羅天宇傳與「東張女神」陳懿德拍拖！羅天宇緋聞女友位位女神級！

娛樂新聞

By Jennifer on 10 Apr 2024

Digital Editor

今晚食乜餸：小二，嚟一碟花生！

羅天宇同陳懿德近日傳出緋聞！兩人雖然年齡相差10歲，但係因為對籃球有共同興趣而結識，仲喺陳懿德受傷嘅時候得到羅天宇照顧。雖然佢哋未公開承認戀情，但好多網友喺社交平台上發現到一啲暗示。

Photo from TVB

呢對情侶嘅緋聞一出，肯定有好多人想知道佢哋係點樣相識嘅。有指係因為佢哋都愛玩籃球，而且都喺會所度打波，所以機會就嚟到喇！當陳懿德受傷嘅時候，羅天宇更主動幫佢，照顧佢，成功擦出愛火花！

Photo from 羅天宇IG

其實羅天宇一向獲封「女神收割機」，前女友包括苟芸慧、Coffee林芊妤、湯洛雯，更有多位女神級緋聞女友：戴祖儀、陳瀅、陳曉華、蘇皓兒等，今次傳出與有米「東張女神」陳懿德拍拖，緋聞女友又添一員！

Photo from 討論區截圖

Photo from 羅天宇IG

羅天宇同陳懿德嘅社交網站亦有唔少疑似情侶嘅暗示。佢哋經常一齊行山、食飯、睇波，雖然同行仲有一大班朋友，但兩人亦分別晒過企鵝合照，陳懿德26歲生日時同唔少好友逐一合照，羅天宇都有出席，不過兩人未有單獨合照，只有大合照先見到佢嘅身影，疑似避嫌。

Photo from 羅天宇IG

Photo from 陳懿德IG

羅天宇同陳懿德都係出身富裕家庭，相信有唔少共同話題。而且，兩個人都好積極發展事業，陳懿德曾經話過佢希望可以賺錢供養爸爸媽媽，所以大學時期就曾經補習賺取零用錢。緋聞傳出後佢哋未公開承認戀情，雙方都向傳媒表示對方係好朋友。

Photo from 陳懿德IG

Photo from 羅天宇IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

羅天宇入行14年傳8段緋聞！蘇皓兒、湯洛雯全部女神級更被天宇帶旺極速上位？

8 Apr 2022

近日有內地網民喺微博、小紅書晒相表示卡深圳見到羅天宇、張景淳、李興華擺攤賣香港特色小食，包括：魚蛋、雞蛋仔、碗仔翅、奶茶等。唔少網民都同佢哋合照大讚真人好nice，更有網友直言：「可能在深圳擺攤都比在TVB掙得多。」

羅天宇2008年參選港男後正式入行，擁健碩身形嘅佢向來有「女神收割機」稱號，入行14年已同過8位女星傳緋聞，但原來佢細個曾經被媽媽當成小女孩來養？！

Photo from 羅天宇 IG

日前，羅天宇在個人IG分享多張兒時舊照，並在帖文自爆細個被媽媽當咗係小女生：「阿媽話初頭以為係女仔，阿姨買咗幾十條裙先至發現...」相中可見，天宇自小就有一雙水汪汪大眼，可能因此令媽媽有「誤會」！

Photo from 羅天宇 IG

現年34歲嘅羅天宇入行14年就已同過多位女星傳緋聞，更因此獲封「女神收割機」，當中不少女藝人同佢傳過曖昧後都發展不俗，所以有人認為天宇能帶旺緋聞對象！以下就嚟睇下佢嘅「輝煌戰績」！

#Coffee 林芊妤

天宇和Coffee親密照於2014年在網上流傳，才令戀情曝光，但二人當時已分手，據聞佢哋相識於微時，男方亦係Coffee嘅初戀男友。Coffee離開大台後轉型成為瑜伽達人，其教學影片好受歡迎；愛情方面，Coffee在18年同圈外男友翟志榮結婚，現時育有一子，並常在社交網大曬家庭點滴，幸福非常。

