70歲曾志偉跟潮流著闊腳褲被指炒車網友：似老夫子某角色！

By Macy Sun on 03 Apr 2024

Digital Editor

現年70歲的曾志偉一向勇於挑戰新造型，在《開心無敵獎門人》更多次玩cosplay扮演不同角色，形象百變。而近日就有網友於杭州野生捕獲曾志偉，發現這次他竟跟上年輕人潮流穿闊腳褲出街，不過新打扮就被網友狠批炒晒車，驚變時裝車禍！

Photo from TVB節目截圖

日前，有網友於小紅書上發帖，上傳了一段在杭州某賓館遇見曾志偉的影片。片中可見曾志偉一改往常打扮，穿上一條「時尚感十足」的拼貼款牛仔闊腳褲，然而牛仔褲褲長就略顯稍微過長，長度已及曾志偉腳背、幾乎拖地。

Photo from 小紅書

而曾志偉的全新造型亦引起了網友討論，不少人都指曾志偉身材不適合穿闊腳褲，顯得身型更圓潤，「這褲子太難看了」、「褲子配他可委屈了褲子都被他廢了」、「又矮又胖就不要穿這種褲子了，這種褲子只有模特穿才有點樣子」、「真丑褲子」、「這褲子穿出了老嫂子的感覺」、「褲子穿的不對不適合這個身高的人」，更有人指曾志偉此造型酷似老夫子裡某角色，引發網友留言指：「想說大番薯就直說」、「我昨晚還想着他好像大番薯」

Photo from 小紅書

不過從片中可見，曾志偉正在認真與旁人討論，估計是正在討論流程及劇本；而現場除了曾志偉外，更有內地藝人李菲兒、金沙等人，估計曾志偉是正在拍攝內地綜藝節目《無限超越班》，因此這次充滿「突破」的造型有機會是由造型師為其挑選，與獎門人本人無關！

Photo from 節目截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Alan@E-kids斥阮民安忘恩負義為抽水老屈曾志偉改隊名：你可當我同阿Tim死嘅？

13 Mar 2024

TVB選秀節目《亞洲超星團》團體被曾志偉賜名叫「Loong 9」一事連日來討論度十足，E-kids的Tommy（阮民安）近日更爆料曾志偉改怪名有前科，曾幫E-kids改名叫「A4」惹起熱議。不過就在昨日（12日）E-kids另一成員林詠倫（Alan），就突然在社交平台怒斥Tommy講大話，轟Tommy為抽水攞光環屈曾志偉改隊名，並大爆當年被改名的另一版本！

Photo from Alan Facebook

Photo from 阮民安facebook

林詠倫（Alan）昨日（12日）在社交平台上發文，反駁Tommy早前指曾志偉在E-kids出道前為其組合改名一事，怒指Tommy為抽水攞光環不惜講大話：「我可以好肯定A4唔係曾志偉改，E-kids又肯定係公司改~好心唔好成日抽水攞光環喇！真係人唔笑狗都吠。」

Photo from TVB截圖

Photo from Facebook截圖

Alan在留言區道出當年被改名「A4」的另一版本：「因為未出道時係4個人，當時經理人改叫(A4)不是曾志偉改的，第二笑A4紙是當時出席某D活動，我哋經理人介紹俾林珊珊識時(珊珊姐)，就開玩笑說4A?紙嚟㗎？講真有時唔好咩都出嚟認屎認屁~平時你點話依個話嗰個都無所謂，但咁屈X以前扶持過你嘅，我就忍唔住(冒住俾人X我都係咁講要記住你自己風光時就係度X eKids隊友，有水抽時就爭L住光環。真係人無恥便無敵。)」

Photo from Facebook截圖

Photo from Viu TV截圖

不過出Po發洩亦好像未能紓解Alan怒氣，之後Alan更是開直播直接評論事件，直指Tommy忘恩負義：「嗰個人始終幫過你，如果比著我都唔會咁樣講，睇得好唔開心，嗰個人幫過你，而家飛黃騰達你就會對人好嘅；但如果幫過你，你自己唔得嘅，一有啲咩你就去『擾』人，咁邊個同你玩啫？」

Photo from Alan Facebook

另外Alan亦指過往Tommy已發生過類似認屎認屁事件，不過自己一向不理會其他人講什麼，堅持行正途，因知道E-kids是大家的集體回憶，故當時沒有公開踢爆Tommy的所作所為。但這次Alan實在睇唔過眼忍無可忍：「有人話阿邊個咁樣講，係咪真㗎，我會問，你覺得呢？唔怪得佢哋，佢咁講人哋咪信囉，但係你可以當我同阿Tim死嘅？可以自己咁樣去講，我覺得好搞笑囉！你唔撈啫，大家都撈緊，唔好搞到得罪晒啲前輩，講真，冇佢就冇我哋今時今日。」最後他更寄語Tommy：「搵唔夠咪努力啲囉，唔使咁樣，我真係做唔出。」