MIRROR演唱會疑似「炒燶飛」黃牛原價急放大量門票網友嘆大勢已去！

By Macy Sun on 19 Dec 2023

Digital Editor

MIRROR首個紅館演唱會於去年7月因意外被腰斬，其後官方承諾餘下場次將會換飛補場，而日前終於落實公佈消息指會於2024年重辦《MIRROR FEEL THE PASSION CONCERT TOUR 2024 · HONG KONG》巡迴演唱會。然而去年一票難求，甚至炒出天價的MIRROR演唱會，近日就被網民發現有不少黃牛開始原價轉讓大量演唱會門票，疑似「炒燶飛」！

Photo from MIRROR facebook

去年MIRROR演唱會搶飛情況熱烈一票難求，令不少買不到門票的鏡粉要無奈食炒價，購買大約升值10倍或以上的門票。當中普遍門票都由原價$480一度炒至約$6,000，原價$1,280的門票亦高見$7,000或以上，而網上甚至有黃牛開價每張門票6萬元，更有二手網上平台標價44萬元相當誇張！

Photo from MIRROR facebook

Photo from 網上圖片

但怎料MIRROR今年演唱會，就被網友發現近日網上極多人原價轉讓MIRROR演唱會門票，當中更有不少標榜是靚連位，疑似是門票銷情不如預期，令黃牛「炒燶飛」於是原價急放大量門票止蝕！

Photo from 網上圖片

對此不少網友都慨嘆MIRROR似乎大勢已去，指出自去年演唱會發生意外後，MIRROR明顯地少了不少應援及廣告代言。同時更有網民認為此次「放飛潮」是因為去年已買門票的人已獲補飛，所以今年會變得少人買，並表示：「之前又話炒到50萬一張」、「因為可以用去年concert飛換今年飛，有幾萬人已經有飛，可能而家賣返啲差位出黎」、「姐係有人脫粉同埋冇人要」、「年輕人已經去晒追韓星，去旅行」、「我自己睇演唱會經驗呢啲飛而家平手走。去到show前就要劈先走到」。

Photo from MIRROR facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

東張西望｜MIRROR演唱會苦主斥門票過期無得換遭鏡粉反擊質疑TVB自導自演？！

23 Nov 2023

MIRROR首個紅館演唱會於去年7月因意外被腰斬，其後官方承諾餘下場次將會補場，而日前終於落實公佈消息指會於2024年重辦《MIRROR FEEL THE PASSION CONCERT TOUR 2024 · HONG KONG》巡迴演唱會。怎料近日卻有買了演唱會門票的鏡粉向《東張西望》爆料投訴，指因官方社交平台換票詳情不清楚令他們錯過了換票時間，在MIRROR所屬公司對家電視台TVB盡吐不滿！不過訪問播出後行為就被鏡粉懷疑是「TVB造假」，指訪問純屬自編自導自演？！

Photo from MIRROR官方歌迷會

近日，有苦主向TVB節目《東張西望》爆料斥責MIRROR演唱會換票安排，指官方社交平台說的換票詳細資料不清楚，怒斥完全不知退票安排，令其錯過換票時間。該名苦主提到：「我無諗過係要我主動去Facebook同Instagram睇消息，我鍾意個偶像，我會Follow佢哋個人官方帳號，但我係無必要去Follow埋你公司個社交平台㗎嘛，你尋日先公布2024詳情，點解要Set一個咁嘅截止日期，好唔合理」，更失望表示：「今次真係心淡，賣飛就鋪天蓋地，換飛就收收埋埋」。

Photo from 《東張西望》截圖

對此，《東張》亦曾向MakerVille查詢相關事宜，節目當時內容就指出，主辦方的回應是「未收到任何求助」。然而，其實MakerVille早在5、6月時已在Instagram公佈退票及換票安排，並提醒換票者需於6月30日或以前上網辦理，如若錯過辦理時間換票者自理。而訪問播出後有見事件持續發酵，昨日（22日）主辦就立即在社交平台宣布，未有換票的人士，主辦單位將會再作出退票退款安排，詳情會稍後公布。

Photo from 《東張西望》截圖

但節目播出後，就引來不少鏡粉留言反擊指：「擺明TVB自編自導自演」、「好心作個好啲嘅故仔啦我唔睇都一早知換票安排喎」、「係鏡粉點會唔知幾時退飛換飛吖，一早清清楚楚係FB,IG講晒，不如話無係小紅書出POST喇，無照顧甘啲人喇，東張係一有位就想插鏡仔。」、「又帶風向帶左都幫唔到自己artists㗎啦！俾啲心機做好自己先啦」、「點會換唔到，我已經收到email，不實報道！」、「點解要咁黑心搞我哋MIRROR」等。

Photo from MIRROR Facebook

不過成功換票的亦並非會比較好，皆因主辦MakerVille指今次補場是由電腦系統來安排，會根據原有門票進行分析配對，即是原本座位較接近舞台的，會安排到補場場次中較接近舞台的座位，對此就有持票人士感到不公，更有人座位接近降級！不少持票人士都指出自己持有的是$1,280門票，但卻被分到近panel的Block C，但持$880門票的反而被獲安排到Block 2、3、15及16等這些比較接近舞台的位置，認為安排不公平。更有網民表示原本是紅館綠閘近VIP位的被安排到亞博的「半山位」，持$880門票的被安排到Block 9 Row Z，即是最遠及最後一行，座位大降級亦令到不少持票人士不滿。