堅尼地城籃球場變網紅打卡點！超多內地遊客影「香港最美景色」

香港好去處時事熱話

By Jennifer on 27 Dec 2023

Digital Editor

今晚食乜餸：小二，嚟一碟花生！

開關後多咗好多內地遊客來港﹐除咗食、購物外，打卡亦係內地遊客嘅熱門行程之一。而堅尼地城籃球場更成為熱爆網紅打卡點，唔少教學、攻略吸引大批內地網民，只為影一張相，更獲譽為有「動漫氛圍」嘅最美景色。

Photo from 小紅書「小申」

香港自開關後吸引咗唔少內地遊客，好多地方更成為內地遊客打卡必到嘅熱點，有網民推薦到港產片取景地打卡影相，例如《重慶森林》嘅中環半山扶梯、《無間道III》嘅石板街等。

Photo from 《重慶森林》劇照

而堅尼地城海濱長廊亦成為內地旅客必到嘅打卡地，除咗海旁，堅尼地城籃球場亦成為網紅打卡點！小紅書有唔少攻略教網民點樣從地鐵站去到籃球場，籃球場更有大量遊客影相。

Photo from 小紅書「懶豆&QUN」

Photo from 小紅書「Object.defineProperty」

Photo from 小紅書「懶豆&QUN」

原來內地遊客嚟堅尼地城籃球場只係為咗影到一個畫面。堅尼地城獲小紅書網民譽為最有「動漫氛圍感」的地方，而喺籃球場影嘅相更獲網民大讚係「香港最美景色」。

Photo from 小紅書「藍丸子呀」

Photo from 小紅書「拉好窗簾睡個好覺」

Photo from 小紅書「kacey土豆呀」

原來喺籃球場影向海旁，就會影到一張街景，但構圖有海、有車，兩旁仲有舊式嘅樓宇，唔少網民都表示喺籃球場影嘅角度「好有feel」，如果係黃昏時分影，仲有夕陽餘暉添！

Photo from 小紅書「saviour」

Photo from 小紅書「雙環筆記本」

為咗影一張相，籃球場一角往往都有一大班內地網民，有人會用手機，更有人用埋專業相機打卡！場面墟冚！不過亦有網友表示籃球場有圍牆圍住，圍欄外仲有樹木遮擋，而且同海旁距離一啲都唔近，如果唔係用專業相機影，根本好難影到網上嘅打卡照，勸拎手機嘅旅客無必要嘥時間去籃球場影相。

Photo from 小紅書「渣渣的渣渣芳」

Photo from 小紅書「劉刈刈」

Photo from 小紅書「冰峰涼皮肉夾饃」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

內地遊客熱捧7大香港手信！全香港最好食蝴蝶酥、養顏燕窩糕、港式雪櫃貼

19 May 2023

香港自開關後吸引唔少內地遊客來港，近日小紅書唔少內地網友狂推香港必買手信，包括號稱「蛋捲界Hermès」、「全香港最好食蝴蝶酥」等，更有人想搵人代購一嚐滋味，即睇內地遊客最新熱捧7大香港手信！

1. 皇玥

大家「和菓子」就食得多，皇玥最近推出嘅中式嘅宮廷「唐果子」亦係近嚟熱門嘅手信之一！唐果子由米芝蓮團隊悉心創作，一共有9種口味，包括芝麻、椰絲、柚子、薑汁、鳳梨、豆沙、蔓越莓同草莓等，除咗口味豐富之外，禮盒設計中又融入咗梅、蘭、菊、竹等元素，包裝好靚，啱晒買嚟做手信送畀人。

禮盒有不同數量選擇，價格由$88起 (全線皇玥門市及網店有售) 送禮自用皆宜！

Photo from 皇玥

皇玥另外仲有「香港故事系列」，包裝超有香港特色，有代表性建築、地標等，而禮盒入面就有各種不同口味嘅蛋卷、蝴蝶酥、脆條等，買嚟做手信夠晒得體。

Photo from 皇玥

2. 珍妮曲奇驄明小熊

珍妮曲奇喺疫情前已大排長龍，開關後依然好受遊客歡迎，人氣不減。甚至連韓國女團BLACKPINK成員LISA嚟香港開演唱會後都帶埋返韓國！珍妮曲奇亦以「BLACKPINK同款曲奇」獲內地網民追捧，大讚口感超級酥軟。

Photo from 小紅書

Photo from 抖音

Photo from 小紅書

3. Glory Bakery曲奇

喺小紅書獲唔少網民推介，更指佢「完爆珍妮曲奇」！內地網民表示Glory Bakery曲奇口味眾多，唔算甜，其中檸檬茶口味十分清新，獲唔少網友推薦。

Photo from 小紅書

4. 帝苑蝴蝶酥

帝苑酒店嘅蝴蝶酥號稱係「全香港最好食嘅蝴蝶酥」！雖然價錢小貴，但仍大排長龍，如果遲咗去仲未必買到！內地網友大讚各款口味都好食，而且包裝精緻適合送禮，更話係「yyds」！

Photo from 小紅書

5. 陳意齋燕窩糕

百年老字號「陳意齋」不論店舖，定係包裝都好有舊日香港風情，內地網友指燕窩糕人手製作，口感軟熟，甜度適中，吃幾條都唔會膩，又有美顏功效。

Photo from 小紅書

6. 旅遊發展局香港特色小食雪櫃貼

有時去旅行都會買當地嘅雪櫃貼返嚟貼喺雪櫃留念，香港旅遊發展局亦有推出香港特色小食系列雪櫃貼，價錢由20幾至60幾蚊不等，有燒賣蝦餃、老婆餅、月餅禮餅、蛋撻、西多士等，造型精緻可愛，好多內地網友一次入手幾個！

Photo from 小紅書

7. 德成號蛋捲

德成號蛋卷獲封為「全香港最難買嘅神級蛋捲」！每日開店前1個鐘已大排長龍，依然日日沽清！內地網友大讚口感酥脆，唇齒留香，3種口味牛油、椰汁、原味都同樣出色。

Photo from 小紅書

Text: HolidaySmart Editorial

《愛回家》拍攝地成內地旅客熱門打卡地？！熊家住千萬單位／新威龍廣場真係存在？

9 May 2023

內地開關後，多咗唔少遊客到港遊玩，繼油麻地警署及麥當勞道打卡，原來TVB處境劇《愛回家之開心速遞》都係遊客們嘅熱門打卡地！小紅書等社交媒體上有唔少劇集fans嘅打卡相，仲有熊家、新威龍廣場等取景地嘅攻略，一齊睇下有邊啲地方啦！

Photo from TVB

熊家原來住豪宅？

劇中提到根叔一家所住嘅大廈位於列堤頓道99號，雖然大部分時間都會影熊家內部，但鏡頭不時會影大廈外貌作交代，但事實上列堤頓道最多去到77號，並冇99號，而鏡頭所影嘅大廈其實喺列堤頓道28-34號嘅文華大廈，而呢一區嘅樓價更係不菲，有網民估計熊家單位價值1500萬人民幣（將1700萬港幣），價錢上嚟睇，熊家似乎唔係草根家庭。而劇情中交代熊尚善（滕麗名飾）及高栢菲（湯盈盈飾）都係住喺列堤頓道1-2，不過佢哋嘅取景地就喺紅磡嘅海韻軒。另外，有眼利嘅網民搵到熊家附近嘅長扶手樓梯喺中環水池巷，而熊家人外出經過嘅地方有必列者街會所及公理堂大廈附近嘅街道等。