余德丞再度挑戰Do姐底線日本手信送「腳皮烏冬」仲要係餐廳免費贈品？！

By Macy Sun on 12 Apr 2024

Digital Editor

Do姐與余迪偉、余德丞（Dickson）以及傑朱一同主持的商台節目《口水多過浪花》，早前節目中余德丞就因泰國手信派20塊芒果乾激嬲Do姐，被封「地獄手信王」。而近日Dickson東京旅行剛結束，就又為同伴帶來手信，怎料這次竟再大膽挑機送上餐廳免費贈品「腳皮烏冬」，又一次挑戰Do姐底線？！

Photo from 《口水多過浪花》FB

余德丞早前前往日本東京旅遊賞櫻花，旅行結束後便返港繼續開咪主持《口水多過浪花》。作為「地獄手信王」這次Dickson當然再為同伴帶來非一般手信，電台中就聽Dickson掏出一包廉價的烏冬，被節目拍檔余迪偉以「腳皮」作形容。Dickson更坦言這是一包「Do姐唔會鍾意食嘅手信」，隨後揭曉手信的真身原來手打烏冬：「呢包嘢係放係收銀隔離，每人可以免費攞，因為啲烏冬嘅頭頭尾尾佢用唔晒，所以就整成一包包」

Photo from 《口水多過浪花》FB

隨後《口水多過浪花》亦在Facebook上發佈分享「腳皮烏冬」真身，而帖文中寫到：「有人再挑戰手信底線⋯⋯先買咗包咁嘅唔知乜嘢俾我哋⋯⋯」照中見手信包裝普通，上面只寫上食物成分，乍看成片狀的碎面的確有幾分像腳皮！而不少網民見其真身亦表示震驚：「第一眼以為係腳皮！」、「一包嘢3個人Share？」、「日本の腳甲」、「一陣間《愛回家》又抽水啦！」、「完全唔畀面！仲要免費！」、「底線沒有最低，只有更低」

Photo from 《口水多過浪花》FB

不過，其後Dickson就澄清這包「碎麵」並非真正手信，一切純屬講笑！實際上，Dickson今次相當識做，知道Do姐有用手巾仔的習慣，特意送了一條金治毛巾，介紹道：「今治毛巾有個好處就係，5秒內一定索到水，一定會沉底，證明佢一披身就會索乾所有水」獲Do姐難得稱讚「實不相瞞，你買咁多次手信，頭一次啱心水。」至於余迪偉的手信則是衣物除污筆1枝。

Photo from 《口水多過浪花》FB

Photo from 余德丞IG

而事後《口水多過浪花》Facebook亦有再發文寫道：「好彩之後識得補鑊，送咗呢條靚手巾仔俾Do姐，送咗呢支洗污漬筆比余迪偉。」而網民亦都讚Dickson：「有心思！余公子好波」、「已經變節目gimmick」、「依條手巾源自日本四國，質素極高」、「買啱手信進步了」、「其實余公子特登買啲唔知咩嘅返嚟，係想搞笑等大家玩下，佢開心下啫！」，看來這次Dickson終於可以搣甩「地獄手信王」封號喇。

Photo from 余德丞IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

余德丞再次被餐廳老闆要求公開道歉！上載第二封公開信：若果肯道歉，我將俾特首Carrie的愛轉移俾你

15 Jun 2022

藝人余德丞（Dickson）早前同YouTube頻道「9BoThew 膠保廢」邀請拍攝試食影片，成功引起熱議。但其中一位餐廳嘅老闆卻因此感到不滿，揚言已經報案；昨晚（14日）農場餐廳嘅老闆於FB上載第二封公開信，當中再三要求余德丞公開道歉！

Photo from 余德丞IG

余德丞與YouTuber拍攝試食片，食評超直接！

32歲余德丞（Dickson）自從離巢後就開始各種新工作，仲努力經營YouTube頻道。上個月尾，佢就獲頻道「9BoThew 膠保廢」合作一齊拍攝試食影片，到訪2間被網民評為「最伏」嘅餐廳。當中三人喺影片十分坦率咁發表食評，批評食物難吃，反應熱烈引起網民熱議！

Photo from 「9BoThew 膠保廢」YouTube

農場餐廳老闆承認已報案起訴！

影片曝光後，有疑似係扒房餐廳老闆留言表達不滿，仲表示已經喺深水埗警署備案「必定對片中幾位YouTuber追究到底。」其後，「農場餐廳」老闆於FB承認事實，補充將會從呢3方面向余德丞及另外2位Youtuber作出起訴，希望社會能夠整頓YouTube嘅風氣，似乎非常嬲！

Photo from 「9BoThew 膠保廢」YouTube

Photo from 農場餐廳老闆FB

上載公開信要求余德丞公開道歉！

今個月10日，農場餐廳老闆上載咗一封公開信，當中指名度姓要求余德丞「我不要金！不要銀！只要你說對不起三個字！」，希望佢能夠喺父親節前公開道歉！信中嘅尾段仲順帶推行餐廳嘅優惠，指由即日起到19日下午6點至7點光顧餐廳，並且享用「黑牛肝菌汁薄牛扒」就可以有半價優惠，若果食客不滿意就唔收錢，對自己餐廳嘅食物信心十足。