【銅鑼灣新開麻糬刨冰】超過50款！必食D24榴槤＋焦糖燉蛋＋芒果糯米飯口味

Reporter / Anchor

Silver Tang是HolidaySmart 假期日常的資深記者，目前邁入foodie玩樂人生第4年，同時體重亦增長了4倍。雖然外表肥肥白白，但個性外向，作為ENFP仔熱愛攀山涉水，喜歡瓹窿瓹罅揾好西，希望帶香港人玩到盡、食到盡。 silver.tang@presslogic.com

想食刨冰又想食麻糬？貪心的甜品控必去銅鑼灣新開的麻糬刨冰甜品店，主打多款冰品，包括刨冰、炒冰同冰杯及中式糖水等。人氣爆燈有D24榴槤刨冰、芒果糯米飯刨冰及芋泥，還加了煙韌的鮮奶麻糬，足料又豐富，款式眾多必有一款滿足到你口味！即睇地址！

銅鑼灣新開麻糬刨冰

銅鑼灣有一間麻糬刨冰甜品店新登場，設大量堂食位，但每到下午茶時段就會滿座，新開張不久已受到附近的上班族及街坊歡迎！店家主打冰品甜品，提供近50款味道，價錢由$32至$69不等，包括刨冰、炒冰同冰杯及中式糖水等，其中更有多款創意口味，如焦糖布甸、芒果糯米飯及法式燉蛋等。

Photo from Presslogic

人氣爆燈有D24榴槤刨冰，加上一大球榴槤蓉、軟糯小丸子及奶香味濃的麻糬，入囗齒頰留香又帶有麻糬煙韌口味，一次過有雙重口味，榴槤控必食！

Photo from Presslogic

泰式芒果糯米飯刨冰配上粒粒芒果，帶濃郁的椰子奶蓋及充滿口感的糯米飯，刨冰食落細滑冰爽又有多層口感。法式焦糖刨冰是另一個不可錯過的選擇，焦糖香甜滑順，再加上曲奇餅碎，更添口感的層次。

Photo from Presslogic

店家推介香甜的芋泥炒冰，炒冰的口感柔軟綿密，搭配上芋泥和麻糬十分搭配！另外，楊枝甘露炒冰也很推介，粒粒芒果搭配香甜的芒果冰，再加上煙韌麻糬，賣相打卡一流。記者推介焦糖嫩蛋冰杯，同樣享受到焦糖的香甜和嫩滑口感，但杯裝更加方便，份量也十分澎湃。

Photo from Presslogic

此外，這家甜品店還提供中式糖水，如絲滑雙皮奶、芋泥豆腐花及腰果糊等；而麻糬控也可試不同麻糬特飲，如D24榴槤麻糬凍飲、石榴皇麻糬凍飲、楊枝甘露麻糬凍飲、茉莉麻糬奶茶等。

Icegreen 氷舍
地址：銅鑼灣謝斐道520號地舖
營業時間：星期一至日 15:00至23:00
電話：94593498

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel