麥明詩結婚林作媽媽到場狂讚盛勁為！林作連環發文酸爆
麥明詩與盛勁為結婚，繼圍村婚宴之後再喺遊艇會舉行婚禮，麥明詩舊愛林作嘅媽媽王莉妮亦獲邀出席。王莉妮一現身即成為焦點，佢大讚盛勁為靚仔過林作，更為「前新抱」麥明詩送上祝福。而林作則喺網上連環出post表達舊愛出嫁嘅心情！
Photo from TVB
麥明詩同盛勁為拉埋天窗，更舉行3場婚宴宴客，圍村婚宴請咗李隆基，而遊艇會婚禮則邀請咗多位圈中人出席。其中更包括麥明詩前男友林作嘅媽媽王莉妮，王莉妮以一身桃紅色套裝，拎埋拼色Hermès birkin手袋現身。
Photo from TVB
Photo from 王莉妮IG
林作媽媽大方接受訪問，佢坦言當初麥明詩邀請佢時有問佢怕唔怕會尷尬，林作媽媽指唔會，佢表示自己好鍾意麥明詩，但同個仔無緣份都無辦法，佢仲大爆之前諗過好多方法想幫仔仔同麥明詩箍煲，最終都失敗。只能夠祝福對方，做唔成新抱唯有做契女。佢指麥明詩好乖女，更忍唔住直言「好遺憾」，不過最後都自稱「要收口」，並祝麥明詩新婚快樂。
Photo from 王莉妮IG
Photo from 林作IG
林作媽媽亦大讚麥明詩老公盛勁為一表人才，更直言佢靚仔過林作！雖然林作媽媽之前就同仔仔女友裕美「婆媳不和」，但佢表示依家已經對裕美改觀，林作之前因為JPEX差啲坐監，但裕美患難見真情，對林作不離不棄又照顧對方，希望仔仔林作都可以得到幸福。
Photo from 王莉妮IG
麥明詩亦為林作送上祝福，至於一向愛玩社交網站嘅林作則連環出post表心聲。佢分享同女友裕美出席宴會嘅合照，不過當然唔係麥明詩嘅婚宴啦！之後又公開自拍聲稱：「汪小菲係我偶像」，而汪小菲近日再度多次同前妻大S開火，未知林作係咪暗示會同前度糾纏？！
Photo from 林作IG
Photo from 林作IG
林作又指：「本人就母親發言澄稱：佢同我一樣喜歡狗 up，並不代表本人立場。」並tag咗媽媽IG：「有其母必有其子」， 林作媽媽王莉妮出席完麥明詩婚宴都有喺IG分享多張合照，林作喺媽媽嘅post下留言：「癲」
Photo from 林作IG
Photo from 王莉妮IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
林作又再狙擊麥明詩？緊貼舊愛即日同裕美影婚紗相 網友：寬容啲啦！
11 Mar 2024
Photo from 麥明詩IG
Photo from 林作IG
麥明詩與盛勁為愛得甜蜜，早前宣佈完接受求婚後迅速馬不停蹄準備婚禮，更有消息指近日麥明詩已開始四出派喜餅，婚禮亦將於本月24日於吉列島遊艇會舉行。而日前（9日）凌晨麥明詩更是率先於社交平台上載婚紗照與大家分享喜悅，當中見麥明詩身穿低胸裙大晒性感豐滿身材，依偎在盛勁為身上甜笑更是羨煞旁人！
Photo from 麥明詩IG
Photo from 麥明詩IG
不過昔日多次追擊舊愛麥明詩的林作，未知是否受麥明詩甜蜜婚照刺激，昨日（10日）竟然即日與裕美影疑似婚紗相，並分別在兩人的社交平台上上傳照片。當中林作就貼出身穿黑色西裝，手持白色花球的照片，而裕美在相中則身穿紅色平口露背晚裝，兩人同樣留言指：「點解咁凍叫我影啲咁嘅嘢！」
Photo from 林作IG
Photo from 裕美IG
照片上傳後馬上引起網友討論，有網友見林作在照片中皺起眉頭，看起來滿臉愁容，於是紛紛留言說：「咁先睇到你七情上面」、「因為新郎不是你」、「寬容啲啦！」更有人笑說林作似Bob林盛斌：「有頭髮的Bob」。同時有見照片就有網民懷疑兩人好事近留言問裕美：「係咪結婚啦？」，對此裕美並無回答，只回覆一個笑喊emoji。而同樣的問題就有傳媒親自去向林作查詢，不過林作就以短訊回覆指：「暫時不作回應。」
Photo from 林作IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
