陳凱琳鄭嘉穎新搬複式豪宅曝光！花園可容納數十人開party

娛樂新聞

By Jennifer on 04 Oct 2023

Digital Editor

今晚食乜餸：小二，嚟一碟花生！

鄭嘉穎同陳凱琳（Grace）結婚後先後誕下3個仔仔，陳凱琳轉做KOL經常分享下廚照，最近中秋佢邀請咗一班小朋友嚟屋企開party，令複式豪宅曝光！睇嚟佢哋一家五口已經從何文田豪宅搬屋。

Photo from 陳凱琳IG

#鄭嘉穎同陳凱琳結婚，育有3子

鄭嘉穎同陳凱琳（Grace）於2018年結婚，婚後陳凱琳已減少好多工作，佢哋育有3個仔仔：Rafael、Yannick、Carlos。結婚5年，鄭嘉穎同陳凱琳恩愛甜蜜，更經常於網上放閃。

Photo from 陳凱琳IG

除咗分享家庭照之外，Grace亦好中意下廚整嘢食，佢會拍啲煮食影片放上網上分享。喺過去嘅中秋節佢哋一家就請咗仔仔嘅一班朋友仔嚟屋企開party。

Photo from 陳凱琳小紅書

#中秋開party曝光複式豪宅

陳凱琳喺小紅書分享當日嘅party相：「中秋國慶連假真的哪裡都好多人，所以我決定自己宅家開party，邀請小朋友們一起來玩，一樣熱鬧開心。」

Photo from 陳凱琳小紅書

不過從佢分享嘅相片卻可見背景並非以往佢哋所住嘅何文田豪宅，據資料鄭嘉穎於2016年時以$2349.5萬元購入2個單位，分別係519以及571呎。其後，兩人就打通2個單位，成逾千呎嘅大單位，但陳凱琳晒出嘅相片就見到一班小朋友喺樓梯合照，樓梯仲放咗鄭嘉穎同陳凱琳嘅甜蜜合照，因此新屋應該最少有2層。

Photo from 陳凱琳IG

#戶外花園空間超大！

飯廳方面大理石飯枱旁就有落地玻璃，可以見到外面嘅大樹，亦明顯同以往何文田豪宅窗外嘅高樓大廈唔同，其實之前Grace喺廚房拍片時已睇到開放式廚房嘅格局同之前拍開嘅唔同，相信佢哋一家五口應該搬咗屋一段時間。

Photo from 陳凱琳小紅書

陳凱琳仲有分享喺屋外嘅相片，可見一班大人、小朋友都喺屋外玩得好開心，花園似乎都可以容納到十幾人開party！

Photo from 陳凱琳小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳凱琳鄭嘉穎何文田豪宅公開! 開放式廚房設備齊全/曝光老公模型收藏

10 Nov 2021

鄭嘉穎同陳凱琳（Grace）結婚後誕下2個仔仔，非常幸福，兩人不時都會於IG上大晒溫馨家庭照。最近，陳凱琳就上載自己整甜品嘅影片，無意中令佢哋嘅豪宅內部曝光！

Photo from 陳凱琳IG

# 2018年結婚！

視帝鄭嘉穎同陳凱琳於2018年結婚，據悉佢哋係因為拍攝電視劇《殭》而擦出愛火。由於兩人相差22歲，所以一開始佢哋嘅感情都不被網民睇好，不過佢哋而家已經係圈中出名嘅「模範夫婦」之一。

Photo from 陳凱琳IG

Photo from TVB

# 大晒一家4口溫馨畫面！

兩人婚後育有2個可愛嘅兒子：大仔鄭承悅（Rafael）同細仔鄭承亮（Yannick），一家四口十分幸福！兩夫婦經常於IG上載家庭照，大晒幸福畫面，而2個仔仔嘅可愛樣貌亦獲網民大讚。

Photo from 陳凱琳IG

# 開放式廚房設備超多！

最近，陳凱琳就於內地社交平台「小紅書」上載自己整甜品「紅絲絨布郎尼」嘅影片，不過就無意中將自己嘅屋企曝光咗！從影片中所見，佢哋所居住嘅豪宅大多以簡約風格為主，而開放式嘅廚房就令屋內空間感更加大。廚房內嘅煮食設備非常齊全，攪拌器、超大嘅焗爐等，睇得出陳凱琳真係好鍾意煮嘢食～

Photo from 陳凱琳小紅書

# 公開鄭嘉穎玩具收藏公仔！

影片中就見到廚房對出就放置咗細嘅鞋架，而旁邊就有2隻Be@rbick玩具模型，相信應該係鄭嘉穎嘅收藏品～而呢款嘅玩具模型嘅價值都幾高㗎，其中「比卡超」模型係限量發售，並且係通過抽籤選出買家，原價只係$58,000日圓（約$4,000港幣），現時該玩具喺二手網嘅炒價已經逾$30,000，升值咗好幾倍！