download HolidaySmart 假期日常 app
電子麻雀枱於內地興起！網友嫌無晒洗牌樂趣！3代麻雀枱大比拼

電子麻雀枱於內地興起！網友嫌無晒洗牌樂趣！3代麻雀枱大比拼

時事熱話
By Jennifer on 01 Feb 2024
Digital Editor
今晚食乜餸：小二，嚟一碟花生！

農曆新年就要到了！每逢佳節，除了賞花、拜年外，打麻雀也是傳統活動之一。然而，今年有一個特別的現象引起網民的兩極反應：電子麻雀枱。這種新式的麻雀玩法，讓不少人感到激動和好奇，但也有些人認為這失去了傳統麻雀的靈魂。

農曆新年就要到了！每逢佳節，除了賞花、拜年外，打麻雀也是傳統活動之一。Photo from 《嚦咕嚦咕新年財》劇照

以往人們都會用實體麻雀枱打牌，4個人一起洗牌，然後將牌疊起，能一次性的疊牌往往都只有「麻雀高手」能做到，不過有人認為洗牌、疊牌太花時間，所以電動麻雀機出現了，省去人手洗牌、疊牌的過程，只要將麻雀推入中間的洞中，電動麻雀枱就會自動洗牌、疊牌，方便又快捷。

以往人們都會用實體麻雀枱打牌，4個人一起洗牌，然後將牌疊起Photo from 《嚦咕嚦咕新年財》劇照

電動麻雀機省去人手洗牌、疊牌的過程Photo from 淘寶

只要將麻雀推入中間的洞中，電動麻雀枱就會自動洗牌、疊牌，方便又快捷。Photo from 淘寶

不過現時人們已不滿足於電動洗麻雀，電動麻雀枱再進化成「電子麻雀枱」，連實體麻雀都節省了，只用電子螢幕與牌友打牌，也可以設置不同的玩法，加上沒有實體麻雀，不怕打牌時會製造燥音。

電動麻雀枱現時已十分流行Photo from 淘寶

內地出現最新的「電子麻雀枱」Photo from 抖音

只用電子螢幕與牌友打牌Photo from 抖音

可以設置不同的玩法Photo from 抖音

不過對於喜歡傳統麻雀的人來說，實體麻雀枱是他們最愛的。他們喜歡那種坐在一起，拿著牌，在桌上摸索的感覺。這種互動和親密性是電子麻雀無法取代的，和朋友一起洗牌、推牌，碰/槓時的手感正是實體麻雀的優勢。

對於喜歡傳統麻雀的人來說，實體麻雀枱是他們最愛的。他們喜歡那種坐在一起，拿著牌，在桌上摸索的感覺。Photo from 《家有喜事》劇照

網友認為洗牌等是打麻雀最大樂趣Photo from 抖音

然而，也有人支持電子麻雀枱的出現。他們認為這樣更方便且適合新手學習。在電子麻雀上，你可以隨時隨地玩，不再需要尋找人一起打牌。而且，部分電子麻雀內置了一些教學功能，可以幫助初學者快速上手，進一步提高他們的技巧。

電子麻雀枱會有各種提示，適合新手Photo from 抖音

除了麻雀枱，還有其他一些傳統遊戲也出現了電子版。例如，電子骰子和電子紙牌等。這些電子遊戲的出現，讓我們更容易和朋友一起玩遊戲，即使他們不在身邊。這樣，我們就可以隨時隨地享受遊戲的樂趣，而不需要特定的場地或時間。

電子麻雀枱還有「鬥地主」等其他遊戲Photo from 抖音

但有人認為這樣就失去與親戚好友一起享受打麻雀的樂趣，畢竟電子麻雀的話，只要大家都有線上，用手機也可以玩，但傳統麻雀枱才有的互動正是大家過年想要的。

有人認為這樣就失去與親戚好友一起享受打麻雀的樂趣Photo from 抖音

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

新年打麻雀計番詳盡教學！3分鐘學識食糊計番 自摸清一色對對糊係幾多番？

23 Jan 2024

新年打麻雀當然是必備節目，身邊總有識打牌之人，但計番食糊又不是大家都識！打麻雀唔計番邊好玩呢？雖然記者都知道大家打麻雀各有各規則，但如果你無規定的話，不妨參考下以下較大路嘅計番方法吧！

打麻雀前你要知！

1. 第一步就是要規定「幾多番起糊」，普遍玩法都是三番起糊，所以要注意打三番起糊的話，未夠三番之下的雞糊，即是食詐糊。另外玩家可以於開局前，自訂上限番數，8番或10番都得，亦可以不設上限番數。

