韓國筷子又扁又重被指難用！特別設計原來有4大原因
筷子喺亞洲好多國家都係主要嘅餐具，雖然都用筷子，但韓國筷子卻比較獨特，多數都用金屬製，而且同一般筷子唔同，韓國筷子係扁平狀，唔少香港人都用唔慣覺得難用，其實韓國筷子咁設計係有4大原因！
Photo from 《孤獨的美食家》劇照
Photo from 《一起吃飯吧》劇照
韓國筷子金屬製超重！原來有歷史原因
朝鮮時代，王室都會使用由銀製成嘅筷子，一嚟彰顯地位，二嚟作為王族，銀筷亦更易分辨食物有無毒。當時貴族階層會使用黃銅製筷子，而貧困階層則只能用木製筷子。所以現時韓國主要都係用返金屬製筷子，木筷反而好少用。
Photo from 《一起吃飯吧》劇照
Photo from 《飯戲攻心》劇照
方便食泡菜
另外韓國飲食文化中，有好多「小菜」，其中泡菜（辛奇）更係韓國代表食物。金屬材質嘅筷子唔會好似木製筷子咁吸收泡菜的水分，可以更好咁保留食物完整嘅味道，同時減少木製筷子容易破損嘅問題。
Photo from 韓國綜藝《玩甚麼好呢？》
Photo from 韓國綜藝《玩甚麼好呢？》
韓國筷子扁平狀好難用，都同食泡菜有關！
與其他國家筷子相比，韓國筷子係扁平形狀，而唔係圓柱形。韓國人醃泡菜都係一棵棵咁醃，而扁平嘅筷子就方便切斷泡菜。
Photo from 韓國綜藝《玩甚麼好呢？》
Photo from 《今生是第一次》劇照
Photo from BTS VAPP
韓國筷子設計與「一人用」有關？！
香港人食飯好多時都習慣坐大枱，而韓國則比較多一人用餐枱，唔少餐廳更會將飯菜放喺一個小型餐桌，再搬出客人嘅座位，扁平嘅設計就可以防止筷子滾動，方便搬運飯菜，而且一人食飯夾小菜等都喺自己面前，所以雖然金屬製筷子較重，但對用開一人餐枱嘅韓國人嚟講問題唔大。
Photo from 韓國綜藝《玩甚麼好呢？》
Photo from 韓國綜藝《玩甚麼好呢？》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
日本食壽司、刺身6大NG行為！用筷子有講究／必須一啖食晒？！
18 Jul 2023
Photo from TVB
1. 將壽司/刺身咬開，分成兩啖食
日本人認為將刺身咬斷會破壞刺身原有嘅組織，而且上面沾上口水亦會影響魚生嘅鮮味。日本壽司師傅通常為方便客人進食，會將壽司握成一口大小，大家食壽司可以盡量一啖食晒！
Photo from 《奔愛》劇照
2. 不可用筷子傳遞食物
日本人非常忌諱呢個行為，被稱為「箸渡し」，因為日本人會以「特製筷子」傳遞已逝之人嘅遺骨，而用筷子接過他人筷子上嘅食物同呢個喪葬行為雷同，所以千祈唔好咁做。
Photo from 《魚躍在花見》劇照
3. 舔筷子
用筷子食壽司時可能會有飯粒黐咗啖筷子上，但唔好舔筷子，喺日本會被認為係無教養嘅行為，最好係夾其他食物時一齊食咗佢，或者直接用紙巾抹走筷子上殘餘嘅食物。
4. 任由醬料滴落
食壽司或刺身通常都會點豉油，但要小心唔好點太多令醬油滴落枱面，對於日本人嚟講亦係一個唔禮貌嘅行為。大家可以用豉油碟子嘅邊邊刮走多餘嘅醬汁，或者用食碟兜喺食物嘅下方，咁就可以避免豉油滴到落枱面。
Photo from 《奔愛》劇照
5. 以手當碟
豉油滴落枱唔禮貌，但用手當碟喺日本亦被認為唔優雅，因此最好都係用返食碟兜住。
6. 擦手巾只能用嚟抹手
日本部分餐廳會提供擦手巾畀客人喺用餐前抹手，千祈唔好用擦手巾抹面、抹頸或者抹枱！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
日本旅遊｜12大禁忌必睇！入鄉隨俗免出事，紋身不可浸溫泉？
20 Apr 2023
日本開關後唔少香港人都陸續買咗機票「返鄉下」，不過入鄉隨俗，大家封旅行之前都要留意下當地嘅一啲注意事項，以免犯咗禁忌～以下呢12大禁忌可以作為參考，都係對當地人嘅尊重。
Photo from HolidaySmart
1. 唔可以一邊行一邊食嘢
香港有唔少街頭小食，好多時喺街都會見到有人邊行邊食，但呢個行為喺日本卻係十分失禮。好彩喺疫情期間都少咗人會邊行路邊食嘢，喺日本部分地方邊行邊食甚至會被罰款！
2. 喺交通工具上唔可以傾電話
日本人搭地鐵等交通工具時多數都會將手機較靜音，雖然旅客搭交通工具打電話嘅情況唔多，但大聲交談同樣都非常失禮，大家喺日本搭地鐵時記得保持安靜，將手機較成靜音，以免whatsapp等會發出聲響～
3. 除鞋後，整理好鞋子並將鞋尖向外擺放
日本有好多餐廳都有榻榻米，會要求食客除鞋入內，大家除鞋之後要將一對鞋子擺放整齊，鞋尖向外。
4. 唔好影到路人嘅樣
日本十分重視個人私隱，即使係電視節目都唔會隨便公開市民嘅樣，所以去旅行景點影相時盡量避免將路人拍攝入鏡，以免會令對方感到不快。
5. 搭扶手電梯時企位要注意
喺香港大部分人搭扶手電梯都會企喺右手邊，空出左邊畀人行上去，但日本唔同地方有唔同嘅規矩，大家到時不妨留意一下當地人嘅做法。
6. 結帳時唔好直接將錢放喺店員手上
日本嘅收銀台好多時都會提供一個碟，等顧客將金錢放喺碟上，直接咁畀錢店員反而係一種失禮嘅行為。
7. 不可用筷子互傳食物
點樣用筷子喺香港都有好多禁忌，其中好多人分享食物時會用筷子傳遞，呢個行為喺日本要小心，用筷子夾別人筷子上嘅食物喺日本非常不吉，但以筷子分食物就無問題。
8. 壽司一定要一口食晒
日本嘅壽司都係做成一口大小，一啖食晒即可感受到食材同飯結合嘅精粹，因此如果將一舊壽司分開食就唔夠尊重師傅。
9. 食拉麵盡量唔好咬斷麵條
好多人都覺得去日本食拉麵要吸出聲先係對師傅嘅尊重，其實日本人食拉麵時都習慣唔會咬斷啲麵，曾經有人咬斷拉麵而喺網上引起日本網友唔滿。
10. 注意垃圾分類
日本係注重垃圾分類嘅國家，所以大家去觀光時記得留意返街上嘅垃圾桶類別，唔好亂咁掉垃圾入去！
11. 有紋身嘅人士唔可以浸溫泉
喺日本有啲地方會寫明有紋身嘅人士唔可以入內，大家要小心，呢個算係日本嘅傳統，不過近年已有部分嘅店家會出售膠布，有紋身嘅人士可以買嚟遮住身上嘅紋身。
12. 唔可以包住浴巾浸溫泉
喺日本浸溫泉都係唔可以圍浴巾、著泳衣，店家大數會提供一大一細2條毛巾，細毛巾係用嚟抹臉、大毛巾係用嚟抹乾身上嘅水珠之用。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
