避世好地方！遠離繁囂 慢活人生 河畔食泡沫口感嘅濃後宇治抹茶刨冰～

去台灣都可以好似去咗沖繩咁？係咪㗎？講真㗎！位於台北淡水區尼間新開嘅日式刨冰店，絕對係好似置身於世外桃源咁呀！淡水喺台灣，係好多情侶去嘅拍拖聖地，就係因為淡水有條淡水河又近海，而且淡水老街尼啲咁有情調嘅地方，好有情調，非常浪漫㗎。

Photo from 朝日夫婦Facebook專頁

講翻間刨冰店先，店名叫做《朝日夫婦》，有尼個名係因為，刨冰店係曾經喺沖繩生活過嘅一對夫婦開嘅。當時任職潛水教練嘅丈夫，每朝太陽未升起就出去工作，望住嘅係上班途中嘅朝日風景。也許係沖繩嘅朝日景色太過迷人，尼對夫婦翻到家鄉淡水，望到夕陽日落嘅景色，就諗起沖繩嘅朝日。佢地有個目標，「希望直到人生走向終點為止，都能一邊看海」，所以就係淡水河邊開咗尼間充滿沖繩味道嘅《朝日夫婦》刨冰店喇！

Photo from 朝日夫婦Facebook專頁

店內以白色同木系為主，俾人舒適嘅感覺。地方唔算好大，望落去大概可以容納到十許人左右。

Photo from 朝日夫婦Facebook專頁

最矚目嘅莫過於，一路食冰一路可以望住河畔醉人遼闊嘅景色喇～有小泛舟停泊喺河上，有股鄉村古色古香嘅味道，令人想放慢腳步嘅地方。

Photo from 朝日夫婦Facebook專頁

店內暫時賣緊五款口味嘅刨冰，另加一款不定期更換嘅每日限定口味。店主用料絕對唔吝嗇㗎！睇下幾多冰！

Photo from 朝日夫婦Facebook專頁

非常吸引嘅有尼個《ESPUMA宇治金時》，ESPUMA係西班牙文泡沫之意嘅意思。顧名思義，老闆利用京都宇治抹茶再以薄茶3.5倍嘅方式製作出濃厚嘅抹茶，口感方面，老闆用咗好流行嘅分子料理技術，將抹茶呈現出泡沫輕盈嘅texture。所以無論取材定製作過程，都好講究㗎！

Photo from 朝日夫婦Facebook專頁

尼個係佢地期間限定嘅《糖漬白桃》，佢地用新鮮嘅水蜜桃煮成漿狀，絕對全天然㗎！不過，尼個係期間限定口味，唔知之後仲會唔會再推出呢？

Photo from 朝日夫婦Facebook專頁

鍾意酸酸甜甜嘅朋友，可以試下尼個好受女性歡迎嘅《火龍果鳳梨牛奶》喇！好少刨冰有火龍果味㗎嘛，加埋菠蘿嘅酸同煉奶嘅甜，小編都好想試試呀～

Photo from 朝日夫婦Facebook專頁

如果想全方位感受沖繩嘅氣息，就要嗌尼個《沖繩黑蜜黃豆粉》喇！尼個配搭，係日本都經常見到，可以試下食唔食到日本個隻mood喇～

Photo from 朝日夫婦Facebook專頁

備註：不定期公休，請先留意Facebook專頁公告
朝日夫婦
地址：台北淡水區中正路233-3號1樓
電話：886903290575
營業時間：12:00-20:00

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載