【旺角Cafe麻糬軟雪糕】好食又好睇、少女心滿滿！另推麻糬梳乎厘班戟

Reporter / Anchor

Silver Tang是HolidaySmart 假期日常的資深記者，目前邁入foodie玩樂人生第4年，同時體重亦增長了4倍。雖然外表肥肥白白，但個性外向，作為ENFP仔熱愛攀山涉水，喜歡瓹窿瓹罅揾好西，希望帶香港人玩到盡、食到盡。 silver.tang@presslogic.com

旺角掃街除了串燒、雞蛋仔及茶飲之外，最近再有新選擇！人氣Cafe「HeSheEat」旺角店推出打卡一流的麻糬軟雪糕筒，雖然暫時只供外賣，但一推出已吸引不少甜品控。另推介必食3月中推出新宇治抹茶口味雪糕，食落茶味濃郁又回甘，賣相少女心滿滿！

HeSheEat新出麻糬軟雪糕

人氣Cafe「HeSheEat」主打輕食、意粉及甜品等，最近新推出的麻糬軟雪糕筒，賣相充滿少女心，甜品控不要錯過！

原先記者以為此款麻糬軟雪糕筒「得個樣」，但一試有驚喜，軟雪糕披上一大片麻糬，配有原粒士多啤梨，賣相吸引已是不在話下！沒想到軟雪糕口感如此軟滑，再加上酸甜的士多啤梨及超煙韌的麻糬，口感層次豐富，實屬推介之選！

軟雪糕的口味暫時是比利時朱古力，食落濃郁醇香；去到3月中，軟雪糕口味就會轉宇治抹茶，茶味濃郁又回甘。

提提大家，麻糬軟雪糕筒只限旺角分店有售並暫時只做外賣！

Photo from Presslogic

麻糬系列中另推介人氣「士多啤梨麻糬梳乎厘班戟」，即叫即製的梳乎厘班戟，加上士多啤梨雪糕及披上一大片麻糬，再加上原粒士多啤梨點綴，賣相同樣打卡一流！味道方面，梳乎厘班戟食落軟綿又空氣感十足，酸甜士多啤梨雪糕和煙韌麻糬十分搭配，冰火交融的口感，十分邪惡！

Photo from Presslogic

甜品控也不要錯過牛角包軟雪糕，「牛角包 x 特濃5.0牛乳軟雪糕」有齊5.0牛乳味、比利時朱古力及宇治抹茶味，鬆軟又帶牛油香的牛角包裝滿綿滑的雪糕，每啖都食到雙重口感。牛奶味是選用特濃5.0牛乳，奶香味突出；比利時朱古力及宇治抹茶味食落濃郁！

Photo from Presslogic

HeSheEat 旺角店
地址 : 奶路臣街17號The Forest 地面G6號舖
營業時間：星期一至日 11:30至23:00
電話：2328 6933

更多【美食推介】請按此

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel