超吸睛！觀塘西式fusion菜式自家製甜品愛麗絲夢遊仙境！D24榴槤心太軟都好正！

觀塘有好多美食，今次爲大家介紹一間樓上餐廳Give Me 5，上到去真係有驚喜，餐廳環境好大好靚，佔地超過千呎空間，係香港可以去咁大既餐廳食飯心情都放鬆D，仲要有桌球檯同埋飛標機玩！食物質素都唔錯，主打西式fusion菜式，午餐有lunch buffet，晚餐都有好多特色食品，今日小編爲大家重點介紹佢地既甜品，佢地專門有一個甜品師傅爲大家整別出心裁既甜品，真係幾有心思架！

最吸睛就係呢個愛麗絲夢遊仙境（＄238），價錢雖然唔平，但係份量好大，好豐盛，足夠3-4個女仔分享食！師傅係上面淋上熱辣辣既朱古力之後，等待幾秒左右，個朱古力球就會溶化開～

溶化開之後，裏面就有朱古力心太軟，朱古力食落都幾甜，有好重薄荷味，鍾意食薄荷朱古力既朋友就可以試下啦！

除左中間個朱古力波波之外，旁邊仲有tiramisu、泡芙同埋馬卡龍，值得一提既係，佢地既馬卡龍都係自己整，所以食落味道無咁甜膩～

呢個愛麗絲夢遊仙境賣相好靚，好似一副畫咁，女孩子要來影相打卡就無得輸啦！

另外一個小編最愛就係呢個D24榴槤心太軟，食榴槤人士必點呀！雖然榴槤味道唔算好重，但係甜度適宜，食落唔會膩～

一界開，熱融既流心餡料流出來，配上少少雪糕食，正呀！

呢個係鮮果拿破崙，一樣係份量好大，適合2-3個人食，水果非常新鮮，奶油甜而不膩，配合一齊食，口感好好～！

呢間餐廳仲有好多值得推介既主食，會另外撰文介紹，記得留意啦！

電話號碼
21140343
21140345

星期一至六
11:30-23:00
星期日:全日休息
公眾假期:18:00-23:00

地址:觀塘鴻圖道90號5樓

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）