港男日本食拉麵瘋狂打卡！被店員出聲制止！有網民列3點力撐港男無做錯

時事熱話

By Jennifer on 29 Nov 2023

Digital Editor

今晚食乜餸：小二，嚟一碟花生！

近日有一名香港旅客分享佢喺東京嘅拉麵店目睹咗另一名香港食客過度拍攝食物，最終被店員制止。事件於社交網站上掀起網民熱議，好多人都覺得呢種行為好失禮。

Photo from 《愛吃拉麵的小泉同學》劇照

去旅行食美食嘅時候，通常會忍唔住想要影張相打下卡紀錄底旅行嘅快樂，又或者係分享俾朋友睇。拍攝美食相當然係一件有趣嘅事，但有時過度迷戀拍攝美食，甚至連用餐嘅時間都唔顧都可能會對他人造成影響。

Photo from 《孤獨的美食家》劇照

最近有一名香港旅客喺Facebook「香港/日本拉麵關注組 / 分享群」發文表示自己喺東京嘅拉麵店遇到一種情況。佢指目擊咗一位香港人於一間米芝連星級拉麵店用餐時一直拍攝食物打卡，仲一直改變角度同埋重複拍攝。

Photo from Facebook「香港/日本拉麵關注組 / 分享群」

該網民指：「話說今日11am排第四入場嗰位香港師兄，由我食到半碗嗰陣開始影，到就食完都未影完」，呢個行為引起咗店員嘅注意。最終，店員制止咗呢位食客嘅行為，親自提醒佢唔好再影。

Photo from Facebook「香港/日本拉麵關注組 / 分享群」

Photo from 《孤獨的美食家》劇照

唔少網民都表示花太多時間拍攝食物唔單止浪費時間，仲會影響其他用餐嘅人嘅體驗：「影咁耐碗野都凍晒，浪費人哋心機」、「明顯係為左打咭刷存在感多過食麵」、「影衰晒香港人」、「你一係問店家可唔可以整碗sample比你拍嘢用」

Photo from Facebook「香港/日本拉麵關注組 / 分享群」

有網友就分享咗餐廳嘅內部提示圖片，顯示餐廳已經明確規定唔可以拍攝太耐嘅時間。呼籲大家遵守餐廳嘅規定，拍攝食物嘅時間應該要適可而止，唔好失禮。

Photo from Facebook「香港/日本拉麵關注組 / 分享群」

Photo from 《四季拉麵物語》劇照

不過亦有網友持相反意見：「咁不如限時喇，你理得人想點，佢淨影相唔食得唔得呀」、「影相都要管，鍾意幾時食咪幾時食，淋咪淋囉」、「成件事都反智，又唔係冇俾錢，又冇騷擾到人，你理得我幾時食，你係驚阻住排隊既客咪set限時囉，店家做法一啲唔尊重客人」

Photo from LIHKG

連登唔少網友認為打卡並無騷擾到其他人、食客付款後應有權選擇何時享用拉麵，又指店家如果係驚排隊人龍太長應該要set限時。

Photo from LIHKG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

遊日必睇！食拉麵5大禁忌！分分鐘踩中地雷｜湯底要飲晒？食麵食到大大聲先叫尊重？

19 Apr 2023

不少人去到日本千里迢迢除了食壽司之外，最吸引人的就是拉麵了，熱騰騰香濃幼滑的湯底，湯頭更加是千變萬化，不過不得不說原來日本人的規矩多多，很多看似雞毛蒜皮的行為，但對於日本人來說原來是地雷？就連對於遊客他們亦會有很多意見，不想難得去個旅行會受人白眼，就要留意以下「食拉麵要注意的5件事」，下次出門旅遊就放鬆得多了！

Photo from Getty Images

1）食麵緊記發出聲音

從小到大媽媽都教導食飯時盡量不要發出任何聲響，因為會給予人沒有禮貌的標籤，但原來在日本拉麵店中，食拉麵時發出聲音是對廚師的尊重。在日本人的眼中，食麵食到「殊殊聲」是對師傅的手藝讚嘆不絕的表現，而且嘴巴發出聲音更有助麵條冷卻，不輕易會燙到嘴。

