丁子朗外型被指再進化！P圖令手指變形，承認今次真係重手咗

娛樂新聞

By Jennifer on 27 Mar 2024

Digital Editor

今晚食乜餸：小二，嚟一碟花生！

丁子朗去年參加《亞洲超星團》後嘅造型變化引起好多網民嘅批評，最近佢上載咗一組宣傳照片喺社交平台上，但再次引起大家嘅討論，好多網民都認唔出佢嘅樣貌，話佢P圖太過份。

Photo from TVB

26歲嘅丁子朗入行後備受力捧，更獲TVB安排參加《亞洲超星團》，挑戰做偶像！不過佢嘅表現卻被唔少網民批評，指佢化韓妝唔自然，完全唔適合佢，加上表情管理太過火，令人直言「頂唔順」。

Photo from TVB

而丁子朗最終亦未有以LOONG 9成員出道，佢重返TVB，但之前染嘅「偶像髮型」就仍有保留，丁子朗亦有持續update近照。近日佢喺IG分享一輯手機宣傳相，但因為樣子再次掀起熱議。

Photo from TVB

Photo from 丁子朗IG

宣傳照片中嘅丁子朗十分chok，但網民就指佢外表大進化：「點解又唔同咗樣」、「我唔討厭丁丁，但希望外貌唔好再進化」、「個樣又進化咗？同出租家人個樣差好遠」，不過亦有人認為係化妝嘅問題。

Photo from 丁子朗IG

其中一張相丁子朗拎住部手機，食指十分細長，似乎唔合乎比例，有網民留言：「執到手指變形」，有啲網民更開玩笑話佢手指可以當作筷子咁用！

Photo from 丁子朗IG

面對網民嘅批評，丁子朗冇採取回擊嘅態度，反而好坦誠地接受大家嘅意見同建議。佢坦言呢個時代個個都會P下圖：「點都會執少少嘅」不過佢承認今次係自己P圖重手咗，會上網學習下人哋點樣P圖會自然啲。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

亞洲超星團｜26歲丁子朗最新韓妝造型再惹劣評粉髮流淚演繹「初戀感」被批難頂！

22 Feb 2024

TVB偶像選秀節目《亞洲超星團》即將接近尾聲，當中有份參賽的TVB小生丁子朗雖憑節目獲得不少關注度，但自節目開播以來造型屢遭負評。而在最新一集中丁子朗就再次化身「韓星」，染上粉髮流淚演繹「初戀感」，怎料就再次被網民狠批難頂！

Photo from 丁子朗IG

在上星期（17日）一集《亞洲超星團》中，丁子朗與其他7名香港成員組成「HOOK」演譯《初戀》一曲。成員這次分別以粉紅及粉藍色的服飾出場，根據他們解釋造型是代表住初戀甜蜜及苦澀的意思。而當中就見丁子朗再度挑戰韓式造型，畫上粉色眼影搭配韓仔粉髮，更在表演中大騷演技，申請演繹獨白部分留下男兒淚，令台下的Rain大為震驚，詢問如何精準計算時間流眼淚。

Photo from TVB節目截圖

不過自節目開播以來造型屢遭負評的丁子朗，這次當然亦無可避免再次被網民彈爆妝造，紛紛留言指：「唔好再扮韓星，好唔自然」、「啲妝真係好難頂」、「個樣咩事」、「成日close up丁子朗個樣好嘔心」、「丁子朗個妝真係唔夾就唔夾架啦」、「以前man好多」。

Photo from TVB節目截圖

其實現年26歲丁子朗，2016年參選香港先生時可謂觀眾緣十足，不但在比賽中勇奪亞軍，更同時被選為最上鏡先生及現場最受歡迎香港先生。不過自上年突然放低演員身份，宣布參加《亞洲超星團》後，觀眾便開始就對改頭換面的丁子朗不適應，甚至引來越來越多的批評。不少人都不理解丁子朗為何要參賽，初期更有網友猜測其並非自願參加，不過丁子朗本人當時就澄清指時自己想去，而參賽原因則是想走出舒適圈及挑戰自己。