袁詠儀作風轉趨低調？出門唔孭Hermès改用環保袋？！

娛樂新聞

By Jennifer on 01 Nov 2023

Digital Editor

今晚食乜餸：小二，嚟一碟花生！

張智霖（Chilam）近日被捲入JPEX案，加上兒子魔童（張慕童）都引起爭議，袁詠儀（靚靚）出行似乎低調咗唔少，出門竟然無再用最愛嘅Hermès手袋，反而拎咗環保袋，掀起網民熱議。

Photo from 袁詠儀微博

Chilam同靚靚係向來係圈中模範夫妻，佢哋恩愛多年，近年又齊齊北上發展，以夫妻檔出演咗好多綜藝節目，人氣急升。不過最近張智霖同仔仔魔童都分別引起爭議。

Photo from 袁詠儀微博

張智霖因為代言JPEX而被捲入相關案件，雖然佢嘅經理人已作澄清，但張智霖本人都有到警署協助調查。而魔童陳年跳舞影片被翻出被指歧視亞裔人，魔童其後喺IG發文道歉：「我在長大的過程中犯過很多錯誤，大家發現就多指教和批評我，做出了蠢事就該接受批評。」

Photo from 袁詠儀微博

Photo from 魔童IG

更有人質疑靚靚張智霖無盡到做父母責任：「父母怎麼教的？」「家庭教育的問題」，之後張智霖同靚靚卻未有對事件作出回應。不過佢哋依然有喺微博分享近照。

Photo from 袁詠儀微博

近排佢哋一齊去咗浙江普陀山禮佛，張智霖同靚靚著情侶裝，手牽手行落山，夫妻關係一如既往咁甜蜜。照片中可以見到，袁詠儀攞咗個環保袋上山拜佛，引起咗網友嘅討論。有人發現到袁詠儀竟然無拎到平時好鐘意用Hermès嘅名牌手袋。

Photo from 袁詠儀微博

靚靚向來係Hermès忠粉，不但多次公開叫老公張智霖買包包，被野生捕獲時更多數都係孭緊Hermès嘅手袋，更有好多網友喺世界各地嘅Hermès專門店偶遇靚靚掃貨。不過呢次佢揀咗環保袋而唔係Hermès包包出行，令好多人關注。

Photo from 小紅書

Photo from 袁詠儀微博

其實呢個環保袋絕對唔係平價貨，而係另一係名牌Dior 2020年Around the World系列嘅VIP gift，由意大利藝術家Pietro Ruffo設計打造，要消費滿一定金額先可以獲得，唔係有錢就買到！

Photo from 袁詠儀微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

魔童陳年跳舞影片出事惹怒內地網民！張智霖袁詠儀教育被質疑

26 Sep 2023

袁詠儀張智霖兒子「魔童」張慕童（Morton）早年因為IG玩「你問我答」引起爭議，要媽媽靚靚深夜道歉，近日魔童嘅舊片被翻出，佢跳舞嘅手勢再度惹怒內地網民，更質疑張智霖夫婦唔識教仔。

Photo from 袁詠儀微博

#魔童張慕童IG「你問我答」出事

「魔童」張慕童今年17歲，佢喺香港就讀國際學校，雖然平時好少以正面示人，多數都戴口罩或用側面入鏡，但口罩都擋唔住嘅高顏值依然睇得出佢遺傳咗父母嘅靚樣，佢一舉一動都備受關注。

Photo from 魔童IG

早年佢喺IG同網友玩「你問我答」，其中有人問：「Are you in China now？」魔童回答：「No, not right now」但就影咗中環摩天輪，明顯係身處香港，所以佢否認自己正在中國嘅答案即時引起內地網民不滿。

Photo from 張慕童 IG

#媽媽袁詠儀深夜發文道歉

隨後媽媽袁詠儀即喺微博發文澄清兼道歉：「關於張慕童在社交平台因為英語用語上，失言造成了誤解，我們及時發現並立刻進行了糾正，亦對他反復強調了正確嚴謹的用詞，不要再犯同樣的錯誤。」靚靚表示佢哋疏於規範兒子唔嚴謹嘅表達：「這實在是我倆作為父母之過。」

Photo from 袁詠儀微博

佢又澄清指自己一家愛國愛港，支持一個中國：「我們會做我們身為中國人應做的事，不會做的一定不會做。」父母教育過後魔童亦刪除咗否認自己身處中國嘅限時動態，但其他「你問我答」嘅動態則仍保留。

Photo from 袁詠儀微博

#近日魔童舊片手勢再惹怒內地網民

不過最近魔童一條舊影片再次引起內地網友不滿，短片中魔童年紀尚小，明顯係幾年前拍攝，片中佢邊Rap邊手舞足蹈，微博瘋傳配上字幕嘅影片：「「I asked if they can see, they should know I’ve given the glasses they become the math pro, they from Guangzhou, they see me eating dog, they say they want some」