Photo from Coffee 林芊妤 IG

#苟芸慧

天宇曾在早年訪問中承認同過苟芸慧拍拖，但佢稱交往時，女方仲未升格為女神。苟芸慧在09年奪得華姐冠軍後加入娛樂圈，佢比天宇大4年，入行後同對方發展姊弟戀，但據聞戀情不被看好，亦受到大台施壓，所以佢哋分手收場。自10年起，苟姑娘拍過不少劇集作品，但到16年約滿TVB後離巢，到18年便嫁給富二代陸漢洋做幸福少奶。

Photo from 苟芸慧 IG

#湯洛雯

天宇同「靚湯」湯洛雯大約在14年開始交往，天宇更在30歲生日當天公布戀情，大曬二人親嘴片，非常甜蜜，但不夠半年後卻宣布分手，二人感情維持了約4年。到2020年，靚湯和馬國明戀情曝光，而女方近年都主演了不少電視劇，逐漸成為當家花旦。

Photo from 討論區截圖

Photo from 羅天宇 IG

Photo from 湯洛雯 IG

#陳瀅

天宇同陳瀅因拍劇傳過曖昧，又被指同湯洛雯分手後孖陳瀅到日本賞櫻花，天宇雖承認二人同遊東京，但表示同行仲有其他朋友，亦指同陳瀅屬好友而已，堅稱自己當時單身。陳瀅近年獲不少拍劇機會，嚟緊亦有主演嘅古裝劇即將播映，佢與同劇主演周嘉洛曾傳出緋聞，惟二人從未承認戀情。

Photo from 羅天宇 IG

Photo from 陳瀅 IG

#蘇皓兒

28歲蘇皓兒有份參演最近開播嘅無綫劇《金宵大廈2》，當中佢角色以爛面妝示人頗為搶鏡。皓兒求學時期已參加「YES！校花選舉」，之後以女團組合As One成員身份出道，組合解散後開始轉型做演員。佢因拍檸檬茶廣告而被指酷似周慧敏，亦在前年以學生妹角色成功吸納粉絲，前途無可限量。

Photo from 蘇皓兒 IG

皓兒入行11年曾有3段緋聞，對象年齡都相對較大，包括周慧敏老公倪震、王宗堯、和羅天宇，當中最大差距係57歲倪震；皓兒只承認同過大16歲嘅王宗堯拍拖。以往曾有報道指羅天宇相約同樣愛籃球嘅皓兒打波，更因為一張球場合照傳緋聞，但二人都異口同聲否認戀情，皓兒表示佢哋相識多年，但雙方屬於不同世界，「我講嘢好快，佢講嘢好慢。」

Photo from 羅天宇IG

Photo from 蘇皓兒 IG

#戴祖儀

戴祖儀曾被拍到同羅天宇一齊撐枱腳，更有傳媒曾發現女方乘坐天宇私家車到電視城開工，但二人回應傳媒時都話佢哋無約會，天宇亦強調自己單身。戴祖儀係TVB新一代主捧之一，有「長腿女神」稱號嘅佢除了拍劇，仲好識投資，佢早前透過賣NFT大賺500萬港元，仲有同日本藝術家橋爪悠也合辦藝術展，相當多搞作。

Photo from 戴祖儀 IG

#蔣家旻

蔣家旻和羅天宇在《愛回家》中飾演兩兄妹馬子仁和馬子妮，當年曾有傳男方曾搬到女方家附近做鄰居，不過二人屬好友關係而已，而天宇其後都承認同靚湯交往。有一次，天宇受邀上譚嘉儀YouTube頻道玩遊戲，輸咗要受罰嘅佢致電蔣家旻，並在電話中向對方表白，緊張地聲稱自己暗戀女方多年，不過蔣家旻早已洞悉先機，直接問天宇係咪玩整蠱電話，相當搞笑。