日本政府擬加強撲殺奈良鹿 恐生2大威脅擴大宰殺範圍 網友鬧爆：用完即棄！
說到日本奈良，相信大部分港人率先想到的必定是當地的鹿群，不少人前往旅遊都必定會到奈良公園與「奈良鹿」餵食互動。然而由於奈良的鹿群數量激增，恐造成2大威脅，近日奈良縣就決定考慮擴大奈良鹿的可驅除範圍，引起熱烈討論！
Photo from Holiday Smart
奈良鹿作為日本天然紀念物，一直受到細心保護，而奈良縣提倡與鹿共生，因此現時市中心以東約5公里內就被指定為鹿隻保護區，嚴禁殺害鹿隻。至於市中心距離逾10公里範圍，則容許每年撲殺每年不多於180隻鹿，於兩區之間的緩衝區同樣禁止撲殺，但只准活捉對人類或農作物造成過威脅的鹿，鹿隻被捕獲後會被永久安置於收容設施直至死亡。
Photo from Holiday Smart
Photo from YouTube@YOMIURI TELECA
然而由於奈良的鹿群數量激增，緩衝區出沒的鹿隻近年亦漸漸構成新的威脅，鹿群開始侵入農田，尋找食物，導致農民們的農作物遭受嚴重損失。此外，鹿群在市內的活動也增加了交通事故的風險，影響公共安全。因此日前奈良縣政府就召開委員會會議，提出驅除政策擬擴大目前撲殺鹿隻的範圍，以控制鹿群的數量，從而減少其對農業和生態的影響。對此委員會成員亦同意今年內會決定相關細節，並計畫會在明年春天推行。
Photo from 奈良公園官網
事件引起不少人熱烈討論，有人贊同政府的計劃，認為儘管奈良鹿被譽為「神的使者」，但是假如數量沒有得意控制，只會變成「害獸」。不過亦有人認為奈良鹿對當地旅遊業有著巨大貢獻，政府不好好處理問題，反而選擇簡單粗暴的捕殺行為來解決問題，行為相當殘忍：「用完即棄，又叫人去餵鹿」、「幫佢哋絕育，養到自然終老，係最人道」、「奈良啲鹿真係惡㗎，但見到當地人打鹿又衰啲」、「又要靠鹿鹿去吸引遊客、但係又唔善侍動物」。
Photo from 奈良公園官網
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
奈良鹿胃部藏3公斤打結膠袋！小鹿瘋狂誤吃膠袋 愛護會呼籲旅客勿亂餵/亂拋垃圾！
4 Apr 2019
去奈良旅行，當然要去非常出名嘅奈良公園睇鹿鹿啦！除咗打卡影相，仲會有唔少遊客會買鹿仙餅餵鹿鹿，咁做當然開心，不過最近「奈良の鹿愛護会」發現，有奈良鹿因身體太虛弱倒斃，解剖後仲發現逾3公斤膠袋啊！實在令人心痛！
Photo from FB@一般財団法人 奈良の鹿愛護会
奈良公園每日都有大量遊客入內同鹿鹿互動，一班可愛奈良鹿令奈良公園成為必去景點之一，同鹿鹿玩當然開心啦，仲可以打卡影相，餵佢哋食嘢等等，近距離同鹿鹿接觸！
Photo from FB@一般財団法人 奈良の鹿愛護会
不過各位遊客要注意啦，日前「奈良の鹿愛護会」見有奈良鹿倒斃公園，解剖後仲發現鹿鹿胃內有超過3公斤膠袋，而且仲打曬結，嚴重影響鹿鹿消化系統同身體健康啊，相當恐怖！
Photo from FB@一般財団法人 奈良の鹿愛護会
「奈良の鹿愛護会」表示，鹿胃當中藏咁多膠袋，即使鹿鹿食再多嘅食物，都不能被身體吸收、消化，導致鹿鹿身體虛弱，所以大家千祈唔好亂拋垃圾啊！
Photo from FB@一般財団法人 奈良の鹿愛護会
奈良鹿係一種野生動物，不過因生活喺近城市及人群嘅地方，令鹿鹿容易將非食物嘅嘢食落肚，導致健康出現問題。
Photo from FB@一般財団法人 奈良の鹿愛護会
加上由於奈良公園並無設垃圾筒，唔少遊客都會將垃圾隨處亂放，鹿鹿聞到膠袋有食物嘅味道時，就會誤食膠袋，所以大家唔好再亂拋垃圾啦！連膠袋以外嘅垃圾都絕對要帶走處理！
Photo from FB@一般財団法人 奈良の鹿愛護会
另外，餵鹿鹿嘅時候都唔好膠袋連食物比佢哋，咁樣都會令佢哋誤食膠袋㗎！而且亦都唔好餵鹿仙餅以外嘅食物比鹿鹿，咁樣亦會令佢哋食錯嘢而引起健康問題！
Photo from FB@一般財団法人 奈良の鹿愛護会
大家只要行出一小步，勿亂拋垃圾或亂餵食，絕對可以拯救小鹿嘅生命，所以各位到奈良嘅遊客，記得要善待並愛護小鹿啦！
圖片來源：FB@一般財団法人 奈良の鹿愛護会
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
