日本新鈔2024年7月發行！一文睇日圓紙幣新舊分別！舊鈔點處理？！
近日日本財務省公開10,000、5,000、1,000日圓鈔票新設計，同時將會更新日幣紙鈔嘅防偽技術，新鈔將於2024年7月3號發行，呢次更新係自1984年以來40年嚟嘅首次全面更換。
Photo from 日本財務省
日本新鈔票：一萬日圓紙幣
10,000日圓新鈔票正面係有「日本資本主義之父」之稱嘅澀澤榮一（渋沢栄一）嘅肖像，背面則為東京車站嘅圖案。
【10,000円新鈔】
Photo from 日本財務省
Photo from 日本財務省
【10,000円舊鈔】
Photo from 日本國立印刷廠
日本新鈔票：五千日圓紙幣
5,000日圓新鈔票正面會用「日本女子教育先驅」津田梅子（津田梅子）嘅肖像，背面為紫藤花圖案。
【5,000円新鈔】
Photo from 日本財務省
Photo from 日本財務省
【5,000円舊鈔】
Photo from 日本國立印刷廠
日本新鈔票：一千日圓紙幣
1,000日圓新鈔票，正面係日本醫學家、有「日本近代醫學之父 」之稱嘅北里柴三郎嘅肖像，背面係日本浮世繪畫家葛飾北齋名畫「神奈川沖浪裏」圖案。
【1,000円新鈔】
Photo from 日本財務省
Photo from 日本財務省
【1,000円舊鈔】
Photo from 日本國立印刷廠
日圓舊鈔2大處理方法
唔止咁，新版紙鈔仲加入咗全像攝影技術，紙幣上嘅阿拉伯數字位置亦與舊鈔有所不同，增加防偽功能同易辨識性。新鈔發行後，現有舊版紙鈔依然可以繼續使用，日本央行會喺日後逐步回收。如果你手上持有舊版嘅日幣，唔使急住換成新鈔㗎！
Photo from 日本國立印刷廠
你亦可以考慮考慮下面兩個處理方法：1. 將日圓舊鈔保存作紀念品；2. 去銀行或郵局換新鈔。
Photo from 《半澤直樹2》劇照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
日圓獲譽為「最乾淨紙幣」？保持新淨3大原因，其他國家貨幣含菌量超高
4 Aug 2023
出國旅遊時通常都會兌換當地貨幣，其中日本嘅紙幣雖然因交易經常轉手，但多數都保持十分「乾淨」嘅狀態，可能同日本人生活習慣、紙幣嘅原材料等原因有關。曾有調查指多國嘅貨幣含菌量過萬！
Photo from PressLogic
日本係港人其中一個熱門旅遊地，想去當地旅行當然會換日圓，其中紙幣每日經手嘅人都非常多，但日本紙幣卻能保持相對乾淨嘅狀態，令好多網民感歎日本連紙幣都乾淨過人！不過佢之所以可以做到咁都有幾個原因。
Photo from PressLogic
日本人多用銀包、自動售賣機多
除咗塑膠鈔票便於清理外，傳統紙幣好易因為被塞入口袋而變得皺掹掹，而且唔防水有時放喺袋唔記得拎返出嚟就掟落洗衣機洗，加上一張紙幣可能每日流通至唔同人嘅手裡，一般嚟講都好難保持新淨。
Photo from 国立印刷局
Photo from PressLogic
日本紙幣之所以與其他紙幣唔同有可能與日本人生活習慣有關，日本稅務專家龜田潤一郎曾經出書指好多企業老闆都係用長銀包，佢哋相信長銀包可以提供紙幣住豪華酒店咁嘅待遇，從而改善財運，令更多嘅紙幣「入住」佢哋嘅銀包。即使唔係用長銀包，大多日本人都用銀包裝紙幣，好少會直接將紙幣放入口袋，所以保存得較好。
Photo from 《繼承者們》劇照
此外日本有好多自動售賣機，如果紙幣太皺嘅話，極有可能被自動售賣機拒收，所以日本人都會盡量將紙幣保持筆直嘅形態，甚少會隨意摺疊。
Photo from twitter @SAKE_KAKUSHI
日本紙幣原材料
根據日本「国立印刷局」，日本紙幣所用嘅紙張係由結香同馬尼拉麻蕉製成。結香樹皮可以製成繩索，亦常用於製作高級日本手工紙，其特點係既堅韌又耐用，唔易破損。
Photo from 国立印刷局
Photo from 国立印刷局
日圓回收快？
日本銀行數據顯示，10,000日圓紙幣平均壽命約為4至5年，而使用頻率較高嘅5,000日圓同1,000日圓紙幣約為1至2年，如果紙幣變髒或者受損，按照情況可以喺日本銀行全國32家分店作更換，所以市面上流通嘅紙幣大多都唔會用到破舊。
Photo from PressLogic
Photo from 《半澤直樹2》劇照
若紙幣被確認無法再使用後會回收再利用，用作廁紙、建築材料、辦公室用品等，或作一般廢棄物處理。
Photo from 《錢形》劇照
人民幣含菌量超高
據外媒引述牛津大學工程科學系嘅教授指，佢哋曾做測試，歐元平均含有11,000個細菌，其中丹麥克朗逾40,000個細菌、瑞典克朗則含39,600個細菌。香港城市大學一項研究比較7個亞洲地區嘅鈔票，人民幣含菌量最高，一張人民幣含有178,000個細菌，比排第2嘅港幣多出16萬細菌！
Photo from PressLogic
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
