西環街市疑現「派揮春黨」 接過揮春即被索要$20利是 被兇惡檔主一招KO！
農曆新年將至，適逢節日近日就有西環街坊疑似遇上「派揮春黨」！指早前見到一名著得光鮮的女士，手拿住一疊揮春，在石塘咀街市派發，而當檔主接過揮春後，對方竟然要索取利是，引起熱議！
Photo from 《愛回家》劇照
近日有網友於facebook群組「西環變幻時」發文，指見到有一名衣著光鮮的疑似內地女子，拿著一大疊揮春在石塘咀街市一樓逐個檔口派揮春，然後叫叫人支付至少20元利是，令網友不禁直斥行為「勁過香港黑社（會）！」
Photo from Facebook截圖
而好奇的網友有見情況，就尾隨該內地女子前往2樓查探，指該名女子全程「一路笑住㗎，扮無知」，而起初亦有檔主接過揮春，不過當內地女一要求俾利是「檔主就俾返佢，鬧佢囉」，令內地女尷尬敗走。對此網友最後就指有叫檔主們報警，並形容女子行為「唔係行乞，但好似黑社會咁新年收利是。不過冇盆桔，同埋冇舞獅頭囉」、「石塘咀街市已經冇乜檔口，佢搵錯地方囉」。
Photo from Facebook截圖
Photo from Facebook截圖
同時帖文一出亦引起網民熱議，有人同樣認為行為似「黑社會收佗地咁款」、「另類黑社會收陀地」，並呼籲檔主報警，另有人批評內地女行為「厚臉皮」、「封張紅紙畀佢，寫住『回頭是岸』！」、「俾得一個，隨時每個鐘都一個嚟」、「以前都叫做有盤桔」、「俾啲誠意啦！你話你喺街邊寫手靚書法做揮春都仲可能/或者/應該/有機會.....叫值得。」、「生意好都冇所謂，而家生意唔好，仲問人攞錢，真係撩鬼攞命」。也有網民指類似手法早已出現，「其實不嬲都有呢啲嘅，不過好少會問人攞幾錢起嘅利市」。
Photo from 《愛回家》劇照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
內地女懷孕5個月相睇，要求男方有樓有車！後續發展勁誇張
16 Jan 2024
內地好多地方都有「相親角」，近日一名孕婦就喺相親角分享自己嘅擇偶要求，佢指男友要有樓有車，仲要照顧埋佢肚入面未出世嘅BB，有網民指佢太貪心，掀起熱議，未料後續發展更出人意料！
Photo from 抖音
內地近年興起「相親角」，單身男女或者係佢哋嘅父母都會印宣傳單張列明其個人條件，希望可以搵到門當戶對嘅另一半。宣傳單張一般會寫上婚戀情況、工作背景、家庭條件等，連離異咗一段時間嘅莊思敏都有去過相親角相睇。
Photo from 莊思敏抖音
最近內地有一位孕婦就現身內地嘅相親角，並成為熱話。從外表嚟睇佢小腹明顯隆起，目測已有5～6個月身孕，佢手拎一張紙，上面寫咗佢嘅個人資料同擇偶條件。
Photo from 抖音
呢位孕婦自稱32歲，無車無樓，懷孕5個月，佢希望將來嘅另一半有車有樓，月薪要有2萬元人民幣以上：「能對我好，視孩子如幾（己）出」，佢指唔會接受工資只有7、8千嘅男士：「我看不起」、「月薪低於2萬的都不考慮，不然娃都養不起！」
Photo from 抖音
Photo from 抖音
影片中孕婦更表示：「雖然娃不是你的，但媳婦是你的，生娃已經夠辛苦，如果你真的愛我就不用在乎個娃是不是你的。」佢又話照咗超聲波BB係男生：「生下來跟你姓傳宗接代。」
Photo from 抖音
由於佢腹大便便，但又要求對象要有一定程度嘅經濟能力，唔少網民狠批佢只想搵「接盤俠」，更有人直言：「釣金龜也不看看自己甚麼條件」，亦有網友認為以佢嘅外在條件，即使無懷孕都未必搵到合符佢擇偶要求嘅男士。
Photo from 抖音
呢位孕婦喺相親角相睇嘅影片掀起網民熱議，之後更驚動埋警方？！原來當地警方發佈聲明，指該女子名為陳某，現年33歲，經調查佢購買假孕道具扮成孕婦自導自演拍片擺上網博取網民關注。警方更指陳某製作有違公序良俗嘅影片發佈於網絡世界，造成不良嘅社會影響，已被行政拘留處罰。
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
