【韓國過江龍炸熱狗】登陸銅鑼灣日賣200條！必食拉絲芝士＋炸薯仔味

Reporter / Anchor

Silver Tang是HolidaySmart 假期日常的資深記者，目前邁入foodie玩樂人生第4年，同時體重亦增長了4倍。雖然外表肥肥白白，但個性外向，作為ENFP仔熱愛攀山涉水，喜歡瓹窿瓹罅揾好西，希望帶香港人玩到盡、食到盡。 silver.tang@presslogic.com

韓國人氣炸熱狗「Chung Chun Rice Hot Dog」殺入銅鑼灣開店，小店有少量堂食位並由韓國人主理，並以韓國大熱炸熱狗食譜製作，保證夠正宗！韓式熱狗棒以糯米漿製作，外皮炸至金黃和脆，內裡食落煙韌嚼勁，人氣必叫拉絲芝士熱狗和炸薯仔熱狗，賣相超邪惡！即查地址＋營業時間！

韓國炸熱狗殺入銅鑼灣

韓國人氣爆芝炸熱狗店「Chung Chun Rice Hot Dog」於全球擁有200間分店，最近登陸銅鑼灣開店。店家主打即叫即炸的韓式熱狗，外皮炸至金黃和脆，內裡食落煙韌嚼勁，入口香脆又不油膩！小店有少量堂食位，搶眼的紅色舖面設計加上有炸熱狗公仔和K-POP投影等，令小店更打卡able。

Photo from Presslogic

店家提供逾10款口味炸熱狗，人氣必食全水牛芝士熱狗，帶澎湃又邪惡的拉絲效果，食落鹹香濃郁，絕對是「睇得又食得」！另推介口感豐富的炸薯粒熱狗，外層薯粒香酥脆口，內裡食落煙韌嚼勁；韓式拉麵炸熱狗，外層灑滿脆卜卜炸麵碎，食落口感層次豐富。

Photo from Presslogic

韓式熱狗有近20款醬汁和調味粉讓客人任加配搭，包括韓國炸雞醬、韓國辣醬、蜜糖香蒜醬及Wasabi醬等。記者推介配搭「韓國人style」，分別加上茄汁、蜜糖芥末及糖來調味；而店家推介加上芥末、BBQ醬及Sriracha辣椒醬更佳！

Photo from Presslogic

除韓式炸熱狗外，大家也可試試小店的韓式小食，如秘製炒年糕和炸薯條，韓式年糕更以秘製醬汁調味，食落微辣香口又口感Q彈有咬口！而飲品方面，推介Latte及柚子梳打，梳打飲落酸酸甜甜，解膩一流。

Photo from Presslogic

Chung Chun Rice Hot Dog
地址：香港銅鑼灣禮頓道21-23號
營業時間：星期一至日 11:00至22:00

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel