鍾嘉欣被偶遇再掀「雙面人」討論！一件事被批高傲，更有鄰居留言？！
鍾嘉欣自從結婚後就與丈夫子女定居加拿大，平日亦有唔少網民喺當地見到嘉欣一家。最近有內地網友就喺搭飛機時野生捕獲鍾嘉欣，好多網民都好奇佢真人係咪如外界所指「人前人後兩個樣」，更有自稱係佢香港鄰居留言！
鍾嘉欣婚後育有3個小朋友，雖然偶爾會回港工作，但佢其餘時候都係定居喺加拿大。唔少住加拿大嘅網民都曾經喺當地偶遇鍾嘉欣，近日小紅書又有網民分享佢同鍾嘉欣搭同一班機。
Photo from 小紅書
Photo from 小紅書
該網友表示TVB嘅劇集陪伴咗佢成個青春，嘉欣主演嘅電視劇佢都有睇過，佢指：「登機後，我在鋪床，她從我身邊走過。我的心裡就想她長得好像鍾嘉欣。等行李的時候她正在打電話，那把聲音一出來就是嘉欣BB無疑了。她的行李箱太重，拿的時候不小心蹭到我的推車還跟我說sorry。太低調了。」
Photo from 小紅書
Photo from 小紅書
呢篇帖文亦引起咗網友熱議，有一位網民自稱喺香港同鍾嘉欣係鄰居，即時引起其他網民關注，有網友問：「聽說她脾氣差，不理人，是嗎？」
Photo from 小紅書
Photo from 鍾嘉欣 IG
鍾嘉欣之前就被指係「雙面人」，唔少網友分享偶遇佢嘅經歷，更直言：「平時電視上nice是裝的！」有網友就指佢真人無禮貌，而且拒絕合照：「人品超差」。
Photo from 鍾嘉欣 IG
Photo from 鍾嘉欣 IG
自稱係鄰居嘅網民表示：「我對她興趣不大，所以沒主動和她說話」，表明無同過鍾嘉欣交談，所以亦唔清楚對方係咪態度差嘅人，不過有關帖文亦吸引其他網民留言。
Photo from 鍾嘉欣 IG
有網友指曾經同媽媽見到鍾嘉欣：「整條後巷只有我們三人。快走到一起時她把臉轉一邊去，我又不追星對她不感冒她有必要這樣嗎？是她想多了。」另外亦有網民表示：「她本人蠻高傲的，之前在頒獎典禮上很多粉絲喊他的名字她連看都沒看一眼別說回復甚麼」，佢更強調：「演技我就不評論了，就只是說出我所經歷過的事情」
Photo from 小紅書
Photo from 小紅書
不過亦有人認為佢只係注重私隱先會有時拒絕合照。鍾嘉欣都有回應過「雙面人」傳聞，佢稱人生會遇到好多中意佢同唔中意佢嘅人，最重要係做好自己，認識佢嘅人自然知道佢嘅為人，因此認為唔需要特別回應：「沉默係最好嘅回應。」
Photo from 鍾嘉欣 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
鍾嘉欣加拿大被偶遇，揭係雙面人？！2件事被內地網民批：人品超差
27 Sep 2022
Photo from 鍾嘉欣IG
鍾嘉欣加拿大被網民野生捕獲
鍾嘉欣失落視后後就返加拿大，佢坦言以後未必會再接拍電視劇，返到加拿大無幾耐嘅佢更宣佈懷上第三胎嘅喜訊！現時安心養胎嘅嘉欣BB日前就獲網民野生捕獲。
Photo from 鍾嘉欣IG
小紅書上有網友分享照片並表示自己喺服裝店試衫時偶遇鍾嘉欣，當佢上前打招呼時，嘉欣嘅朋友就催佢快啲走，所以路人都無問到鍾嘉欣可唔可以合照，但好彩佢翻睇自己試衫時影嘅相發現嘉欣BB亂入咗其中一張，都勉強算係一張合照。
Photo from 小紅書
內地網民批鍾嘉欣「人前人後兩個樣」？！
唔少網民都大呼羨慕，不過有網友就指鍾嘉欣應該會拒絕合照，因為佢曾經喺小紅書見過唔少人偶遇佢都被拒絕合照。樓主就指唔想生活被打攪，唔合照可以理解。但仲有好多人都指鍾嘉欣係「雙面人」？！
Photo from 鍾嘉欣IG
Photo from 小紅書
其中一個網友就直言：「死心吧！她是不會跟你合照的，平時電視上nice是裝的！」該網民指曾經同屋企人偶遇過鍾嘉欣，當時無疫情，屋企人好有禮貌咁請求合照，但就被鍾嘉欣拒絕，呢位網民表示：「莫明其妙，感覺她一點都不親民，自此對她改觀。」有人反駁明星亦唔一定要應承同路人合照：「她也有拒絕的權利啊！」
Photo from 鍾嘉欣IG
Photo from 小紅書
另一網友證鍾嘉欣無禮貌又cheap？
目前有關嘅留言已被刪除，但仲有另一位網民亦忿忿不平，狠批鍾嘉欣態度一直唔好：「Covid之前遇見過她幾次都是超級沒有禮貌！而且非常非常非常Cheap！」佢分享兩件小事，指鍾嘉欣曾經去專櫃買唇膏，問三問四，又問唇膏用咗可唔可以退，結果買咗幾日後真後攞返去專櫃退。
Photo from 鍾嘉欣IG
呢個網民又表示之前喺Sephora偶遇鍾嘉欣，當時佢竟然用化妝掃上妝，網友指店內嘅化妝掃十分污糟，直言：「她就是沒有禮貌又非常之Cheap的人！」仲話好多人都有同感。
Photo from 小紅書
Photo from 鍾嘉欣IG
過往曾有多人指鍾嘉欣經常拒絕合照
翻睇其他內地網友偶遇鍾嘉欣嘅post，發現唔少帖文留言都有好多人指鍾嘉欣拒絕合照而對佢反感，有人指鍾嘉欣「很emotional」唔係每次都肯拍，仲有人表示自己細妹當年7歲問過鍾嘉欣可唔可以影相，鍾嘉欣黑面背住7歲嘅妹妹唔理佢，網友嬲爆指鍾嘉欣：「人品超差」。
Photo from 鍾嘉欣IG
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
