Chris保釋被拒需還押！李龍基痛哭自責，爆未婚妻逾期居留原因
李龍基嘅未婚妻王青霞（Chris）是非接二連三，昨日被揭涉嫌逾期居留，遭入境處扣留調查，今日（2月20日）於沙田裁判法院提堂，Chris保釋被拒需還押。李龍基受訪時亦忍唔住哽咽，又痛心未婚妻違法都係為咗佢。
未婚妻被捕，有傳媒聯絡到李龍基，佢正於廣州工作，基哥透露搵咗律師謝偉俊幫手，又指因為工作未能陪伴Chris上庭，佢表示完全唔知Chirs逾期居留，基哥指2019年爆發疫情時，由於出入境受到限制，Chris為了照顧他而留港，又指自己以為未婚妻已經以「優才計劃」留港，唔知「原來未批」。
問到驚唔驚未婚妻Chris會入獄，基哥稱唔係驚，係擔心，並希望Chris可以保釋。佢更忍唔住痛哭，表明一定會支持Chris，又心痛對方成日收收埋埋，咩都唔講：「可能怕我擔心佢，唔畀我同佢分擔。」
之前Chris連還被爆「黑歷史」，李龍基都不離不棄，今次未婚妻被捕，基哥依然甘願守候對方，又表示對Chris嘅結婚承諾一定唔會變。
基哥又自責Chris逾期居留都係為咗佢，因為當時疫情爆發，可能Chris驚要由內地來港要隔離21日，基哥猜測Chris為咗可以陪住佢先會逾期居留：「佢唔捨得離開我。」又心痛指未婚妻將難處收收埋埋，唔同佢講，結果就逾期居留3年。
今早（2月20日）Chris被控逾期居留等6項罪名，律師為佢申請保釋但遭法官拒絕，需繼續還押，案件押後至6月，保釋覆核申請則需到2月28日，即係Chris至少仍需羈留8日。
根據本港法例，逾期居留者通常會被遣送離境，最高可面臨監禁2年和罰款5萬元嘅處罰。李龍基表示自己可以同Chris定居內地。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
李龍基未婚妻Chris涉逾期居留被調查！曾稱經優才計劃來港
19 Feb 2024
李龍基未婚妻王青霞（Chris）早前被指假學歷、買淘寶畫、借錢不還、與多名男子關係複雜等，但基哥都對佢不離不棄，Chris亦堅決否認有關指控。有消息指Chris涉嫌逾期居留，被入境處調查！
李龍基同未婚妻Chris經常公開大晒恩愛，之前基哥就澄清未有將7層物業過畀Chris，而Chris亦狂晒證書、學費單等資料，力證自己家境富裕，從小接受精英教育，更曾喺常春藤等多間大學就讀。
不過Chris公開嘅證書卻被網民發現有唔少問題，包括姓名唔同、資料與學校官方證書有出入、甚至串錯字，令人質疑佢學歷嘅真實性。由於Chris曾表示自己係透過優才計劃來港，唔少網民指佢提供嘅證書錯漏百出，如果都獲得香港身份證，擔心政府機構被騙。
有「熱心市民」經電郵等向政府部門查詢，之前都未有任何回應，而Chris亦堅稱自己學歷無問題，更稱已尋求法律意見，李龍基都出面力撐，同Chris一齊出席公開活動，以及接受訪問明言唔介意Chris嘅過去。
估唔到事情峰迴路轉，今日（2月19日）有消息指Chris涉嫌逾期居留1,000日，正被入境處調查！入境處資料指出：「根據香港法例《入境條例》(第115章)第41條，任何人違反對他有效的逗留條件，即屬犯罪，經定罪後，最高可判罰款港幣五萬元及監禁兩年。」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
