拉埋閨蜜一齊去澳洲探樹熊袋鼠啦～超抵自由行套餐去埋帝王谷睇超靚日落！

呢排一碌Instagram同Facebook都見人去旅行，啲打卡相真係恨死小編了～決意報仇嘅小編係咁不停揾平價機票／抵玩套票，最近發現幾個超筍嘅專業旅運package! ，最平4000都唔洗就可以拉埋閨蜜一齊去澳洲～一定要介紹比大家！同閨蜜夾好時間就可以即刻出發啦～

Photo from Travel Expert

澳洲我諗最為人熟悉嘅城市應該係墨爾本啦～墨爾本，感覺係一個先進同多元化嘅城市，有齊特色嘅新舊建築、典雅嘅街道，真係同閨蜜係條街求其影相都可以影足成日。而如果想親親大自然嘅話，又可以去下啲郊區，探下超得人鍾意嘅袋鼠同樹熊寶寶～真係唔洗驚plan唔到行程！

Photo from Travel Expert

Photo from Travel Expert

身為吃貨嘅你亦唔洗擔心，係墨爾本市區嘅大街小巷，有好多超出名嘅地道街頭美食，掃埋街都仲得啊！

想同閨蜜搵超靚自然景觀打卡嘅話，小編就介紹呢個大洋路嘅沿海公路～原來佢係被譽為全球最美嘅沿海公路，個海水係藍得清徹見底～個景真係好無敵，我諗真係唔洗擺咩pose張相都已經夠瘋狂呃like！

如果你嘅閨蜜係有國際牌識揸車，你就有福了！可以平平地跟埋個package租架車，揸遠少少去睇下靚景chill足一日。因為只係離墨爾本市區大概60-90分鐘車程，就已經有三個超靚超值得去嘅島仔，好岩兩個女仔去度個靚假睇個靚景～唔淨止咁啊，個度仲有得浸個溫泉梳乎下，又或者近距離接觸下啲野生動物bb，咩袋獾、澳洲野狗、樹熊和袋鼠，全部都有！真係可以好寫意好好玩嫁！

Photo from Travel Expert

如果真係要打到一啲大師級嘅卡又或者想欣賞超自然景觀嘅你地，真係唔可以錯過呢個已經列入世界文化及自然遺產嘅烏魯魯～可以係個一望無際嘅紅土到睇日出日落，個景真係靚到好似電腦個桌面咁嫁～想再嘆啲嘅，仲可以book埋係閃閃星光底下同閨蜜食個晚飯，飲杯紅酒咁，真係好浪漫啊～

Photo from Travel Expert

又或者想做個登上懸崖峭壁的女子嘅話，可以去帝王谷360度睇超靚自然景觀！

Photo from Travel Expert

Photo from Travel Expert

優惠期有限嫁，同你閨蜜夾好時間就即刻出發啦～一齊度番個不一樣嘅假留個美好回憶！

即刻睇澳洲優惠套票：http://texpert.com/tc/Package_theme.asp?Uid=34

Text: Holiday Editorial
Presented by: 專業旅運
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載