官恩娜擔心5歲女封閉式跟男教練學體操查問學校反被職員寸：咁驚唔好學囉！

By Macy Sun on 09 Nov 2023

Digital Editor

現年44歲的官恩娜（Ella），早年與中法混血醫生男友結婚並育有一子一女。建立幸福家庭後Ella亦逐漸淡出幕前專心相夫教子，但亦會不時與社交平台分享婚後生活。然而近日Ella就在IG連環出PO，轉載一篇狎童新聞，並分享囡囡以前報興趣班時曾因擔心問過校方有否CCTV，但卻被職員直指神經過敏一事，引起網友關注！

Photo from IG@koonella

Ella早前於IG限時動態上，轉載了一篇一名有戀童癖的男子在社區中心擔任義務導師，因上課時狎童而判囚兩年，同時揭發這男子早年亦曾以「義教」為名非禮女童的報道。並留言道：「每次見到呢啲新聞都好難受！我們有需要好好 #保護兒童！」

Photo from IG@koonella

而其後Ella就再出Post，分享昔日為女兒報體操班時，曾詢問課室內有否安裝CCTV，但卻換來職員冷嘲熱諷的故事。Ella提到：「我個女之前學體操，係一個男教練，所有小朋友都要着好似泳衣嘅體操服，班裏面全部都係三至五歲嘅細路女，上課嘅時候家長唔可以入去，亦睇唔到裏面嘅情況，只係有一個男教練喺裏面。我打電話詢問教室裡面有無閉路電視，聽我電話個女人話我太緊張，一定唔會有呢啲事發生，話我神經過敏。想問呢啲事發生之前有無人會預知呢？做媽媽保護好自己嘅小朋友就係神經過敏？」

Photo from IG@koonella

接著Ella再補充：「想問呢啲事發生之前有冇人會預知呢？做媽媽保護好自己嘅小朋友就係神經過敏？最後確認課室裏面係冇閉路電視嘅，但係嗰個女人都堅持我係太擔心同神經過敏，拋低一句：咁驚唔好學囉！」她不禁表示：「我係希望有閉路電視保障返雙方嘅安全同權利，唔係怕有閉路電視睇蝕我個女。呢啲不幸嘅事情，成日都發生，點解大家唔可以提高啲Awareness，避免任何一個小朋友受到傷害，因為一個都嫌多！」

Photo from IG@koonella

事件亦引來不少網友力撐，指：「唔好剩係講到性侵，虐兒都唔少啦，如果係做體操時失手發生意外呢，咁有CCTV保障返教練同小朋友唔好咩，我撐Ella!」、「唔好去嗰間學，一啲保護兒童意識都無。開幼兒班，但透明度又咁低，出面又睇唔到入面發生咩事，入面只得一個成年人，一陣又咩事真係邊個知？基本保障都俾唔到學生，仲要受氣。咁點解要去嗰度學呢？」、「咁做別人口中的麻煩亞媽，好過個女有事呀！」，但同時亦有人認為Ella行為多此一舉。

Photo from IG@koonella

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

44歲官恩娜獲封最正人妻女神兩人妻合照引熱議網上投票謝安琪都要輸？

22 Aug 2023

現年44歲的官恩娜(Ella)是一代宅男女神，她擁有一雙迷人電眼及甜美笑容，出道23年美貌不變，身材零走樣，令人羨慕。她於2015年下嫁法籍醫生老公Domingo，誕下一子一女後便淡出娛樂圈，專心做幸福少奶，不時在社交網晒美滿家庭生活。近日Ella巧遇張繼聰謝安琪夫婦，兩位人妻女神激罕同場合照，獲不少網民大讚凍齡有法，更掀起熱論！

Photo from 官恩娜 IG

兩大人妻女神合照聚舊保養超好互相吹噓

前日(21日)謝安琪(Kay)在IG限時動態貼出一張合照，相中她與Ella貼面嘟嘴自拍，老公張繼聰也跟在身後嘟嘴攝鏡，不過眾人的焦點都落在兩大人妻女神上，Ella染了一頭金髮，身穿低胸綠色上衣，外搭一件牛仔外套，性感又時尚，而Kay則清新中長髮造型亮相，穿上白色上衣配牛仔褲，散發文青氣息。Kay留言：「互相吹噓協會會員，靚到爆燈官恩娜」Ella則表示很開心與Kay夫婦聚舊，指大家有近8年無見面，又引用蔣志光《舊朋友》歌詞慶祝多年友情。

Photo from 張繼聰 IG

Photo from 謝安琪 IG

Photo from 官恩娜 IG

網民將兩位人妻女神作比較 44歲官恩娜完勝

年過40的Kay與Ella同樣已為人母，但美貌及身材依然零走樣，不少網民都大讚二人保養超好。其後再有網民發起投票，將兩大人妻女神作比較，許多網民一面倒投選Ella，讚她美貌更勝從前「官恩娜老左仲正過以前」、「官恩娜生咗兩件都仲咁正，個樣同出道時無乜分別，皮膚身材都無走樣，keep得好好」、「藝人嚟講官恩娜身型冇得輸，夠高，長腿，著名牌好好睇」不少人亦大讚Ella唱功了得，期待她復出唱歌。

Photo from 官恩娜 IG

Photo from 連登討論區

Photo from 官恩娜 IG

Photo from 連登討論區

淡出幕前低調下嫁混血醫生結婚7年生活幸福美滿

Ella出生自珠寶世家，2000年擔任模特兒入行，直到2004年以歌手身份出道，期間亦有接拍電視劇及電影，之後亦有推出過《地平線》、《乾脆俐落》等經典歌曲，發展不俗。2013年Ella於Speed Dating邂逅法藉混血醫生Juan-Domingo Maurellet，兩人開始拍拖，翌年Ella不幸患上貝爾氏麻痹症，半邊臉肌肉麻痺，而醫生男友Domingo一直在旁無微不致地照顧她，患難見真情令她深受感動，2015年兩人低調結婚，自此Ella開始淡出幕前，更為老公先後誕下一子一女，一家四口幸福帶愛，Ella偶然會在社交網分享近況，可見她一時在豪宅享受家庭樂，一時帶小朋友周遊列國，寫意生活羨煞旁人。