打卡熱點！藍白鯨魚 X 優閒風 台北《餵我早餐》多款平價西式早餐 餵我～餵我～

台灣周街都係早餐店就出曬名㗎喇～但係一般都係一啲舊式嘅店為主。尼間位於台北大安區，以藍白色調同鯨魚為主題嘅時髦早餐店，新開張第一日已經大排長龍。首先，店名已經夠曬吸引喇，《餵我早餐》～餵我餵我～好口愛喔！裝修美美的，而且價錢一貫台灣作風，咩呀？平囉！親民囉！

Photo from 餵我早餐FB專頁

尼間叫做《餵我早餐The Whale》，點解會咁得意叫《餵我》呢？係因為佢地英文名叫《The Whale》，同中文嘅『餵我』發音相似，所以就生成尼個咁qq嘅名喇！首先講下佢個環境先，以藍白色為主題，明亮又簡潔，簡直係為週末而設，嘆翻個早餐先～夠曬疏乎！餐桌餐椅亦係以輕盈同優閒為主，淺木系同白色嘅配搭。

Photo from 餵我早餐FB專頁

打卡熱點有以下尼兩個位。

Photo from 餵我早餐FB專頁

除咗一幅牆咁影，都可以試下打斜角影㗎！

Photo from 餵我早餐FB專頁

早餐方面，佢有賣多款西式早餐，例如，三文治、沙律、煎蛋捲等等。用佢啲signature藍色碟呈上。

Photo from 餵我早餐FB專頁

佢起啲名都好搞笑㗎！下面尼個就叫做美國人吃的What Americans Eat。有啲似個啲總匯三文治，鍾意食肉嘅朋友記得試下喇！三文治售價為台幣120蚊一個（約HK$30）。

Photo from 餵我早餐FB專頁

仲有，點少得女士最愛嘅牛油果多士呀！尼個酪梨水波蛋Avocado & Poached Egg，仲配埋沙律添！鍾情牛油果嘅你，一定唔可以錯過喇！

Photo from 餵我早餐FB專頁

除咗三文治，仲有輕便沙律可以選擇，啱曬輕食派女生喇！下面個個就係培根野蔬佐蜂蜜芥末醬Bacon Honey Mustard喇！台幣80蚊（約HK$40）就有一個喇，香港食個沙律都近一百蚊喇。

Photo from 餵我早餐FB專頁

西式早餐店一定唔少得嘅，就係All Day Breakfast喇！份量大，可以比男仔陪女朋友去打卡嘅時候食呀，咁就唔驚唔夠飽喇！尼個就叫做經典美式大早餐組合Classic Big Breakfast。嫌佢唔夠食，仲可以加配材料添㗎，有幾大份，切到幾大份！台幣$260（約HK$65），仲奉送野飲添！

Photo from 餵我早餐FB專頁

另外，佢亦有售賣一啲自家設計嘅周邊商品，上面印有佢地logo同鯨魚仔，好得意㗎！

cap帽

Photo from 餵我早餐FB專頁

馬克杯

Photo from 餵我早餐FB專頁

講真，就算唔食都可以去門口影下相喇，去旅行唔係唔去下打卡呀！

Photo from 餵我早餐FB專頁

餵我早餐
地址：台北大安區建國南路二段11巷28號（捷運大安站出口2，步行約5分鐘）
電話：0227003658
營業時間：8:00-16：00

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載