download HolidaySmart 假期日常 app
細細粒陳嘉佳爆光衣帽間花式炫富 櫃頂放滿Hermès橙色盒成焦點！

細細粒陳嘉佳爆光衣帽間花式炫富 櫃頂放滿Hermès橙色盒成焦點！

生活熱話 娛樂新聞
By Macy Sun on 16 Nov 2023
Digital Editor

現年38歲的陳嘉佳（細細粒）去年離巢TVB，其後轉戰內地在吃播界闖出名堂，單在抖音已累積132.5萬粉絲，更曾在一晚直播帶貨銷售量總額突破522萬人民幣（約575萬港元），吸金力相當驚人！已升呢成圈中小富婆的細細粒，早前就被發現孭了約8萬的Hermès Birkin手袋遊日，而近日她就索性拍片公開私人衣帽間，當中就有眼利網民發現細細粒櫃頂放滿Hermès橙色盒，看似有不少Hermès珍藏！

細細粒早前被發現孭約8萬的Hermès Birkin手袋遊日Photo from 影片截圖

細細粒近年北上發展事業有成，去年更在廣州開設海味舖榮升老闆娘。賺到盤滿缽滿的她雖然已定居杭州3年，但早前就有傳她月花逾10萬元租住淺水灣豪宅，更在上海持有最少3幢物業。細細粒就曾透露，會買自己喜歡又保值的東西，例如名牌手袋及手錶。不過她近日拍片公開私人衣帽間，就被發現原來不只包包講究，就連服裝她亦愛購買貴價潮牌與一線名牌款！

細細粒近年北上發展事業有成Photo from IG@siupochankakai

細細粒近日於社交平台上上傳了一段影片，公開身為大碼女孩最推薦的服飾品牌，更向一眾「大碼妹妹」推薦秋冬必備的大碼衛衣。而從片中可見她偏愛寬鬆顯瘦及可愛圖案設計的日本潮牌，包括Mercibeaucoup、Maison Margiela女裝副線MM6、三宅一生（Issey Miyake）愛徒津森千里創辦的Tsumori Chisato、山本耀司旗下品牌Y's等，價錢全部四位數以上。她亦自嘲道：「花那麼多錢買衣服，我的媽呀！」，但及後她亦解釋部分衣服已着足8至10年。

細細粒近日上傳影片，公開身為大碼女孩最推薦的服飾品牌Photo from 影片截圖

細細粒解釋部分衣服已着足8至10年Photo from 影片截圖

細細粒推薦服飾價錢全部四位數以上

而細細粒分享中最奢華的必定是兩件Hermès衫，包括價值逾1萬元的七彩透視連身裙Canoe Pareo beach caftan，以及價值近3萬元的深灰色風褸！對此細細粒就指：「愛馬仕我能穿得下的衣服太少，所以今年就買了比較薄一點的夏天連衣裙，但我穿了一次，然後明年再穿吧。」然而就有網民認為該款七彩連身裙充滿「向太味」略為成熟。

陳嘉佳展示出價值逾1萬元的七彩透視連身裙Hermès Canoe Pareo beach caftan。Photo from 影片截圖

陳嘉佳另有一件價值近3萬元的Hermès深灰風褸

另外，有不少眼利的網民看到細細粒衣櫃頂上的大大小小名牌盒，其中不乏Hermès象徵性的橙盒，旁邊亦擺放了數個Dior等手袋令大家紛紛留言驚嘆：「好富貴」、「下次介紹包包。」

細細粒曾透露自己喜歡又保值的東西，例如名牌手袋及手錶Photo from IG@siupochankakai

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

細細粒北上狂吸金成富婆！孭HERMÈS袋、傳擁至少3物業

21 Sep 2023

陳嘉佳（細細粒）北上帶貨吸金力驚人，更榮升海味店老闆娘，早前佢就大晒新西蘭大宅，擠身富婆行列。有個人物業之餘，富婆行頭都唔執輸，佢孭HERMÈS袋，連首飾都大升級！

陳嘉佳（細細粒）北上帶貨吸金力驚人Photo from 細細粒IG

#細細粒北上帶貨，吸金力驚人

細細粒自從北上後事業發展十分順利，先係用「吃播」吸引觀眾，累積到一定知名度後佢又開始帶貨，王祖藍曾大爆細細粒試過賣大閘蟹一場大賣350萬，牛扒仲勁，大賣500萬，可見細細粒直播帶貨有幾咁成功！

王祖藍曾大爆細細粒試過賣大閘蟹一場大賣350萬Photo from 細細粒IG

開直播賺得盤滿缽滿，細細粒乘勝追擊，喺廣州開海味舖，榮升做老闆娘！佢直播帶貨大賣幾百萬，幫自己間海味舖更加落力，一晚銷售量總額突破522萬人民幣（約$575萬港元），吸金力十分驚人。

開直播賺得盤滿缽滿，細細粒乘勝追擊，喺廣州開海味舖，榮升做老闆娘Photo from 細細粒IG

#新西蘭買別墅

喺內地發展得風生水起嘅細細粒更於新西蘭置業，公開逾10萬呎獨棟別墅。別墅有多間客房，主人房仲設有按摩池，細細粒就指自己會喺度做spa。

喺內地發展得風生水起嘅細細粒更於新西蘭置業，公開逾10萬呎獨棟別墅Photo from 細細粒抖音

別墅有多間客房，主人房仲設有按摩池Photo from 細細粒抖音

有桌球枱Photo from 細細粒抖音

#孭HERMÈS袋、戴Cartier

細細粒自認係富婆，近年佢行頭亦越嚟越貴婦，之前去日本旅行時就拎住價值8萬的HERMÈS Birkin手袋，Birkin作為HERMÈS經典款之一，一般而言都要「配貨」先買到，因此手袋最少要花超過$10萬。

細細粒自認係富婆，近年佢行頭亦越嚟越貴婦Photo from 細細粒IG

細細粒之前去日本旅行時就拎住價值8萬的HERMÈS Birkin手袋Photo from 細細粒抖音

仲有ChanelPhoto from 細細粒IG

除咗用HERMÈS手袋之外，細細粒嘅首飾都唔普通，外出工作時佢手上戴有Catier嘅JUSTE UN CLOU戒指同Tiffany & Co.嘅方形戒指、拖鞋都係HERMÈS。

外出工作時佢手上戴有Catier嘅JUSTE UN CLOU戒指同Tiffany & Co.嘅方形戒指Photo from 細細粒IG

拖鞋都係HERMÈSPhoto from 細細粒抖音

細細粒戴咗Cartier手鈪Photo from 細細粒IG

有傳細細粒喺上海擁有3幢物業，佢最近又拍片公開杭州嘅屋企內部裝修，絕對係圈中富婆！

細細粒最近又拍片公開杭州嘅屋企內部裝修Photo from 細細粒小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

生活熱話娛樂新聞Hermès陳嘉佳炫富細細粒北上