2. 打牌前要認識下麻雀牌：由萬子、索子、筒子連續三張數字牌組成嘅叫「順子」；由三張同樣嘅牌組成嘅叫「刻子」；東、南、西、北、中、發、白呢7隻牌叫「番子」。

【一番】

1.正花

按照大家嘅坐位摸到對應嘅花牌一隻計一番，摸到兩隻計兩番。Photo from PressLogic

一副麻雀有8隻花牌：「春、夏、秋、冬」同「梅、蘭、菊、竹」。各個坐位會有對應嘅花牌，東位對應嘅正花係「春」同「梅」，喺牌嘅角落會刻住「1」；南位正花係「夏」同「蘭」，角落會刻住「2」； 西位係「秋」同「菊」，角落會刻住「3」； 北位就係「冬」同「竹」，角落會刻住「4」。按照大家嘅坐位摸到對應嘅花牌一隻計一番，摸到兩隻計兩番。

2. 無花

從開局到食糊，一隻花牌都無摸到，同樣會計一番㗎！Photo from PressLogic

摸到正花有一番，如果從開局到食糊，一隻花牌都無摸到，同樣會計一番㗎！

3. 圈風牌／門風牌

打麻雀第一圈叫東圈，第二圈係南圈，第三圈係西圈，第四圈係北圈。玩家喺東圈，碰或者槓咗東，會加一番，即係「圈風牌」。

坐南位嘅玩家，碰或槓咗南，都會會加一番，亦即係「門風牌」。

舉個例，如果喺東圈，東位玩家碰或者槓咗東，同時集齊「圈風牌」同埋「門風牌」，計埋有兩番㗎！

4. 門前清

食糊前係無碰、上或槓過牌，成副牌都係自己摸返嚟，就加一番。Photo from PressLogic

食糊前係無碰、上或槓過牌，成副牌都係自己摸返嚟，就加一番。不過留意，如會打有花牌嘅麻雀，一般都無得玩門前清。

5. 平糊

平糊全副牌都係順子，未曾碰過牌或無刻子而食糊Photo from PressLogic

全副牌都係順子，未曾碰過牌或無刻子而食糊，咁就有一番啦！

6. 自摸

即係自已摸食糊嗰隻牌返嚟，而唔係由人地打出。

7. 海底撈月

當出面只淨最後一隻牌，而你摸完呢隻牌就食到糊，咁即係「海底撈月」Photo from PressLogic

海底撈月最後隻牌必須由玩家自己摸返嚟，所以都係自摸嘅一種，另計自摸一番Photo from PressLogic

當出面只淨最後一隻牌，而你摸完呢隻牌就食到糊，咁即係「海底撈月」！海底撈月最後隻牌必須由玩家自己摸返嚟，所以都係自摸嘅一種，另計自摸一番，一共兩番！

8. 三元牌

「中」、「發」、「白板」。糊牌入面有其中一元嘅碰牌或者刻子都會加一番Photo from PressLogic

即係「中」、「發」、「白板」。糊牌入面有其中一元嘅碰牌或者刻子都會加一番～

9. 槓上自摸

槓上自摸玩家明槓、暗槓、加槓後需再摸牌，摸返嚟隻牌可以食糊，咁就加一番Photo from PressLogic

當玩家明槓、暗槓、加槓後需再摸牌，摸返嚟隻牌可以食糊，咁就加一番！連埋自摸嘅一番，等於兩番啦！

【兩番】

1. 一台花

集齊「梅、蘭、菊、竹」或「春、夏、秋、冬」一套牌，即「一台花」Photo from PressLogic

玩家集齊「梅、蘭、菊、竹」或「春、夏、秋、冬」一套牌，即「一台花」，會加兩番！

【三番】

1. 花糊

花糊集齊8隻花牌中嘅7隻，已經有三番㗎啦Photo from PressLogic

成功摸到最後一隻花牌，集齊8隻花牌，即食「大花糊」Photo from PressLogic

集齊8隻花牌中嘅7隻，已經有三番㗎啦！玩家可以即刻食糊，咁就計3番。如果唔食糊，可以繼續打牌。成功摸到最後一隻花牌，集齊8隻花牌，即食「大花糊」！係計上限番數嘅。

