古天樂被直擊低調赴泰拜四面佛 還願捐6隻金象+請8個舞者獻舞超誠心！
Photo from 古天樂IG
早前元宵節（24日）正好是佛日，而當天古天樂就被網民捕抓到專程到泰國拜四面佛還神。照片中可見，當日古天樂穿著黑衣黑口罩十分低調的跪在佛壇前跪拜還神，看到現場有民眾圍觀，他亦有暖心揮手回應。
Photo from 小紅書
Photo from 小紅書
Photo from 小紅書
據網友表示，古天樂當日請了8位舞者獻舞，還捐了6頭上面寫上「古天樂」名字的金象還願，用以酬神答謝神恩。而翻查資料得知一隻金色大象須6萬泰銖（約港幣$13100），6隻則需360000泰銖（約港幣$78400），加上舞者獻舞，估計古天樂此次還願花費近十萬！
Photo from 小紅書
Photo from 小紅書
另外據知泰國四面佛在圈中出名靈驗，除古天樂外有傳梁朝偉、謝霆鋒、張柏芝等都是四面佛的信徒。早年就有傳聞指張柏芝曾經在謝霆鋒以《線人》首次入圍香港電影金像獎時，在頒獎前帶一家人去泰國拜四面佛求得獎，最後謝霆鋒如願稱帝。
Photo from 古天樂IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
尋秦記電影版｜主演22年對比照！古天樂依然型爆、雪兒久違復出
23 Feb 2023
TVB經典劇集《尋秦記》係唔少人嘅「童年回憶」，續集電影2019年宣佈開拍，當時引起好多人期待。《尋秦記》電影版由原班人馬出演，相隔20年幾位主演古天樂、林峯、宣萱、郭羨妮、滕麗名同雪兒都有唔同嘅變化！
古天樂染白髮依然型爆
《尋秦記》係古天樂喺TVB嘅最後一部電視劇，佢飾演嘅「項少龍」於劇中十分受歡迎，幾位女角都中意佢，而古天樂嘅魅力使佢演呢個角色一啲都唔違和。之前受訪時古天樂就透露劇中好多搞笑嘅對白其實都係佢自己度出嚟。
22年前：
事隔20年，向來keep得超好嘅古天樂幾乎無乜變化，今次項少龍染咗白頭髮，同「徒弟」嬴政一齊嘅戲份令人秒回劇集版《尋秦記》！近年古天樂為支持港產片不違餘力，《尋秦記》電影版亦係佢嘅電影公司出品，未上映已備受期待。
22年後：
林峯留鬚演繹霸氣秦始皇嬴政
飾演「趙盤/嬴政」，當年佢只得21歲，但一人分飾兩角嘅佢演出由普通平民到野心勃勃、心狠手辣嘅一代君王，令人印下深刻印象。當時嘅林峯樣子青澀，但兇狠嘅眼神非常霸氣。
22年前：
現年43歲嘅林峯已結婚為人父，佢早年獲譽為「Chok王」，依家嘅佢成熟咗好多，喺《尋秦記》電影版佢全程留鬚，演繹秦始皇嬴政嘅霸氣對佢嚟講都無難度。
22年後：
宣萱化老妝
宣萱飾演烏家堡大小姐「烏廷芳」當年拍攝時係30歲，佢同古天樂飾演嘅項少龍係鬥氣冤家，宣萱喺《尋秦記》有一幕咬住玫瑰跳舞非常驚艷！
22年前：
現年52歲嘅佢再演烏廷芳都無咩違和感，因為電影版背景係劇集版後，因此宣萱飾演烏嘅烏廷芳亦有化老妝。
22年後：
郭羨妮瘦咗唔少
郭羨妮飾演嘅「琴清」係才女，因為同項少龍嘅現代女朋友一樣樣，項少龍對佢一見鍾情。琴清清麗脫俗，常以白衣出現，氣質極佳，郭羨妮雖然係中英混血兒，但出演古裝劇卻毫無違和感。
22年前：
現年48歲嘅郭羨妮已淡出影視圈多年，與內地動作導演朱少傑結婚後專心相夫教女，今次係佢事隔多年再次主演電影，從《尋秦記》電影版預告中可見郭羨妮瘦咗好多。
22年後：
滕麗名幾乎零變化
出演「善柔」一角時滕麗名年僅24歲，對比起烏廷芳、琴清，善柔更爽朗，喺劇中亦以英姿颯爽嘅中性打扮出現為主。
22年前：
現年47歲嘅滕麗名仍活躍於電視圈，佢主演《愛·回家之開心速遞》亦十分入屋，喺《尋秦記》電影版中造型女性化不少。
22年後：
雪兒淡出娛樂圈後久違復出！
飾演趙國公主趙倩嘅雪兒同樣係一名混血兒，佢嘅角色楚楚可憐，於劇中被連晉滅口更令唔少觀眾大感可惜。
22年前：
現年47歲嘅雪兒與英籍老公結婚後淡出娛樂圈多年，2017年佢為報古天樂和葉偉信往日提攜之恩而復出客串電影，喺《尋秦記》電影版預告中未有出場，但佢參演嘅消息已令人期待不已！
22年後：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
