈蔡潔進軍內地市場

Bosco攜手多名內地年輕藝人主持的內地真人騷《野挺有趣》現正熱播，節目中42歲的Bosco與一眾年輕人打成一片，他們在近郊製定不同形式的活動，協力打造一個潮流打卡區。最近播出的3集，邀來蔡潔及蕭敬騰擔任嘉賓，Bosco近日更在微博貼出與蔡潔的合照落力宣傳節目，更特意tag了她的微博，似是有意幫蔡潔開拓內地市場！