2. 混一色

混一色食糊嘅牌中除咗「東、南、西、北、中、發、白板」呢7隻牌，其餘需全部為同一花色Photo from PressLogic

食糊嘅牌中除咗「東、南、西、北、中、發、白板」呢7隻牌，其餘需全部為同一花色，即萬子、筒子、索子，計三番。

3. 對對糊

對對糊中除咗一對眼外，有4對碰牌、刻子Photo from PressLogic

糊牌中除咗一對眼外，有4對碰牌、刻子，計三番。

【五番】

1. 小三元

小三元集齊「中、發、白板」，組成兩對刻子同一對眼Photo from PressLogic

集齊「中、發、白板」，組成兩對刻子同一對眼，計五番，三元牌嘅番數唔再另外加。

【六番】

1. 小四喜

小四喜集齊「東、南、西、北」，組成三對刻子同一對眼Photo from PressLogic

集齊「東、南、西、北」，組成三對刻子同一對眼。

【七番】

1. 清一色

清一色成副牌只得同一隻花色，即萬子、筒子、索子，無「東、南、西、北、中、發、白板」Photo from PressLogic

成副牌只得同一隻花色，即萬子、筒子、索子，無「東、南、西、北、中、發、白板」，計7番㗎！

【八番】
*玩家可以喺開局前自訂上限番數，8番或10番都得，亦可以不設上限番數～玩到盡！

1. 槓上槓自摸

連續2次明槓、暗槓之後再自摸。若玩家喺其中一次補摸牌後摸到花牌，需補牌先食到糊，咁唔算「槓上槓自摸」Photo from PressLogic

連續2次明槓、暗槓之後再自摸。若玩家喺其中一次補摸牌後摸到花牌，需補牌先食到糊，咁唔算「槓上槓自摸」，只係計一番嘅「槓上自摸」。

2. 大三元

大三元集齊晒「中、發、白板」三對刻子Photo from PressLogic

集齊晒「中、發、白板」三對刻子。

3. 坎坎胡

刻刻糊有4對刻子同一對眼，唔可以碰牌，唔可以槓牌Photo from PressLogic

副牌有4對刻子同一對眼，唔可以碰牌，唔可以槓牌，成副牌都要由玩家自已摸番嚟，計八番～

【十番】

1. 字一色

字一色都係由「東、南、西、北、中、發、白板」組成。Photo from PressLogic

全副糊牌都係由「東、南、西、北、中、發、白板」組成。

2. 九子連環

九子連環集齊其中一種花色，即萬子、筒子、索子嘅「1112345678999」Photo from PressLogic

集齊其中一種花色，即萬子、筒子、索子嘅「1112345678999」，再加一隻同一花色嘅牌。

3. 清么九（清么／么九）

清么九（清么／么九）全副糊牌只有「一」同「九」Photo from PressLogic

全副糊牌只有「一」同「九」，一對眼都要係「一」或「九」嘅牌。

【十三番】

1. 十三么

十三么集齊「一萬、九萬、一索、九索、一筒、九筒、東、南、西、北、中、發、白板」，再加其中一隻牌組成一對眼Photo from PressLogic

集齊「一萬、九萬、一索、九索、一筒、九筒、東、南、西、北、中、發、白板」，再加其中一隻牌組成一對眼。每一隻都要玩家自己摸返嚟，十三么亦係唯一可以搶其他玩家暗槓嘅牌。

2. 大四喜

大四喜集齊「東、南、西、北」四組刻子，再加一對眼。Photo from PressLogic

集齊「東、南、西、北」四組刻子，再加一對眼。

3. 十八羅漢

槓四組牌再加一對眼，成副糊牌共18隻牌，所以叫「十八羅漢」。

4. 天糊

天糊即一開局就食糊，天糊即使係雞糊都可以食，補完花都可以食。不過只有做莊先食得到Photo from PressLogic

天糊即一開局就食糊，天糊即使係雞糊都可以食，補完花都可以食。不過只有做莊先食得到，因為一開局得莊先會有14隻牌，其餘玩家得13隻牌。

5. 地糊

食由莊家打出嘅第一隻牌。Photo from PressLogic

地糊Photo from PressLogic

即食由莊家打出嘅第一隻牌。

如果無正花、圈風牌、門風牌，自摸清一色對對糊就係計：清一色七番，對對糊三番，再加埋自摸多一番，合共即十一番喇！

學識計番，新年打牌就更開心啦！坐邊原來都好講究㗎喎！小編俾3個貼士大家參考下～

1. 背向牆壁

背脊要布靠山，所以最好唔好背向門、窗，背牆就最好。

2. 面向大門

背對大門就會「送財神」，所以最好就面向大門「迎財神」啦！

3. 唔好坐喺橫樑下

橫樑壓住會令偏財運弱，不利打牌贏錢。

學識今個新年就可以大殺四方！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話麻雀新年2024農曆新年2024