吳千語男友施伯雄寫遺囑贈全部財產！千語分享婚戀觀指AA制太計較
Photo from 吳千語微博
30歲嘅吳千語同「百億富三代」施伯雄愛得愈嚟愈高調，近日佢哋更參加內地嘅戀愛真人騷《愛嘅修學旅行》，吳千語坦言兩人現時係備婚狀態，出年會有正式嘅婚禮。
Photo from 施伯雄微博
吳千語亦於節目中分享佢同未婚夫施伯雄嘅相識經過，施伯雄表示佢哋由一位共同朋友介紹認識，但第一次見面時吳千語卻非常冷淡，令佢覺得對方好無禮貌。吳千語則表示自己唔想令男生誤會自己對佢有好感，而且佢更直指當時覺得施伯雄好矮，完全唔靚仔。雙方第一印象都唔係太好。
Photo from 微博
Photo from 微博
Photo from 微博
Photo from 微博
不過之後佢哋多次同一班共同朋友出去玩，漸漸發現兩人有好多共同興趣，於是就變成好朋友，再發展成情侶關係。吳千語表示佢哋嘅愛情係喺友情嘅基礎上建立。
Photo from 微博
Photo from 微博
同其他幾對伴侶嘅交流中，吳千語問佢哋結婚後家庭開銷點分配先算公平，佢同施伯雄都表示覺得AA制太計較，施伯雄更自爆早幾年已經立好遺囑！令在場其他嘉賓都十分驚訝：「你這遺囑會不會立的太早了？」
Photo from 微博
Photo from 微博
施伯雄解釋佢認為疾病係可以好突然，佢指遺囑寫咗佢嘅葬禮要喺某一個價格下完成，另外佢「謙虛」表示自己嘅財產唔算好多，但當時已決定咗同千語一齊，所以遺囑亦寫明會將所有遺產留畀女友吳千語，施伯雄指雖然吳千語一直稱自己唔識理財，但佢認為對方好聰明，留畀佢都好放心。
Photo from 微博
Photo from 微博
Photo from 微博
喺正式公開戀愛前施伯雄多次喺微博小號「單方面」向女友吳千語示愛，佢於節目中透露佢哋喺2019年至2021年兩年間都無公開戀情，一直躲躲藏藏，自己亦曾因此而感到不快，甚至發過脾氣，但吳千語其實係為咗保護佢，令施伯雄十分感動。
Photo from 施伯雄微博
Photo from 微博
Photo from 微博
Photo from 微博
吳千語近日同男友施伯雄出席佢爺爺嘅生日宴，施伯雄喺社交網站中分享合照，吳千語換咗鬆身長裙，腹部似有隆起，手臂同埋面頰都變得圓潤，好多網民留言猜測佢係咪已經懷孕。
Photo from 施伯雄微博
Photo from 施伯雄微博
Photo from 吳千語微博
Photo from 施伯雄微博
雖然佢哋暫未回應懷孕傳聞，但吳千語已完全融入咗男友施伯雄嘅家庭，無論大同細嘅活動都會一齊出席。今次佢現身施伯雄爺爺嘅壽宴，相信已獲施家認證，坐穩孫新抱嘅位置。
Photo from 施伯雄微博
Photo from 施伯雄微博
Photo from 施伯雄微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
吳千語住上海別墅狂晒闊太日常 客廳闊落環境清幽 設大花園及升降機
18 May 2023
29歲的吳千語曾跟林峯拍拖5年，2018年兩人分手後，千語即傳出與百億富三代施伯雄拍拖，歷任男友都身家豐厚，千語亦過得富貴奢華。近年千語長駐內地發展，早前她在小紅書拍片生活日常，片中曝光了她的豪華別墅環境，屋內空間舒適闊落，戶外更有一個大花園，隨時可BBQ及在草地做瑜珈，生活羨煞旁人。
Photo from 吳千語 IG
豪華別墅環境清幽 設大花園及升降機
吳千語近年移居上海，她上月拍片透露為了讓愛犬享有更大的活動空間，決定搬到郊區的別墅生活。片中可見，該別墅為複式設計，至少有兩層，屋內設有旋轉樓梯，裝修以米白色為主調，設計低調奢華，大廳空間闊落，估計可容納10人以上，當中擺有3張白色梳化及1個黑色茶几，其巨大玻璃窗設計可望到屋外的花園及樹林景觀，環境清幽。據指屋內還設有一部升降機，而外面則有一個大花園，千語不時會在花園做瑜伽或是邀好友一同BBQ，早前她曾分享在花園品嘗美酒、燒蠔及串燒的影片，幸福生活令人羨慕。
Photo from 吳千語 小紅書
Photo from 吳千語 小紅書
Photo from 吳千語 小紅書
Photo from 吳千語 小紅書
Photo from 吳千語 小紅書
大晒闊太生活日常 鑽研廚藝為嫁入豪門做準備?
