方力申出席內地婚禮唱失戀歌！歌詞被指攞景，網友：大吉利是！

By Jennifer on 06 Oct 2023

Digital Editor

今晚食乜餸：小二，嚟一碟花生！

方力申（Alex）最近獲邀出席佛山的一場婚禮並獻唱，結果卻選擇了自己和鄧麗欣（Stephy）的經典歌曲。這段影片被一位網民上傳到小紅書上，引起了廣大網友的熱議。

影片中，方力申身穿藍色西裝，站在舞台上演唱歌曲。現場觀眾表現非常投入，紛紛拿起手機拍攝留念。然而，一些網民卻開始嘲笑方力申是否「贈興」，表示結婚請他真是大吉利事，甚至有人笑言「完了吧，如無意外」。由於方力申參演葉念琛的電影情節實在深入民心，有網民指總感覺婚禮或會播放出一些不知道什麼前任的偷食片段，然後親朋好友要求退回人情。

除了邀請方力申擔任表演嘉賓被指「大吉利是」外，佢所獻唱的歌曲也令人意外，佢選擇了《好心好報》，歌詞：「落力為你好得不到分數，你決定要跟他日後同步，他不懂愛惜你我樂意操勞」、「對你好無人希罕我好無人欣賞我好原來你習慣他一套」等都是以前任男友的角度出發，令不是網友直言：「係咪前度派嚟攞景」、「揀錯歌啦」

不過，也有人表示方力申的經典歌曲本來就是和Stephy合唱的分手情歌為主，選擇這首歌也無可厚非。

這段影片在社交媒體上引起了廣泛討論，網友們紛紛留言表示自己的看法。有些認為方力申選錯了歌曲，不應該在婚宴上唱失戀歌；而另一些則認為這只是一種娛樂和揶揄，沒有太大的問題。

方力申與鄧麗欣分手多年，早已宣布有新女友葉萱（Maple），但他與舊愛的名字仍然經常連在一起。這主要是因為他們合作的電影和合唱K歌太過經典，令人留下深刻印象。方力申最近在新會、台山和佛山等地出席活動，並獻唱了許多經典歌曲。他的音樂深入人心，讓人們對他的演唱會非常期待。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

方力申心痛女友搵工被拒，原因竟然係因為男友太紅：係有啲荒謬！

4 May 2023

方力申女友Maple（葉萱）捲韓國邪教性侵案，而引起關注，早前，Maple於韓國出庭作供，後返回香港，望盡快重新開始生活，但搵工時卻被「彈鐘」，原因竟然同男朋友有關！

Photo from IG@alexfongliksun

Netflix紀錄片《以神之名︰信仰的背叛》揭發韓國4名邪教教主，攝理教教主鄭明析以「愛的教育」之名性侵世界各地女信徒，當中嘅受害人包括方力申女友、嚟自香港嘅葉萱(Maple Yip)，早前，Maple赴韓就教主鄭明析一案出庭作供，當面與攝理教教主鄭明析對質。

Photo from 《以神之名：信仰的背叛》截圖

Photo from Viu1 HK YouTube

唔少人都好關心Maple嘅狀況，有指現時佢搵緊工作，希望盡快展開新生活，不過因為紀錄片播出後，令Maple嘅身份及過往經歷曝光。Maple早前接受訪問時，表示節目播出後香港有唔少報道，並收到唔少鼓勵，但亦令自己求職困難：「而家好難搵工，原本話會請我嘅公司，睇咗新聞、節目後都話好難請我」，但Maple並唔後悔公開自己嘅樣貌：「如果我唔公開自己個樣，佢哋又會質疑我講大話、畀錢請人嚟拍，就會繼續有受害人出現。我希望親自將真相講畀大家聽，喺我死之前一定要告嗰個人，將真相公諸於世。」

Photo from MBC PD Note YouTube

日前，方力申出席活動時受訪，被問到女友搵工一事，小方表示心痛女友被「彈鐘」：「呢個都係事實嘅，亦都試過收到信話請，但臨尾就話唔得喇，當然有佢哋嘅理由」，但原因竟然係同自己有關：「佢哋嘅理由係（因為）佢男朋友太出名喇，唔關佢嗰樣嘢事」，小方嘆指：「真係咁講嘅，我當然覺得呢個理由係有啲荒謬啦！」又表示：「所以大家都知咩事，唔緊要㗎我覺得，每件事出到嚟都有人支持有人唔支持㗎啦，咁我覺得一定會有遇到支持佢嘅人，同埋遇到好嘅貴人」。