Chris自稱為名牌設計筷子！大小姐收禮片曝光揭疑是A貨

娛樂新聞

By Jennifer on 28 Feb 2024

Digital Editor

今晚食乜餸：小二，嚟一碟花生！

李龍基未婚妻王青霞（Chris）最近被控逾期居留等6項罪名，近日麥玲玲大爆之前收過Chris所送自稱係名牌嘅禮物，但卻疑似係淘寶貨，而Chris送禮畀大小姐林淑敏嘅影片再引關注，片中嘅名牌筷子被揭疑似A貨，真實售價曝光！

Photo from Chris IG

Chris之前公開嘅證書被網民搵出唔少錯漏，令外界質疑佢學歷造假、用假證書。而佢早前更因逾期居留、涉虛假文書等6項罪名被捕，目前正在大欖女懲教所羈押。似乎亦印證佢證書造假係真有其事。

Photo from Chris IG

堪輿學家麥玲玲近日更大爆曾經收到Chris送嘅所謂國際品牌禮物，更表示係佢個人設計嚟。玲玲師傅就話：「咁你唔會質疑人㗎嘛！都係一份心意。」不過佢亦坦言收禮後感到疑惑，又表示自己成日行街，點會唔知啲款式。事實上麥玲玲身家豐厚，出入都拎Hermès手袋，對奢侈品牌好有認識。

Photo from ViuTV

有網民則指「大小姐」林淑敏原來都係「受害者」之一，大小姐嘅小紅書就分享過影片，片中Chris向大小姐送上Tiffany & Co.嘅筷子禮盒，並表示：「希望你過快樂嘅日子，筷子筷子，快樂過日子。」佢更指筷子係紀念版嚟，而大小姐則回應：「下次唔好咁嘥錢啦！」Chris爽快道：「「小事啫，希望你食飯用到佢！」

Photo from 林淑敏小紅書

影片係2022年公開，估唔到兩年後因為麥玲玲嘅訪問片段而令呢份禮物再掀關注！翻查Tiffany & Co.嘅官方網站，餐具未見有筷子出售，外國購物網站雖然見到有Tiffany Chopsticks，但禮盒中只有一對筷子，同Chris所送嘅10對筷子禮盒唔同。

Photo from eBay

Photo from 林淑敏小紅書

淘寶網則有唔少相似嘅產品，可以4對、6對、10對筷子組合出售，其中「10雙禮盒裝」最平嘅只售46.5人民幣，有網民質疑Chris所送嘅筷子並非Tiffany真品，而係淘寶嘅A貨。麥玲玲亦寸爆表示可能Chris認知嘅國際品牌喺淘寶有的賣。

Photo from 淘寶網

最近李龍基現身探Chris時身上所著嘅「CEILNE」上衣亦引起外界質疑，認為他係著A貨，李龍基則表示件衫只係平價品牌，又唔係直接抄「Celine」，認為無問題。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

麥玲玲批李龍基今年犯太歲爆曾收Chris奢侈禮物？！

23 Feb 2024

李龍基的未婚妻王青霞（Chris）近日因涉在港逾期居留被拘留，目前在大欖懲教所還押，事件成為近日港人熱議話題。而昨日（22日）麥玲玲出席活動時亦有談及此事，不僅批名指李龍基今年犯太歲，更爆出原來與Chris聚會有見過面，並曾收對方不少奢侈禮物？！

Photo from Viu TV 截圖

堪輿大師麥玲玲昨日（22日）出席某乳酪品牌活動，接受訪問期間不免被問及今年娛樂圈的運程，對此她就指出今年娛樂圈相當「論盡」，提到今年不論歌星、主持還是整個娛樂圈或電影圈都會有不少的是非。當中她亦有提到太歲問題稱：「因為太歲係姓李啦，叫李誠阿，所以姓李都係犯太歲。龍年啦，有個龍字又犯太歲！」，回答不禁讓人聯想到近日未婚妻被拘留，煩心事纏身的李龍基！