黃心穎婚後罕晒三代同堂全家福 泥鯭獲外父一舉動認證地位！
現年34歲的黃心穎走出「安心事件」陰霾，上月底終於與RubberBand鼓手泥鯭（黎萬宏）在元朗低調結婚，更在婚後去海外旅遊度蜜月。不過期間就因反轉昔日好姊妹兼馬國明未婚妻湯洛雯最愛的獨角獸水泡，引起暗串疑雲。但黃心穎一於少理，蜜月返港後即為三家姐黃心慧慶生，並罕有曬出三代同堂的全家福，當中泥鯭更獲外父一舉動認證地位！
Photo from IG@jacquelinebwong
Photo from IG@jacquelinebwong
近日，黃心穎與老公泥鯭一同出席三家姐黃心慧慶生宴，罕有在IG限時動態晒出全家福，並配文「Happiest birthday to my dear sis」，可見婚後生活相當幸福。而相中除了她們4姊妹和新晉女婿泥鯭，還有黃爸爸、黃媽媽及外甥等，三代同堂畫面相當難得！
Photo from IG@jacquelinebwong
另外從相中可見泥鯭已完全融入黃家，大合照全程黏實老婆，更站在C位足見這位新晉女婿的地位。至於黃爸爸更是全程笑到見牙唔見眼，相信對泥鯭亦相當滿意。
Photo from IG@jacquelinebwong
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
黃心穎晒獨角獸水泡疑暗寸，湯洛雯大方回應！透露與馬國明婚禮細節
準人妻湯洛雯（靚湯）今日出席活動，分享咗婚禮籌備事宜，佢表示已進入最後階段，透露姊妹團人選。被問到未婚夫馬國明舊愛黃心穎疑似暗寸佢，靚湯亦大方回應。
Photo from TVB
黃心穎最近喺Instagram上分享咗一張水著泳衣相，引起咗大家嘅關注。呢張相係佢同RubberBand鼓手泥鯭（黎萬宏）結婚，成為人妻後第一次公開晒泳衣相。
Photo from 黃心穎IG
相中，黃心穎著藍色比堅尼大晒長腿，並留言：「網紅唔易做」，不過相片最引人注目嘅係獨角獸水泡。因為獨角獸係湯洛雯嘅最愛，湯洛雯同黃心穎前度馬明由公開戀愛起就常以獨角獸同小馬公仔指代自己。
Photo from 黃心穎IG
Photo from 湯洛雯IG
Photo from 湯洛雯IG
黃心穎早前已被指想趕喺馬明靚湯前結婚，今次佢喺IG分享嘅照片又被猜測係想表達「打倒獨角獸」，疑似暗寸靚湯，即刻成為大家討論嘅話題。
Photo from 黃心穎IG
Photo from 黃心穎IG
準人妻湯洛雯出席公開活動時被問到相關新聞，佢即大方回應：「大家唔好咁敏感」，又表示依家各自都有新生活，黃心穎結婚自己都祝福對方。靚湯早前就表示雖然婚禮仲未舉行，但馬明已改口叫佢「老婆」，靚湯笑言：「佢好順口呀！」
Photo from 湯洛雯IG
Photo from 黃心穎IG
靚湯又透露婚禮籌備工作已去到尾聲，預計於聖誕節前舉行婚禮，地點將會選喺亞熱帶地區，但具體的結婚日期和地點目前仍然保密，只邀請少於80位嘉賓參加。靚湯表示姊妹團共有6人，妹妹湯樂瑤會擔任伴娘，其他人包括圈中好友以及佢嘅中學、大學同學。
Photo from 湯洛雯IG
Photo from 湯洛雯IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
