向太直播帶貨賣過百萬Hermès手袋！年輕時霸氣買袋：這家店所有款都要了

娛樂新聞

By Jennifer on 20 Oct 2023

Digital Editor

今晚食乜餸：小二，嚟一碟花生！

向太陳嵐近年開抖音帳號後密密拍片，更加入直播帶貨行列，最近佢就開始買名牌袋，包括LV、Chanel等，連過百萬嘅Hermès手袋都有，但唔少網民就表示買得起嘅都唔係喺直播買名牌袋。

Photo from 向太微博

向太同老公向華強係電影界知名人士，打滾多年身家豐厚，佢曾經公開衣帽間，入面擺滿不同款式嘅Hermès手袋，多種熱門款嘅拼色、鱷魚皮都有，連「全球最貴手袋」嘅喜馬拉雅都有！

Photo from 向太抖音

買開名牌嘅向太近年就加入直播帶貨，並獲好多藝人支持，可見佢喺電影界嘅地位。向太嘅直播事業亦非常成功，銷量驚人，但有人就指「一身貴氣」嘅向太同直播帶貨有啲格格不入。

Photo from 向太抖音

最近向太就開始直播賣名牌袋，從佢嘅衣帽間可見佢收藏好多珍貴嘅款式，應該對名牌手袋有好深嘅認識。向太表示佢已經唔記得自己買嘅第一個名牌袋，而令佢印象深刻嘅名牌就係Hermès手袋。

Photo from 向太抖音

Photo from 向太微博

佢表示自己最愛Hermès嘅袋，仲話已經孭咗幾十年：「你們不會想要（這個手袋）」雖然向太係Hermès fans，但佢指自己30幾歲嘅時候好中意Chanel，更曾霸氣買袋：「這家店都要了！所有款！」為咗買心儀嘅袋款，向太亦不惜飛法國購物，買唔到就去米蘭等全球Chanel門店搜羅，一定要買到為止！

Photo from 向太奢品抖音

對名牌袋有一份執著嘅向太仲喺直播中賣Hermès Birkin 20特別版，係以巴黎總店為設計概念，向太指呢個袋十分珍稀，即使配貨幾千萬都未必買到，喺直播間嘅標價亦十分驚人，近120萬。

Photo from 向太奢品抖音

雖然有唔少網友表示「買唔起」，又指真正嘅富婆唔會直播買手袋，因為多數都係名牌VIP，可以直接喺店舖購買，但根據向太嘅直播顯示仍有超過1,400人購買了巴黎總部特別版Hermès Birkin 20，有網民就指120萬喺專門店根本買唔到呢個袋，淨係配貨都唔止呢個價，所以向太嘅直播價值仍然十分有吸引力。

Photo from 向太奢品抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

向太陳嵐晒豪華私人飛機！抖音公開奢華生活：一牆Hermès手袋，1.5億鑽石

27 Apr 2023

向太陳嵐自從開咗抖音帳號之後就密密拍短片與fans分享個人生活，最近連老公向華強都開埋抖音，兩夫妻齊齊拍片。近日向太就同老公拍咗vlog，更大晒佢哋坐嘅私人飛機，不過有網民就發現向太行頭卻十分平民，只著淘寶服飾？！

Photo from 向太微博

向氏夫婦喺娛樂圈人脈極廣，身家驚人。之前向太就曾經喺抖音拍片大晒位於九龍塘嘅豪宅，唔止有超大游泳池，裝修亦勁有氣派，擺放咗好多著名藝術家嘅作品，又有好多玉石收藏品。

Photo from 向太抖音

另外衣帽間亦十分大，向太擁有嘅Hermès手袋擺滿晒成個櫃，當中有「天價」嘅熱門款式Mini Kelly、Birkin等，有拼色、鱷魚皮等多種款式，連獲譽為「全球最貴手袋」嘅喜馬拉雅都有！除咗手袋，向太喺抖音亦有晒過市價達1.5億嘅75卡巨型鑽石「中國之星」，不論珠寶定手袋，向太都擁有好多女性夢寐以求嘅一切。