旺角街頭小食!香脆法式泡芙棒配幼滑忌廉~掃街必試!

身為遊客必去嘅旺角，每一條街都見到有多間大大小小主打不同國家菜式嘅餐廳，而外賣小食店更加係周圍都見到，所以黎旺角行街嘅人隨時都可以行到累就搵到野食醫肚!為求喺云云小食店吸引到容人，好多小食店都會賣啲特別嘅街頭小食，甚至係引入外國流行嘅小食~ 啱啱開幕兩個幾月嘅Smuki斯慕奇就係其中一間!

位於西洋菜南街嘅Smuki，地點非常近旺角港鐵站E2出口，所以好容易搵到。

Photo from Presslogic

由於佢地仲處於試業嘅階段，所以暫時小食方面淨係得長形泡芙棒賣。為左吸引人去試食，店鋪而家進行緊優惠試食價，更加抵食~

Photo from Presslogic

諗起泡芙，大家多數都淨係諗起好似拳頭咁大，圓碌碌咁，中間擠入奶油忌廉嘅泡芙。而Smuki主打嘅泡芙，就有別於一般嗰啲，而係長形法式泡芙棒。
鋪面會見到好大個玻璃廚櫃，望著一條條金黃色嘅泡芙條同埋傳出黎嘅陣陣香味，真係流晒口水~

Photo from Presslogic

佢地嘅法國臻品奶脆全部係每日新鮮炮製，外脆內軟，配合著口感濃滑嘅吉士醬，實在好享受!

Photo from Presslogic

小編去到嘅時候，除左原味，仲有幾款其他口味選擇，包括香蕉、士多啤梨、抹茶同期間限定嘅芒果。
但去到嘅時間大概下午1點，抹茶同香蕉已經賣晒，所以暫時試唔到~

Photo from Presslogic

如果係榴槤控嘅朋友，咁就不妨等待黎緊即將推出嘅榴槤味，香濃榴槤味嘅吉士醬配合脆脆泡芙相信會有好大味蕾嘅衝擊!

Photo from Smuki Official Facebook

原味臻品奶脆
香脆嘅酥皮，配合著入面嘅幼滑吉士醬，鬆脆微甜~

Photo from Presslogic

士多啤梨味臻品奶脆
酸酸甜甜嘅士多啤梨味吉士醬，清新夏日之選!唔單只入面嘅吉士醬係士多啤梨味，就連係泡芙棒嘅面都加入左士多啤梨去製造，外貌粉粉紅紅額外突出~

Photo from Presslogic

Photo from Presslogic

芒果味臻品奶脆(期間限定)
入面芒果味嘅吉士醬微甜中帶點芒果清香，絕對唔會覺得膩!

Photo from Presslogic

Photo from Presslogic

除左招牌嘅法國臻品奶脆，佢地嘅水果茶同樣出色!
入面有多種水果，包括百香果、檸檬、西瓜、哈蜜瓜、香橙等，超解渴又清新~

Photo from Presslogic

Photo from Presslogic

溫馨小提示:新鮮出爐嘅臻品奶脆最好食，但若果客人選擇外帶嘅話，店鋪方面建議要喺2個鐘内食，否則就冇甘脆就冇咁好食㗎啦~
以上幾款一定有一款口味啱你嘅~去開旺角嘅快啲去試下啦!

Smuki 斯慕奇
地址: 九龍西洋菜南街60號地下3號舖
營業時間:10:00-23:00
(港鐵旺角站E2出口,步行約2分鐘)

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）