粉絲：全力應援！接機 + 送機 + 睇show + 出國追星全攻略

近年來，應援文化已經成為很多人的熱門活動。然而，要支持自己的偶像並不容易，需要花費金錢和精力。如果了解到一些出行攻略，就可以更輕鬆地實現追星之路！

機場接機、送機篇

作為一個忠實粉絲，當然要時刻清楚偶像的行程。如果偶像來港，更要準時接機同送機，萬一遲到就會錯過見到偶像一面的機會。相信每次出發前，大家都會留意粉絲群內的資訊，因為飛機的班次有機會延遲或提早，有時要好快咁趕入機場，避免塞車而造成延誤，搭機場快綫就係一個最佳選擇。

機場快綫全日每10分鐘就有一班車，由香港站出發入機場都只係需要24分鐘，可以又快又準時咁直達機場。由鐵路沿線出發，用八達通過閘，除了搭港鐵接駁機場快綫的車程免費，即日來回機場的回程都是免費，例如由銅鑼灣入機場即日來回，全程加埋都只係需要$110，真係可以為粉絲慳不少！

免費港鐵接駁：只要用同一張八達通搭港鐵到香港、九龍或青衣站轉乘機場快綫，又或者先搭機場快綫到香港、九龍或青衣站再接駁到其他港鐵站，都可以享受到免費港鐵車程！即係無論你係住港九新界，定係要去羅湖和落馬洲站，都可以用到這個優惠！

即日來回機場回程免費：只要用同一張八達通乘搭機場快綫即日往返機場，即可享免費回程的優惠（不包括機場站往返博覽館站）。這個優惠對於那些需要迅速到機場接送偶像的粉絲或者一般接送朋友的人來說都非常有用！

亞博館睇演唱會篇

未來幾個月有不少偶像在亞博館開演唱會，粉絲們當然要到現場應援！除了在開show當日入亞博館有攻略，就連事前的日子去視察環境或到場外佈置時都會有攻略。

只要到機場快綫香港或九龍站的特設櫃台出示當日的演唱會門票，即可用八達通以$60換購即日來回博覽館站車票，非常實用！

如果在其他日子入亞博館，搭機場快綫前往亞博館並逗留1小時或以上（以博覽館站出閘至回程入閘時間計算），即日往返香港站只需 $80，往返九龍站只需 $72，而往返青衣站更低至 $47。之前提到的免費港鐵接駁仍然適用！

出國睇演唱會篇

無論是留港還是到外國追星，都需要準備大量應援物品，盡情為自己心愛的偶像打氣！然而，攜帶行李之餘，亦要顧住最重要的應援物。唔想一抽二掕咁入機場？機場快綫的市區預辦登機服務就啱晒粉絲！提前在香港站預辦登機同託運行李，就可以免去攜帶行李搭車的煩惱，輕鬆享受旅程。

另外，出國睇演唱會當然要有伴，遇啱幾個粉絲一同飛到外國看演唱就更熱鬧！依家2至4人一同乘搭機場快綫，仲有單程團體票優惠。以兩人同行在青衣出發為例，每位只需$50，而四人同行，每位更低至$42.5。同親友一齊出行都可以用到！

團體票：只要同親友一同前往機場快綫站的客務中心，即可以優惠價購買單程團體票。

以上的優惠，除了可以幫你全天候追星，其實還可以用於任何需要前往機場或亞博館的你和我！立即 bookmark 這份攻略，隨時看看有哪個優惠可以使用吧！

所有優惠受條款及細則約束，詳請可參閱港鐵網站: www.mtr.com.hk