一向懂得享受生活的吳千語不時在社交平台大晒闊太日常，經常出國旅行度假，閒時在豪宅烹製美食，又會分享購物及護膚心得。近年吳千語更愛上烹飪，在家悉心鑽研廚藝，不時在網上分享自己的料理成果，展現賢淑的一面。本月初她分享多張美食照片，當中以海鮮為主角，每款菜式都是她親手炮製，包括大蝦冬陰公湯、清酒黃油芒果貝、蒜香帶子王、辣子雞翅、煲仔鮑魚、雞油干貝花膠花菇絲飯，她更表示歡迎大家向她索取食譜。吳千語與施伯雄拍拖4年，感情穩定，更不時傳出婚訊，近年千語幕前工作減少，亦醉心學習廚藝，疑似為以嫁入豪門做準備，疊埋心水做幸福少奶。
Photo from 吳千語 小紅書
Photo from 吳千語 小紅書
Photo from 吳千語 小紅書
草根出身入娛樂圈泊好碼頭 成功融入上流名媛圈
吳千語的家庭背景一向神秘，有報道指她在屋邨出身，父親是沙角邨街市工作，母親則是家庭主婦。吳千語是模特兒出身，2010年拍廣告時獲黃百鳴賞識，邀請她接拍電影，成功加入娛樂圈。2013年與林峯拍拖後，生活質素大升級，住豪宅、開跑車及買名牌，其後與林峯分手後，再與百億富三代施伯雄拍拖，期間亦成功融入上流社會的名人圈子，不時參與名媛聚會，關係看似不錯。
Photo from Annia Ho IG
Photo from 吳千語 小紅書
Photo from 吳千語 小紅書
Photo from 吳千語 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
吳千語教路點樣揀筍盤！獲2任有錢男朋友愛錫，全靠「反差萌」？！
31 Oct 2022
現年29歲嘅吳千語同百億富三代男友施伯雄公開戀情後越愛越高調，男友更多次晒甜蜜合照宣示主權。近日吳千語上《絲打圍爐》時就分享「揀筍盤秘笈」。佢同前男友林峯、現任男友施伯雄一齊時都獲對方錫到濃，個人魅力爆燈？！
Photo from 《絲打圍爐》
吳千語與百億富三代施伯雄戀情公開
吳千語2018年同百億富三代施伯雄傳出緋聞，有指佢早已搬入男方名下位於九肚山價值$5,000萬豪宅共賦同居，不過佢未有承認戀情，反而係施伯雄多次喺微博讚好、轉發女方以「宣示主權」，又多次發文表示想公開合照，但稱先要得到吳千語同意。
Photo from 施伯雄微博
由此可見吳千語家庭地位之高！日前兩人終於公開戀情，施伯雄亦越愛越高調，喺微博post出擁抱、貼面合照，大晒同吳千語嘅甜蜜日常。感情狀況十分穩定嘅吳千語最近上《絲打圍爐》做嘉賓。
Photo from 施伯雄微博
Photo from 施伯雄微博
Photo from 施伯雄微博
吳千語分享「筍盤」3大條件
今集主題係「獵筍盤秘笈」同場仲有陳欣妍，對於「筍盤」，吳千語提出3個條件：心地好、事業好、有責任心。佢表示揀男朋友一定要心地好、人品好，佢亦指事業亦好重要，對自己嘅工作一定要有熱誠：「就算佢呢一刻可能唔係最叻嗰個，但你覺得佢係一隻有投資潛力嘅股票。」
Photo from 《絲打圍爐》
Photo from 《絲打圍爐》
Photo from 《絲打圍爐》
喺責任心方面，吳千語指比較容易睇到嘅係可能佢屋企有養寵物，睇佢照顧得好唔好，再進一步觀察嘅可能係男方點樣同女友屋企人相處。吳千語坦言佢都重視外表，當主持人蝦頭指如果個男仔係「少少岩巉」，吳千語即斬釘截鐵稱：「咁無可能（接受）！」
Photo from 《絲打圍爐》
Photo from 吳千語微博
吳千語坦言重視外表，施伯雄完全符合「筍盤條件」
吳千語指佢覺得如果對方無肥嘅都無問題，因為可以減，但佢直言：「一定要減！」佢認為熱愛生活嘅男生應該唔會肥得去邊。佢指中意自律嘅男仔，即使係上班族平時都會做運動，行程好穩定。
Photo from 《絲打圍爐》
Photo from 《絲打圍爐》
吳千語表示佢搵另一半唔一定要靚仔，但要「大方得體」同合眼緣。吳千語現任男友施伯雄作為百億富三代，事業方面唔使多講，佢亦有養寵物、平時都會做運動，完全符合吳千語嘅「筍盤條件」！
