香港警察成內地女最新打卡位 大讚阿Sir身高氣質好絕 遭批：阻住人做嘢！
近年內地遊客來港，前往不少意象不到的「網紅打卡位」進行打卡都引起話題。而近排內地女生間居然又掀起一股與香港警察合照打卡的風潮，內地社交平台上突然出現了一大堆警察與內地遊客合影的照片，甚至有遊客揚言香港警察「身高氣質都好絕」，引起熱烈討論！
Photo from 《機動部隊》劇照
香港警察近排成為了內地遊客的最新打卡位，小紅書上突然多了不少內地遊客與警察合影的照片。當中就有內地女生表示自己早前訪港時，在蘭桂芳遇到「很多阿Sir在執勤」，認為他們「真的很酷，就去詢問可不可以合影」，最後成功與5位全副武裝的警察合照。
Photo from 小紅書截圖
Photo from 小紅書截圖
Photo from 小紅書截圖
而除了在蘭桂芳外，亦有大批內地遊客在不同地方「野生捕獲」香港警察，當中有內地女生就興奮發文指「第二次來港，實現了心願與阿Sir合影」，又大讚「香港的阿Sir總體來看氣質身高都很絕！好正！態度很好」。另外亦曾有一位「高顏值」警察在早前十一煙花匯演執勤期間，被內地遊客排隊邀合照，可見內地遊客確實對香港阿Sir相當喜愛。
Photo from 小紅書截圖
Photo from 小紅書截圖
Photo from 小紅書截圖
不過隨著打卡照越來越多，其爭議亦越來越大。雖然有網民認同香港警察「真的好酷」、「很帥」、「甚麼時候內地也能以這種外貌為標準啊」、「比頂流長得好看多了」。但同時就有不少網友批評此打卡行為，認為行為莫名其妙：「究竟有咩好影」、「內地人對制服軍裝的迷戀真的好膠好奇妙」，並怒斥「警察在當值，如果都跟路人看鏡頭合照，發生事故時便不能第一時間發現及處理」、「阻住人做嘢」，更有人笑指「露過臉的這輩子都不會被上級派去當卧底了」。
Photo from 小紅書截圖
Photo from 小紅書截圖
Photo from 小紅書截圖
Photo from 小紅書截圖
Photo from 小紅書截圖
Photo from 小紅書截圖
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
堅尼地城籃球場變網紅打卡點！超多內地遊客影「香港最美景色」
27 Dec 2023
開關後多咗好多內地遊客來港﹐除咗食、購物外，打卡亦係內地遊客嘅熱門行程之一。而堅尼地城籃球場更成為熱爆網紅打卡點，唔少教學、攻略吸引大批內地網民，只為影一張相，更獲譽為有「動漫氛圍」嘅最美景色。
Photo from 小紅書「小申」
香港自開關後吸引咗唔少內地遊客，好多地方更成為內地遊客打卡必到嘅熱點，有網民推薦到港產片取景地打卡影相，例如《重慶森林》嘅中環半山扶梯、《無間道III》嘅石板街等。
Photo from 《重慶森林》劇照
而堅尼地城海濱長廊亦成為內地旅客必到嘅打卡地，除咗海旁，堅尼地城籃球場亦成為網紅打卡點！小紅書有唔少攻略教網民點樣從地鐵站去到籃球場，籃球場更有大量遊客影相。
Photo from 小紅書「懶豆&QUN」
Photo from 小紅書「Object.defineProperty」
Photo from 小紅書「懶豆&QUN」
原來內地遊客嚟堅尼地城籃球場只係為咗影到一個畫面。堅尼地城獲小紅書網民譽為最有「動漫氛圍感」的地方，而喺籃球場影嘅相更獲網民大讚係「香港最美景色」。
Photo from 小紅書「藍丸子呀」
Photo from 小紅書「拉好窗簾睡個好覺」
Photo from 小紅書「kacey土豆呀」
原來喺籃球場影向海旁，就會影到一張街景，但構圖有海、有車，兩旁仲有舊式嘅樓宇，唔少網民都表示喺籃球場影嘅角度「好有feel」，如果係黃昏時分影，仲有夕陽餘暉添！
Photo from 小紅書「saviour」
Photo from 小紅書「雙環筆記本」
為咗影一張相，籃球場一角往往都有一大班內地網民，有人會用手機，更有人用埋專業相機打卡！場面墟冚！不過亦有網友表示籃球場有圍牆圍住，圍欄外仲有樹木遮擋，而且同海旁距離一啲都唔近，如果唔係用專業相機影，根本好難影到網上嘅打卡照，勸拎手機嘅旅客無必要嘥時間去籃球場影相。
Photo from 小紅書「渣渣的渣渣芳」
Photo from 小紅書「劉刈刈」
Photo from 小紅書「冰峰涼皮肉夾饃」
Photo from 小紅書「冰峰涼皮肉夾饃」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
