kayan9896被試當真取消關注！大方認愛富三代馬桂烽，讚男友細心

By Jennifer on 06 Mar 2024

Digital Editor

今晚食乜餸：小二，嚟一碟花生！

近日吳家忻（kayan9896）被爆料與富三代馬桂烽拍拖，同時有網民發現kayan9896所屬的YouTube頻道「試當真」取消了對她的關注，這一舉動引起了廣大粉絲的討論和猜測。

kayan9896於2020年出演「試當真」的影片後掀起熱議，之後更簽約成試當真的藝員，她除了出演YouTube短片外，更參與試當真MC $oHo和KidNey的歌曲《係咁先啦》，近年她推出多首個人單曲，正式在樂壇發展。

Photo from kayan9896@IG

kayan9896在2021年9月公開戀情，對方是試當真常駐成員林家熙（Locker），昔兩人相戀一年多後於2023年分手。近日有網民發現試當真IG取消關注kayan9896，而kayan9896則仍有追蹤試當真，而且IG簡介也保留了試當真的工作聯絡電郵。

Photo from Locker IG

Photo from 試當真IG

Photo from kayan9896 IG

而「試當真」老闆游學修之前在Threads中表示：「我呢種傻仔好易呃，同我傾生意，氹得掂我就好著數，好易搵我笨，我唔識計的」，似有所指，這也使得粉絲們更加好奇是否與unfollow kayan9896有關。

與Locker分手一年的kayan9896近日被爆新戀情，她被拍到與富三代馬桂烽逛街，兩人舉止親密。馬桂烽母親是「Ball后」薛芷倫，父親則是大生地產發展主席及行政總裁馬清偉，家境十分富裕。

Photo from 薛芷倫微博

kayan9896出席公開活動時大方承認戀情，坦言與馬桂烽交往已有半年之久，並稱對方是她的情緒支援者，大讚男友對她很好、細心又sweet，兩人互相支持成長。此外，她還透露男友已見過她的媽媽，並且獲得了正面評價。情人節也收到男友送的鮮花，但她表示暫時沒有結婚的打算，因為目前忙於籌備個人音樂會。

Photo from ViuTV

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Kayan Locker 數月未有互動，傳已分手兩個月兼被好友撬牆腳？

7 Feb 2023

試當真女神kayan9896（吳家忻）2021年同MC $oHo（蘇豪）、KidNey（許賢）合唱《係咁先啦》爆紅而為人熟悉，而成員之一的林家熙（Locker）16年因為拍攝電影《點五步》正式入行，2020年再加入「試當真」為固定成員之一，二人2020年於試當真影片《唔通佢有男朋友》而認識繼而擦出愛火，並於2021年正式公開戀情至今，但近日就有網民指出，原來kayan同Locker經已分手，而且分手原因仲因為有第三者？

Photo from kayan9896@IG

2021年公開認愛

其實早於兩人公開認愛前，有網民一早已經爆出二人在外拖手的合照，傳出早就撻著半年，而敢愛敢恨嘅Kayan都早已在訪問時表示：「喺街見到我拖住嗰個就係嗰個，想將感情事低調啲。」間接默認戀情，相反Locker就一直閃閃縮縮，雖然曾於試當真影片中高呼：「我鍾意kayan9896！」但其後又指：「絕對冇能力私有化Jeannie，只係大家了解中，有食飯、去街，大家相處都舒服同啱傾，有發展空間。」但當時網民已經質疑Locker食女無數，對感情唔認真。但其後兩人開始於IG上放出Kayan身處Locker家中嘅照片，更毫不避諱地放出親密合照，間接公開戀情。

Photo from kayan9896@IG

成為廣告商新寵兒

而自從兩人公開戀情之後，開始好多廣告商搵佢哋情侶檔出席活動，甚至拍廣告，一齊密密搵真銀，當然kayan本人都深受各大品牌嘅廣告商歡迎，而且戀愛中嘅女人特別開朗自信，加上kayan本身開朗又爽直嘅性格令佢愈來愈受歡迎，而除咗情侶檔嘅廣告照片之外兩人私下都會不停放閃釋出外遊嘅合照，令到外界都認為佢哋嘅感情非常穩定。

Photo from locker_94@IG

Photo from kayan9896@IG

被爆二人無再互動

有網民就於連登討論區留言指出，兩人最後嘅合照已經係上年11月，直到今日都無再出現合照，而且以往分享嘅生活照中都會見到Locker家嘅愛貓花生，以及家居嘅環境照，但男方久未出現於自己嘅屋企，令人不禁產生疑問。而且以往兩人嘅IG互動頻密，幾乎kayan每次發文Locker都會秒速比讚，但自從12月開始就無再喺對方嘅IG上有所互動。

Photo from kayan9896@IG

網民聲稱見到Locker荷蘭攬女？

見到雙方無再互動，而kayan咁啱於1月叱咤頒獎禮後，便到泰國布吉出遊，有指佢係想出外療情傷，但由照片中可見就未有同行朋友，未知是否獨遊。而另一邊廂，Locker IG 就放出到荷蘭旅遊嘅照片，有網民就聲稱於荷蘭見到Locker攬住其他女仔，另外亦有網民發現指同一時間林千渟（原名林渟）亦身處荷蘭，而且照片中嘅地區亦跟Locker相同，懷疑二人係結伴同遊，而kayan同林千渟就因拍攝《#她和她的戀愛小動作》而成為好友，質疑kayan會唔會被好友撬牆腳，但同時亦有網民幫林千渟平反指佢有男朋友，而且其男友林卓彥其實都有一齊去荷蘭咁話。不過孰真孰假相信就只有佢哋自己先知了！