郭羨妮11歲女甜美近照曝光遺傳精緻五官網友大讚未來港姐！原來早已踏足娛樂圈？！

By Macy Sun on 28 Nov 2023

Digital Editor

現年49歲的郭羨妮，1999年參選港姐獲得冠軍入行，其後與內地動作指導朱少杰結婚及誕下女兒Kylie後便淡出幕前專心照顧家庭，不過亦會不時於社交平台分享生活近照。而早前郭羨妮就分享與Kylie一同玩滾軸溜冰的照片，當中Kylie甜美的樣貌就被網友大讚是未來港姐，更封她為「縮細版郭羨妮」！

Photo from IG@sonijakk

Kylie自小五官精緻，側臉輪廓突出之餘，更眼大鼻高，完美遺傳母親精緻五官，簡直係一個小美人。在郭羨妮分享的女兒照片下不時都會有網民留言稱讚Kylie靚女：「小美女」、「愈大愈像媽咪」、「女兒很美」、「下一代的延續，很美的事」、「靚媽媽，靚女兒」、「笑容很美」等。

Photo from IG@sonijakk

早前郭羨妮就於社交平台分享Kylie 11歲生日一同玩滾軸溜冰的照片，曝光女兒最新近照。當中Kylie隨著成長簡直女大十八變，五官更加精緻，配上甜美笑容更被網友大讚是未來港姐。同時亦有網友感嘆Kylie轉眼間已經大個女，稱讚Kylie越大越像媽媽簡直是「縮細版郭羨妮」！

Photo from IG@sonijakk

而據悉郭羨妮老公長居內地，與在港生活的妻子女兒聚少離多，所以女兒特別依賴媽媽，十分痴身。而在母親的悉心栽培下，11歲女兒Kylie就讀傳統學校，性格好動，對不同事物都感興趣，同時亦充滿表演慾，曾與楊思琦、陳柏宇、胡諾言等人嘅子女於迪士尼樂園表演。

Photo from IG@sonijakk

但原來小小年紀的Kylie亦早已踏足過娛樂圈，曾於去年客串演出ViuTV劇集《冥冥之中》，飾演患有自閉症嘅女孩，更在去年與郭羨妮母女檔為健康食品拍攝廣告。而對於Kylie會唔會繼承自己加入娛樂圈，郭羨妮就曾表示唔反對，指會畀女兒自由發展，只希望女兒現階段可以好好讀書及開心健康。

Photo from 《冥冥之中》截圖

Photo from IG@sonijakk

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

郭羨妮9歲囡近照曝光獲網民大讚！過往緋聞多！與內地老公結婚卻不被看好？

11 Jan 2022

郭羨妮（Sonija）過往曾經憑著美貌獲網民大讚「最美港姐」，而佢自從2015年離巢後就淡出幕前，相夫教子。最近，佢就上載咗同丈夫朱少傑以及囡囡一家三口嘅溫馨照，而唔少網民仲大讚囡囡Kylie樣貌標緻，同佢非常相似！

Photo from 郭羨妮IG

# 郭羨妮榮獲港姐冠軍，正式入行！

現年47歲嘅郭羨妮（Sonija）喺1999年參選香港小姐榮獲冠軍，亦係2000年國際華裔小姐冠軍。本身係中英混血兒嘅佢擁有深邃嘅五官，仲因此而被網民封為「最美港姐」！加入TVB後，佢曾經參與多部電視劇拍攝，備受力捧。

Photo from TVB

# 2015年離巢後，淡出幕前！

直到2015年，郭羨妮喺拍攝完電視劇《無雙譜》後就宣佈離開TVB，正式結束16年合作關係，並淡出幕前，專心照顧丈夫同囡囡！不過，久未復出拍戲嘅佢上年就獲ViuTV出演科幻劇集《冥冥之中》，令唔少網民都表示好期待，預計今年播出。

Photo from 郭羨妮IG

# 公開一家三口近照，囡囡被網民大讚靚女！

早前，郭羨妮就喺IG上載咗一家三口嘅溫馨自拍照，而9歲嘅囡囡Kylie嘅近況亦因此而曝光！唔少網民都大讚囡囡盡得媽媽「真傳」，有水汪汪嘅大眼睛、深邃嘅輪廓等，非常可愛～

Photo from 郭羨妮IG

# 過往緋聞多，導致形象插水？！

過往郭羨妮嘅人氣都非常高，係其中一位當紅花旦。不過「人紅就自然是非多」，當時就曾經傳出同楊思琦因合作《無名天使3D》鬧不和；而佢嘅緋聞亦十分多，頻頻同劇中嘅男主角傳出緋聞，包括有：溫兆倫、陶大宇等。而傳出緋聞時，陶大宇就剛剛同結婚7年嘅太太離婚，令唔少外界推測婚變原因同佢有好大關聯，仲因此而被冠上「狐妮」稱號，形象插水！