各國特殊禁忌公開！入鄉隨俗免違規！唔比著人字拖/禁出奇蛋入境

去旅行要入鄉隨俗，了解不同國家的文化和習俗，世界各地也一些奇怪的禁令，在旅行前，了解當地禁令是很重要的，以避免觸犯法例或其他不便。快來看看這些奇怪的禁令吧！

Photo from 《原諒他77次》劇照

1. 卡布里島—禁止穿人字拖

卡布里島（Capri）是位於意大利南部的小島，因其美麗的海灘而聞名。然而，這裡禁止人們穿著人字拖鞋。原因是當地人重視和平與安靜，所以穿上會在地上「撻撻聲」的人字拖鞋是違規的，如果你計劃去卡布里島度假，記得換上其他合適的鞋子喔！

Photo from 陳冠希微博

Photo from 香港足脊檢查中心

2. 美國—禁止進口健達出奇蛋

美國對食品進口有一些嚴格的管制措施。其中一個比較奇怪的禁令是禁止進口健達出奇蛋。這種零食在其他國家非常受歡迎，但在美國卻被列為禁止進口物品。這是因為美國法例禁止食品包裹非營養物質，而藏在出奇蛋內的玩具被認定是非營養物質，因此攜帶入境也屬違法。

Photo from PressLogic

睇更多人氣文章：
日本最受歡迎10大主題樂園！遊客+當地人投票，東京迪士尼只排第3
旅客登機後肚痛頻去廁所 竟被航空公司一理由趕落機 兼不獲安排另班機+住宿？！

Photo from The Times

3. 泰國—禁止電子煙

近年來，電子煙變得越來越流行。然而，在泰國，持有或使用電子煙可能會讓你陷入麻煩之中。泰國政府對電子煙實施了嚴格的管制措施，禁止其進口和銷售。如果你計劃去泰國旅遊，記得不要攜帶或使用電子煙，以免違法。

Photo from PressLogic

4. 新加坡—禁止口香糖、電子煙

新加坡同樣不允許電子煙進口和銷售，除了電子煙外，新加坡自1992年起實施口香糖禁令，雖然2004年起允許食用療法用途和治療牙科疾病的口香糖，但大家切勿帶口香糖入境。

Photo from The Guardian

事實上，每個國家都有自己的文化和法律制度，這些奇怪的禁令正是其中一部分。無論我們是否理解或同意這些禁令，作為訪問者，我們應該尊重當地的風俗和法律。

Photo from 《ID精英》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本旅遊｜12大禁忌必睇！入鄉隨俗免出事，紋身不可浸溫泉？

20 Apr 2023

日本開關後唔少香港人都陸續買咗機票「返鄉下」，不過入鄉隨俗，大家封旅行之前都要留意下當地嘅一啲注意事項，以免犯咗禁忌～以下呢12大禁忌可以作為參考，都係對當地人嘅尊重。

Photo from HolidaySmart

1. 唔可以一邊行一邊食嘢

香港有唔少街頭小食，好多時喺街都會見到有人邊行邊食，但呢個行為喺日本卻係十分失禮。好彩喺疫情期間都少咗人會邊行路邊食嘢，喺日本部分地方邊行邊食甚至會被罰款！

2. 喺交通工具上唔可以傾電話

日本人搭地鐵等交通工具時多數都會將手機較靜音，雖然旅客搭交通工具打電話嘅情況唔多，但大聲交談同樣都非常失禮，大家喺日本搭地鐵時記得保持安靜，將手機較成靜音，以免whatsapp等會發出聲響～

3. 除鞋後，整理好鞋子並將鞋尖向外擺放

日本有好多餐廳都有榻榻米，會要求食客除鞋入內，大家除鞋之後要將一對鞋子擺放整齊，鞋尖向外。

4. 唔好影到路人嘅樣

日本十分重視個人私隱，即使係電視節目都唔會隨便公開市民嘅樣，所以去旅行景點影相時盡量避免將路人拍攝入鏡，以免會令對方感到不快。

5. 搭扶手電梯時企位要注意

喺香港大部分人搭扶手電梯都會企喺右手邊，空出左邊畀人行上去，但日本唔同地方有唔同嘅規矩，大家到時不妨留意一下當地人嘅做法。

6. 結帳時唔好直接將錢放喺店員手上

日本嘅收銀台好多時都會提供一個碟，等顧客將金錢放喺碟上，直接咁畀錢店員反而係一種失禮嘅行為。

即睇更多人氣文章：
26歲女追求71歲老伯，婚後為對方誕下一子！忘年戀夫妻近況公開
內地女模周韋彤拍片自爆整容失敗 直認愈整愈差好後悔 坦言整容毁一生

7. 不可用筷子互傳食物

點樣用筷子喺香港都有好多禁忌，其中好多人分享食物時會用筷子傳遞，呢個行為喺日本要小心，用筷子夾別人筷子上嘅食物喺日本非常不吉，但以筷子分食物就無問題。

8. 壽司一定要一口食晒

日本嘅壽司都係做成一口大小，一啖食晒即可感受到食材同飯結合嘅精粹，因此如果將一舊壽司分開食就唔夠尊重師傅。

9. 食拉麵盡量唔好咬斷麵條

好多人都覺得去日本食拉麵要吸出聲先係對師傅嘅尊重，其實日本人食拉麵時都習慣唔會咬斷啲麵，曾經有人咬斷拉麵而喺網上引起日本網友唔滿。

10. 注意垃圾分類

日本係注重垃圾分類嘅國家，所以大家去觀光時記得留意返街上嘅垃圾桶類別，唔好亂咁掉垃圾入去！

11. 有紋身嘅人士唔可以浸溫泉

喺日本有啲地方會寫明有紋身嘅人士唔可以入內，大家要小心，呢個算係日本嘅傳統，不過近年已有部分嘅店家會出售膠布，有紋身嘅人士可以買嚟遮住身上嘅紋身。

12. 唔可以包住浴巾浸溫泉

喺日本浸溫泉都係唔可以圍浴巾、著泳衣，店家大數會提供一大一細2條毛巾，細毛巾係用嚟抹臉、大毛巾係用嚟抹乾身上嘅水珠之用。

相關文章：盤點7個關於飛機的冷知識！座位上方三角形標誌有隱藏含義/高空下會影響味蕾？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）