Photo from 施伯雄微博
獲2任有錢男朋友愛錫，千語BB魅力過人
吳千語入行以嚟同林峯嘅戀情廣受關注，向來低調處理感情事嘅林峯不但公開承認同吳千語嘅戀情，更肉麻叫女友做「BB」，又曾經連續講7次「好愛」千語，兩人發展至同居生活，可惜呢段感情最終未能開花結果，而吳千語現任男友同樣都十分癡情，未公開戀愛時就經常喺微博暗中向女友示愛，公開後更恨不得公告畀全世界聽佢有幾愛女朋友！
Photo from 吳千語微博
Photo from 施伯雄微博
兩任「鑽石王老五」男友都錫到千語BB濃，到底佢有咩過人魅力？喺節目中吳千語亦有分享少少心得，佢指首先要擴闊自己嘅圈子，結識多啲朋友；另外就係出門都要打扮同化妝，畀一個好嘅印象人哋。吳千語又指要展示到自己係欣賞另一半，不過佢就指自己好少撒嬌。
Photo from 《絲打圍爐》
Photo from 《絲打圍爐》
兩位主持同陳欣妍就指吳千語外表有女人味，但中意嘅嘢比較硬朗，呢種反差萌反而更加吸引異性。
Photo from 《絲打圍爐》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
吳千語百億富三代男友施伯雄社交帳號曝光？瘋狂讚好女方日常全與女友有關
17 May 2021
林峯前女友吳千語同百億富三代施伯雄傳緋聞近3年一直未有承認戀情，但吳千語生活富貴，兩人更屢傳婚訊！近日施伯雄微傳小號（細帳）疑曝光，帖文幾乎全部同吳千語有關，被指對女方一片痴心！
Photo from 吳千語微博
27歲嘅吳千語2012年同林峯拍拖後愛得高調，林峯唔止以「BB」稱呼佢，又曾連續講7次「好愛」女友，兩人更一度同居！
Photo from 張馨月微博
不過2018年雙方承認分手，分手後吳千語火速傳出新緋聞，對象係富三代施伯雄，有指佢為嫁筍盤而狠心同林峯分手。
Photo from 吳千語微博
緋聞傳足兩年幾，更屢傳婚訊，有報道指吳千語已搬入男方名下位於九肚山價值$5,000萬豪宅共賦同居，將於下半年舉行婚禮，拉埋天窗。
Photo from 吳千語微博
施伯雄係全國政協施子清長孫，爸爸擔任家族公司董事總經理，而佢本人亦係第三代平台App嘅香港區總經理，家底深厚係城中「鑽石王老五」。
Photo from 施伯雄微博
不過吳千語一改過往高調作風，一直無正面承認戀情，只喺傳出婚訊時公開否認：「很感謝大家的關心，未來如果有好消息也會跟大家分享的!婚姻是一道選擇題，不是必答題。」
Photo from 吳千語微博
Photo from 吳千語微博
近日施伯雄微博小號疑似曝光，帳號名叫「施伯熊哥哥」，感情狀況顯示為「戀愛中」，帳號有施伯雄嘅個人照，而佢帳號嘅帖文幾乎全部都係吳千語，都係讚好、轉發女方嘅微博。
Photo from 施伯雄微博
Photo from 施伯雄微博
私人帳號曝光後佢亦大方晒個人照：「今天早上眼睛睜開就看到電話上很多微博推送信息，謝謝你們的熱情！很多人要求本人照片，這張好像2019年日本拍的，你們疫情後最期待去哪裡旅遊？ 」
Photo from 施伯雄微博
呢張相仲係由女友吳千語影，施伯雄又親自回覆網友留言，有網友求佢同吳千語合照，施伯雄指「我害羞」；有網友指知道佢小紅書帳號，佢就回應：「我小紅書主要來看旅遊攻略，還有like 吳總的視頻」
Photo from 施伯雄微博
Photo from 吳千語微博
佢喺微博嘅留言盡顯佢對吳千語嘅愛意，網友指：「你的拍照技術有待提高啊」、「哪道菜是千語bb做的」，施伯雄甜蜜回應：「拍她的好看就算了」、「她做的我都會吃完 嘻嘻」。
Photo from 施伯雄微博
Photo from 吳千語微博
Photo from 施伯雄微博
施伯雄小號曝光後，關注人數大幅上升，唔少人都認為就係佢本人，亦指佢對千語BB一片痴心，言談間流露滿滿愛意～
Photo from 吳千語微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
