梁朝偉親揭睇戲買6張飛傳聞真相！自稱唔算社恐被肢體動作出賣
梁朝偉同劉德華合作嘅電影《金手指》上映，連日嚟兩大影帝都接受多個訪問，其中偉仔就被問到唔少關於佢社恐嘅問題。喺宣傳訪問中佢更首度回應兩大傳聞，包括：專登飛去巴黎只為餵白鴿，以為因為社恐唔想隔離位有人坐，所以睇戲會買6張戲飛。
Photo from 梁朝偉微博
偉仔嘅「社交恐懼症」近年多次成為話題，佢出席各種宣傳活動時一舉一動都備受關注，雖然偉仔堅稱自己其實好健談，同相熟嘅人有好多嘢講，但因為「內八腳」、「玩手指」嘅肢體動作而被笑一睇就知係「i人（MBTI測試代表內向）」。
Photo from 微博
Photo from 微博
Photo from 微博
喺採訪中偉仔更親自回應關訴自己嘅傳聞，其中一個係佢為咗餵白鴿，會專登飛去巴黎餵。偉仔坦承真有其事：「對，曾經有過。」連劉德華都十分驚訝，反問：「曾經有過？」
Photo from 梁朝偉微博
Photo from 抖音
Photo from 抖音
Photo from 抖音
梁朝偉指自己係一個突然想到做咩，就會去做嘅嗰種人。事實上佢曾經表示喺亞洲其他地方永遠有一種被人「監視」嘅感覺，去另一個國度可以擁有好多自己嘅空間，其他人唔會知道佢係咩人，佢坦言自己好享受呢種感覺。
Photo from 劉嘉玲微博
Photo from 劉嘉玲微博
Photo from 劉嘉玲微博
除此之外，梁朝偉太太劉嘉玲之前爆料稱偉仔睇戲會買6張戲飛，確保前面同左右兩邊都無人，公認係「有社恐嘅i人」嘅偉仔喺訪問時亦被問到呢個傳聞係咪真，佢首度回應傳聞。
Photo from 劉嘉玲微博
Photo from 微博
偉仔表示：「沒有那麼誇張啦，就買三張而已。」佢指希望睇戲時隔離嘅座位無人。
Photo from 微博
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
梁朝偉放假最愛住日本！去咗30年一句日文都唔識，原因笑翻網民！
7 Nov 2023
影帝梁朝偉近日喺社交網站分享自己平時唔拍戲有時會住喺日本，不過佢就指自己完全唔講日文，原因更引起網民熱議。偉仔「社交恐懼症」近年多次成為話題，佢同老婆劉嘉玲嘅相處方式亦令網友大呼有趣。
Photo from 梁朝偉 抖音
向來低調嘅梁朝偉早前就開設咗抖音帳號，近日佢就拍攝咗出道40年影片同fans交流，分享咗唔少趣事。佢喺一段影片中透露自己從小就喜歡獨處，唔拍戲都只係一個普通人。
Photo from 2001年香港電影金像獎
偉仔就表示自己放假時都會去日本，尤其係冬天，經常去日本滑雪。佢表示好似去咗另一個國度，可以擁有好多自己嘅空間：「可能不看電影的人不會知道我是誰。」佢坦言自己好享受呢種感覺。
Photo from 劉嘉玲IG
偉仔指佢喺亞洲其他地方永遠有一種被人「監視」嘅感覺，一出現就會有人拎手機影佢或者同佢合照：「作為一個普通人，你會很累嘛！」
Photo from 抖音
梁朝偉表示自己去日本滑雪二十幾、三十年，但一句日文都唔識講：「因為我不想跟人家講話。」唔少網民都指佢果然係有社交恐懼症。近年梁朝偉社恐屢屢成為話題。
Photo from 抖音
Photo from 抖音
Photo from 抖音
佢最近係第80屆威尼斯影展攞咗金獅獎終身成就獎，之後返香港嗰陣偉仔似乎被太多傳媒包圍，想快啲上車避開人群。但係佢嘅老婆兼經紀人劉嘉玲就喺後面拉住佢嘅外套，唔畀佢離開，而係停低回應傳媒提問，呢一幕引起好多網友嘅關注同埋笑聲，紛紛笑指偉仔再次出現社交恐懼症。
Photo from TVB
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