Photo from shutterstock

2）筷子必須放在筷子架上

香港人食麵都有種習慣，會將筷子插在未食完的湯麵或飯上，但其實此舉給人留下不好的印象，因為日本人認為筷子直插在食物上等於插在墳墓上，老一輩會視為不敬的行為，就算食到中途要放下筷子都只能放在筷子架上，就連吐出來的骨頭都要放回碗內以示尊重。

Photo from 《關西攻略二》TVB

3）每人至少要點一碗拉麵

有些女生出門旅遊總喜歡「小食多滋味」，因為女生胃口不大，旅行時到餐廳用餐總愛跟朋友分食食物，但對於日本人來說，多人分食一碗拉麵絕對是一大禁忌！若果真的未能食完一碗拉麵的話於點餐時可以跟店員要求「少麵」，又或者點店內其他的小食例如煎餃等等，觀感也會比較好。

Photo from shutterstock

4）湯底一定要飲到一滴不漏

不少人都知道，決定一碗拉麵好不好食最重要的就是其湯底，因為「湯底就是拉麵的靈魂」，而本著這個精神，所以日本人為尊重拉麵店的老闆都會於用餐的最後把湯底全部喝光光，如果怕湯底很鹹而喝不完的，有網民指盡量選擇到遊客區的拉麵店店員會比較寬容。

Photo from shutterstock

5）拉麵店其實是速食

很多遊客到外地餐廳用膳都愛一邊食飯一邊聊天，但其實拉麵對於日本人來說是個速戰速決的美食，就似麥當勞在香港人心目中一樣，就算已經食完在等身旁的友人都盡量不要跟他聊天，因為若果外面有客人在等位置很有可能你就會被遭受到白眼了。

Photo from shutterstock

傳奇拉麵一蘭人龍不再？三個原因導致當地人都嫌棄

Dec 6, 2022

講起拉麵，你會諗起邊一個名？香港地美食雲集，但要數到拉麵始祖，想必一定是「一蘭」無誤，曾經風靡全球的「一蘭拉麵」由九州開始遍佈全日本，再到世界各地都熱烈追捧下， 2013年在香港海外分店開幕時，更加創下連續排隊196小時的紀錄，風頭一時無兩。可惜再風光都會變得過氣，近日就有Youtuber叉雞分析「一蘭拉麵」沒落之謎，並指出幾個主要因素。

Photo from Photo from ichiran_hk@ IG

一蘭的由來

一蘭起源於九州福岡，1960年代只是一對夫妻經營的麵攤，叫「双葉ラーメン」，是當時少有名氣的拉麵店，生意非常好，1966年正式改名為「一蘭拉麵店」。原本夫妻二人都因為年紀問題認為是時候放棄，但一班經常光顧的熟客請求店家繼續營業，終於在現任社長吉富學的堅持下作出轉讓並創下佳績，當時各家拉麵店皆習慣在豚骨拉麵中添加洋胡椒，而一蘭則突破傳統，首創在拉麵中加入唐辛子，其後於1993年首間一蘭拉麵店在福岡那之川一號店開幕，開展出世界聞名拉麵連續店之旅，全球營業額更加達至186億日幣（至2020年計算)，而且店內更特設獨特吧台座位，會成立這種獨有的風格，只因社長一個念頭：「把所有與製作者有關的因素全部除去，讓客人能全心專注於一碗拉麵上，完全不用顧慮周遭環境。」其後更加將此接待模式稱為「味集中系統」申請了專利，其他拉麵店鋪都無辦法模仿設計。

Photo from Photo from ichiran_hk@ IG

沒落之謎1｜杯麵定價太高，性價比太低

疫情幾年影響，2021年一蘭為了救亡，首次推出一蘭杯麵，不過日本普通杯麵的定價大約為206日元，而一蘭杯麵490日元，而且杯麵內只有一個麵餅，就連一粒肉碎一粒蔥花都沒有，一蘭方面就解釋因為想讓大家體驗拉麵本身最純粹的味道，所以刻意不加放任何配料，但一蘭又因為想要保持品牌形象而向經銷商施加壓力不讓他們降價，導致杯麵網絡風評偏差。